ভারতকী প্রধানমন্ত্রী

মখাগী ৱাফম অসি প্রধান মন্ত্রী শ্রী নরেন্দ্র মোদীনা নেপাল চৎত্রিঙৈগী মাংওইননা পীখিবা ৱারোলনি।

“নেপালগী প্রধান মন্ত্রী কে পি শর্ম ওলীগী বার্তনদা ২০১৮গী মে ১১-১২দা ঐহাক নেপালদা চৎকনি।

প্রধান মন্ত্রী অমা ওইনা মসি ঐহাক্কী অহুমশুবা নেপাল খোংচৎনি। খোংচৎ অসিনা নেপালগা লোয়ননা ঐখোয়গী চহি কয়া লৈরক্লবা মরূপ ওইবগী নক্নবা মরি অদু উৎলি।

ঐহাক্কী খোংচৎ অসি মমাং থাদা প্রধান মন্ত্রী শ্রী ওলীগী ভারত খোংচৎ অদুগা ইকান কান্নদনা চৎপা খোংচৎনি। অসিগুম্বা মখলগী অৱাংবা থাক্তা চাং নাইনা ৱারী শান্নবা অসিনা ‘সবকা সাথ সবকা বিকাস’ হায়বা ৱাফম অদুগা লোয়ননা য়ুমলোন্নবগা অহানবা পোলিসী থম্নবা হায়বদু উবা ফংলি।

হৌখিবা চহি খরা অসিদা ঐখোয়গী লৈবাক অনিমক্না অমত্তা ওইনা পুন্দুনা তোঙান তোঙানবা বাইলেতরেল কনেক্তিবিতী অমসুং দিবেলপমেন্ত প্রোজেক্তশিং মপুং ফানা পায়খৎলে অমদি লৈবাক অনিমক্কী মীচম মীয়ামগী য়াইফনবগীদমক চাউনা অওনবা কয়া পুরক্লে।

প্রধান মন্ত্রী ওলী অমসুং ঐহাক্না হন্দক্তা ন্যু দিল্লীদা পাক চাউনা খন্ন-নৈনখিবা ম্যুচুয়েল ইন্তরেস্তকী ইশুশিং অদু মাংলোমদা পুখৎনবা তঞ্জা ফংলগনি।

ঐহাক্না কাথমান্দুগী মথক্তা জনকপুর অমসুং মুক্তিনাথ চৎনবা থৌরাং তৌরি। মফম অনি অসিদা চহি খুদিংগী মীওই চা কয়া লাই খুরুম্বা চৎনরি। মফম অনি অসি ভারত অমসুং নেপালগী মীয়ামগী মরক্তা মতম কুইরবা অমসুং অচেৎপা কলচরেল অমসুং ধর্মগী ওইবা মরি অদুগী অচংবা খুদম্নি।

ঐহাক্না নেপালদা রাজনিতীগী লুচিংবশিং অমসুং মরূপশিংগা উন্ননবা থৌরাং তৌরি। ঐহাক্কী খোংচৎ অসিনা নেপালগা লোয়ননা ঐখোয়গী মীয়ামগী পার্তনরশিপ অসি মখা তানা চেৎশিলহল্লগনি হায়না ঐহাক্না থাজবা থম্লি।”