ভারতকী প্রধানমন্ত্রী

ঙসি, বিক্রম সম্ভাত ২০৮২…. ফালগুন কৃষ্ণ পাকসা… বিজয় একাদসী… মাগ ২৪, সাকা সম্ভাত ১৯৪৭গী শেংলবা থৌরমদা…

ফেব্রুৱারি ১৩, ২০২৬ দা প্রধান মন্ত্রীনা লৈবাক মীয়ামদা অনৌবা প্রধান মন্ত্রীগী ওফিস কৎথোকখ্রে, মসি হৌজিক ‘সেবা তির্থ’ হায়না খঙনরগনি।

ভারত লোয়লম লৈঙাক্কী য়োৎহিংনা পুন্দুনা থম্নবা বৃতিসনা নোর্থ ব্লোক অমসুং সাউথ ব্লোক শারমখিবনি। ভারতনা ১৯৪৭ দা লোয়লম লৈঙাক্তগী নিংতম্বা ফংলবসু, মতম অদুগী সরকারনা মখোয়গী মথৌ পাংথোক্নবা হায়রিবা শঙলেনশিং অসি মখা তানা শীজিন্নখি। নিংতম্বা হেক ফংবদগী, সাউথ ব্লোক্কী শঙলেন অসিদগী প্রধান মন্ত্রীগী ওফিস মথৌ পাংথোক্তুনা লাক্লি।

ঙসি, সাউথ ব্লোক্কী কা অসিদা অরোইবা ওইনা কেন্দ্রগী মন্ত্রীমন্দলগী মীফম পাংথোকপদা ঐখোয় হরাওই। মসি মফম হোংনবগী ইচম চম্বা তাঞ্জা অমা নত্তে; মসি পুৱারি অমসুং নাৎ পুনশিনবগী তাঞ্জা অমনি। মীনাই ওইরিঙৈদগী হৌরগা নিংতম্নবা লান্থেংনখিবা অমসুং মতম অদুগী নিংতম্লবা ভারতকী পুৱারি ওইরবা থৌদোক কয়া কমপ্লেক্স অসিদা থোকখি অমসুং উবা ফংখি। কমপ্লেক্স অসিদা লৈবাক অসিগী প্রধান মন্ত্রী ১৬ গী লমজিং মখাদা মন্ত্রীমন্দলশিংনা মরুওইবা ৱারেপশিং লৌবা উবা ফংখ্রে। নেহরু জিদগী হৌরগা প্রধান মন্ত্রী শ্রী নরেন্দ্র মোদী জি ফাওবদা, মসিগী কাখৎফম থাকশিংদা মখোয়গী খোঙ্গুলগী মমিশিং তারি। শঙলেন অসিগী কাখৎফম থাকশিংনা লৈবাক অসি অনৌবা থাকশিংদা পুখৎপদা মরুওইবা থৌদাং অমা লৌখি।

হৌখিবা চহি ১০ দা, সংবিধানগী অচুম্বা ফিদমশিংনা ইথিল পীদুনা, মন্ত্রীমন্দলগী মীফমশিং পাংথোকখ্রে, মীয়ামগী অমসুং লৈবাক্কি অনিংবশিংগী অপাম্বা খঙখি, মরুওইবা ৱারেপ কয়া লৌখি। মফম অসিদা, ভারতকী মাইপাকপশিং হরাওবা ফোংদোকখ্রে, মাইথিবশিং নৈনখ্রে অমসুং অৱাবশিং অমসুং খুদোংথিবশিং থেংন্নবা মরুওইবা ৱারেপশিং লৌখ্রে।

সাউথ ব্লোক্কী কাশিংদা লৈবাক অনি থোক্না খায়দোকপগী অকিবা, লাল অমসুং ইমর্জেন্সিগী খুদোংচাদবশিং অমসুং শান্তি মতমদা থৌশিলশিং খন্ন-নৈনবশিং উখ্রে। মখোয়না তাইপরাইতরশিংদগী হৌরগা দিজিতেলগী লৈবাক ঙাকপা ফাওবগী তেক্নোলোজিগী অচৌবা অহোংবা থেংনখ্রে।

মফম অসিদা ফমদুনা, তোঙান তোঙানবা সরকারগী ওফিসিএশিংনা ৱারেপশিং লৌদুনা নিংতম্লবা মতুংদা খুদক্কী তম্বা ঙমদবা ফিবমশিংদগী ভারত কনখি অমসুং তুংদু-লৈতাবগী লম্বীদা লৈবাক অসি মাঙলোমদা চঙশিনখি। মসি মীওই খুদিংমক্কী থবকশিংগী অফবা ফলনি, শেন-থুমগী অৱাবশিংদগী ভারত নান্থোরকখি, ঙসিগী ভারত থাজবা য়ারবা লৈবাক অমা ওইনা লৈরি।

ঙসিগী ভারত মালেমগী অচৌবা ইকোনোমিশিংগী মনুংদা অমা ওইরে। ভারত অশোই-অঙাম থোক্তবা অমসুং শক্তি লৈবা লৈবাক অমা ওইরক্লে অমসুং মালেমগী ফম্বাকশিংদা লৈবাক অসিগী নাখৈ শেংবা অমসুং মতিক চাবা খোল্লাউ অমা লাউরি।

