ভারতকী প্রধানমন্ত্রী

রিজর্ব বেঙ্ক ওফ ইন্দিয়া (আর বি আই)দা নেস্নেল হাউসিং বেঙ্ক(এন ঐচ বি)না লুপা ক্রোর ১৪৫০গী সবস্ক্রাইব সেয়র কেপিতেলগী ফেস ভেল্যু পীবা মন্ত্রীমন্দলনা য়ারে অমসুং ২০১৮দা এন ঐচ বি এক্ত, ১৯৮৭ শেমদোকপা য়ারে।

কান্নবা:

এন ঐচ বি অসি লৈবাক অসিদা হাউসিং ফাইনান্স ইন্সতিত্যুসনশিং য়োকখৎনবা লৈবা মরুওইবা এজেন্সী অমনি। সরকারদা মপু ওইহল্লবা মতমদা এন ঐচ বিগী হোলসেল ফাইনান্সিংগী থবক অসি মপাঙ্গল কনখৎলক্কনি অমসুং হাউসিং ফাইনান্সিং কম্পেনীশিং ফন্দ পীবা হেনগৎলক্কনি। আর বি আইনা মপু ওইরম্বদগী সরকারদা শীন্নরকপা অসিনা আর বি আইনা বেঙ্কিংগী রিগুলেতরগী থৌদাং লৌবা অমসুং এন ঐচ বিগী মপু ওইরম্বা অদু খাইদোক্নরগনি।

চংগদবা শেনফম:

চংগদবা লুপা ক্রোর ১,৪৫০গী শেনফম অসি ২০১৮-১৯গী ক্রোস বজেৎতরী সপোর্তনা পুথোক্কনি। কান্নবা ফংগদৌরিবনা আর বি আই অমসুং হাউসিং সেক্তরনি।

নুংগী ৱারোল:

এন ঐচ বি অসি নেস্নেল হাউসিং বেঙ্ক এক্ত, ১৯৮৭ (১৯৮৭কী সেন্ত্রেল এক্ত নম্বর ৫৩)গী সংসদকী এক্ত অমগী মখাদা ১৯৮৮দা ওল ইন্দিয়া ফাইনান্সিয়েল ইন্সতিত্যুসন (এ আই এফ আই) অমা ওইনা লিংখৎখিবনি। মসি লোকেল অমসুং রিজনেল লেবেলদা হাউসিং ফাইনান্স ইন্সতিত্যুৎশিং য়োকখৎনবা লিংখৎপা মরুওইবা এজেন্সী অমনি। হৌজিক এন ঐচ বিগী কেপিতেল অসি লুপা ক্রোর ২,০০০নি অমসুং মসিগী মনুংদা লুপা ক্রোর ১৪৫০না আর বি আইনা পুথোকপনি। হৌজিক কেপিতেল অসি আর বি আইনা মপুংফানা পুথোক্লি। মখা তানা হায়রিবা শেনফম অসি আর বি আইদা পীরবা মতুংদা, এন ঐচ বি অসি কেন্দ্র সরকারগী ওইরগনি।