হৌখিবা চহি ১০ দা, প্রধান মন্ত্রী শ্রী নরেন্দ্র মোদীগী লমজিং মখাদা, সাউথ ব্লোক্ত লৈবাক অসিগী মরুওইবা ৱারেপ কয়া লৌখ্রে। মফম অসি অপীকপা সরকার, অচৌবা লৈঙাক্কী পুক্নিং থৌগৎনিঙাই ওইরবা মফমনি। মফম অসিদগী, লৈবাক শীনবা থুংবদগী রিফোর্ম এক্সপ্রেস পুক্নিং থৌগৎখি। মফম অসিদগী, দি.বি.তি,শ্বাচ্ছ ভারত অভিয়ান, লায়রবগী য়াইফনবা খোঙজংশিং, দিজিতেল ইন্দিয়া, জি.এস.তিগুম্বা অওনবা কয়া পুরকখি। মফম অসিদগী, আর্তিকল ৩৭০ গী ফক্লাং থুগায়দুনা অমসুং ত্রিপল তালাগকী মায়োক্ত অনৌবা আইন শেমদুনা খুন্নাইগী অচুম্বা পুরক্নবা থৌনা ফরবা অমসুং অরুবা ৱারেপশিং লৌখি। মফম অসিদগী সর্জিকেল ষ্ট্রাইক, এয়র ষ্ট্রাইক অমসুং ওপরেসন সিন্দুরগী ৱারেপশিং লৌখি, মসিগী খুৎথাংদা মালেমদা ভারতকী অচেৎপা ফিরেপ অমসুং থাজবা লৈরবা সেকুরিতিগী থৌশিলগী নাখৈ শেংলবা পাউজেল অমা পীখি।

ঙসি, চাউখৎলবা তুংলমচৎ অমগী ৱাশক্ক লোয়ননা লৈবাক অসি মাঙলোমদা চঙশিল্লি। মসিগীদমক, মতমগী অনৌবা, তেক্নোলোজি শীজিন্নরবা অমসুং মহৌশাগী অকোয়বগী ফিবমগা চুশিন্নবা ওফিস অমা দরকার ওইরে। ওফিস অমনা মফম অদু থবক শুরিবা মীওই খুদিংমক থবক ফজনা পাংথোকপা হেনগৎহল্লি অমসুং মীয়ামগী থবক তৌনবা মহাক ৱারেপ লৌনবা পুক্নিং থৌগৎলি।

মসিগী ৱাখল্লোন অসিগা লোয়ননা, সাউথ ব্লোক শঙ্গাখিবা চহি ৯৫ রোমগী মতুংদা, ঙসি ফেব্রুৱারি ১৩,২০২৬ দা, ভারত সরকারনা শঙলেনশিং থাদোক্লে অমসুং ‘সেবা তির্থ’ অমসুং ‘কর্তব্য ভবনশিংদা’ হোংজিল্লে। মসি লৈবাক অসিনা হৌখিবা মতমদা মীনাই ওইরম্বদগী ‘বিকসিত ভারত’ গীদমক তুংদা থাংজিনবা খোঙথাং অমনি। হৌখিবা চহি ১০ দা, লৈবাক অসিদা ‘শক্তি’ পায়নবা চৎনবী লৈরম্বদগী, মীয়ামগী থবক তৌনবা চৎনবী মপাঙ্গল কনখৎহল্লে। ঙসিগী অওনবা অসিনা মখা তানা হায়রিবা গুনশিং অসি মপাঙ্গল কনখৎহনগনি।

ঙসিদি, নোর্থ ব্লোক অমসুং সাউথ ব্লোক “য়ুগে য়ুগী ভারত নেসনেল ম্যুজিম” গী শরুক অমা ওইহন্নবা মন্ত্রীমন্দলনা ৱারেপ লৌরে, মসিনা মখা তানা চহি লিশিং কয়া শুরবনা ঐখোয়গী অরিবা সভ্যতাদগী মীরোল কয়াদা ইথিল পীগনি। ম্যুজিয়ম অসিদা মুৎপা নাইদ্রবা নাৎ অমসুং চৎনবীশিং উৎকনি অমসুং নুংঙাই য়াইফবা তুংলমচৎ অমগীদমক ঐখোয়গী হৌখ্রবা মতমগী অফবা মতমগা শম্নহনগনি।  

লৈবাক ঙাক্নবগী ময়োল অসি মমাংঙৈগী লোয়লম লৈঙাক্কী পুৱারি অমদগী অনৌবা ভারতকী ‘সেবা তির্থ’ ওন্থোক্নবা ইকায়খুম্নরবা প্রধান মন্ত্রীগী মীৎয়েং শানবা লুচিংবগী থবকশিংগীদমক কেন্দ্রগী মন্ত্রীমন্দলনা তৌবীমল খঙবা উৎখি।

On Vijaya Ekadashi, 13 February 2026, the Union Cabinet adopted a resolution marking the dedication of a new chapter in India’s governance by Prime Minister @narendramodi

Built during British rule, the North and South Blocks served as the centre of governance after Independence… pic.twitter.com/JcTn7TsGiP

— PIB India (@PIB_India) February 14, 2026

***