ভারতকী প্রধানমন্ত্রী
য়োর এক্সিলেন্সী প্রধান মন্ত্রী নোরৱে
লৈবাক অনিমক্কী দেলিগেৎশিং,
মীদিয়াগী মরুপশিং,
খুরুমজরি!
নোরৱেদা লাকপদা ঐহাক নুংঙাইবা ফাওই। লৈবাক অসিনা মহৌশা অমসুং মীওইবগী খুমাং চাউশিনবগী মরক্তা লৈনরিবা মরীগী ফজরবা খুদম অমনি।
অহানবদা অমসুং খ্বাইদগী মরুওইনা, নুংশিনা অমসুং তরাম্না ওকপগীদমক্তা প্রধান মন্ত্রীদা ঐহাক্না থম্মোই শেংনা থাগৎপা ফোংদোকচরি। অমসুং হয়েং, নোরৱেগী কন্সতিত্যুসন নুমিৎকী মরুওইবা থৌরম অসিদা, মালেমগী খ্বাইদগী চাউবা দেমোক্রেসীগী মায়কৈদগী, নোরৱেগগুম্বা মপাঙ্গল কনবা অমসুং চাউরবা দেমোক্রেসী অমগী মীয়ামদা ঐহাক্না নুংঙাইবা ফোংদোকচরি।
মমাং চহিদা ঐহাক্না নোরৱেদা চৎকনি হায়না থৌরাং তৌরম্মি, অদুবু পহালগামদা তেরোরিস্ত এতেক থোকখিবনা মরম ওইদুনা খোংচৎ অদু লেপহনখি। অরুবা মতম অদুদা, নোরৱেনা তেরোরিজমগী মায়োক্তা ভারতকা লোয়ননা লেপতুনা অশেংবা মরুপ ওইবগী মওং উৎখি। ঙসি ঐনা নোরৱেদা চৎলিঙৈদা, ঐখোয়গীদমক লেপ্পিখিবা অদুগীদমক্তা ঐহাক্কী থম্মোয়দগী থাগৎপা ফোংদোকচরি।
মরুপশিং,
ঙসিদি, মালেম অসি তংদু লৈতাদবা অমসুং তম্বা ঙমদবা তাঙ্কক অমদা লৈরি। য়ুক্রেন ওইগেরা নত্ত্রগা নোংচুপ এসিয়া ওইগেরা, মালেমগী মফম কয়াদা লানগী ফীভম অমা লৈরি। অসিগুম্বা ফীভম অসিদা, ভারত অমসুং য়ুরোপনা মখোয়গী মরীদা অনৌবা গোল্দন ইরা অমদা চঙশিল্লি।
হৌখিবা চহিদা, ভারত অমসুং য়ুরোপিয়ন ফ্রী ত্রেদ এসোসিয়েসননা পুৱারী ওইরবা ত্রেদ অমসুং ইকোনোমিক পার্তনরশিপ এগ্রীমেন্ত অমা ইমপ্লিমেন্ত তৌখি। মসিগী এগ্রীমেন্ত অসিনা ভারত অমসুং নোরৱেগী মরক্তা পুন্না খুমাং চাউশিনবা অমসুং চাউখৎপা পুরক্নবা ব্লুপ্রিন্ত অমা ওইনা মথৌ তৌরি। এগ্রীমেন্ত অসিনা মথংগী চহি ১৫দা ভারত্তা বিলিয়ন ১০০গী ইনভেস্তমেন্ত পুথোক্নবা অমসুং থবক মিলিয়ন অমা শেম্নবা পান্দম থম্লি। ঙসি, ঐখোয়না অনিমক্না য়ানা ৱারোল অসিগী অচেৎপা ৱারেপশিং অদু ময়েক শেংবা মহৈশিংদা ওন্থোক্নবা মরু ওইবা ৱারেপ কয়া লৌখ্রে।
মরুপশিং,
ঙসি ঐখোয়না ভারত অমসুং নোরৱেগী মরক্তা লৈরিবা মরী অসি গ্রীন স্ত্রেতেজিক পার্তনরশিপকী মওংদা শেমগৎলি। ক্লিন ইনর্জীদগী ক্লাইমেৎ রেসিলিয়েন্স ফাওবা, অমসুং ব্লু ইকোনোমীদগী গ্রীন শিপ্পিং ফাওবা সেক্তর খুদিংমক্তা লৈরিবা স্ত্রেতেজিক পার্তনরশিপ অসিগী খুত্থাংদা ঐখোয়গী কম্পেনীশিংনা নোরৱেগী তেক্নোলোজী অমসুং কেপিতেলগা লোয়ননা ভারতকী স্কেল, স্পীদ অমসুং তেলেন্ত পুনশিন্নদুনা মালেমগী ওইবা সোলুসনশিং পুথোক্কনি।
মরুপশিং,
রিসর্চ, এজুকেসন, অমসুং ইন্নোবেসন অসিসু ঐখোয়গী মরীগী মপাঙ্গল কনবা য়ুম্বী অমা ওইনা থোরক্লি। ঙসি ঐখোয়না সস্তেনেবিলিতী, ওসিন ইনর্জী, জিওলোজী অমসুং হেল্থকুম্বা হিরমশিংদা রিসর্চ কোওপরেসন হেনগৎহন্নবা য়ানচে অমা তৌখি।
ঐখোয়না ঐখোয়গী য়ুনিভর্সিতীশিং অমসুং ইঞ্জিনীয়রিং, এ.আই., সাইবর সেক্যুরিতী, অমসুং দিজিতেল তেক্নোলোজীগুম্বা সেক্তরশিংদা স্তার্ত-অপ ইকোসিস্তেমশিং পুনশিন্দুনা ঐখোয়গী পার্তনরশিপশিং অসি তুংলমচৎকীদমক শেম-শারগনি। স্কিল দিভেলপমেন্ত অমসুং তেলেন্ত মোবিলিতীদা ঐখোয়গী কোওপরেসন অসি হেন্না মপুং ফাহনবা শেমগৎলি।
মরুপশিং,
নোরৱে অসি আর্ক্তিক লমদমগী মরুওইবা লৈবাক অমনি। ঐখোয়না আর্ক্তিক অমসুং পোলর রিসর্চতা পুন্না থবক তৌমিন্নবগী মতম শাংনা চৎনরক্লবা পুৱারী অমা লৈ। ভারতকী আর্ক্তিক রিসর্চ স্তেসন, “হিমাদ্রি”গী থবকশিংদা মতেং পাংলিবা নোরৱেগী মফমদা ঐখোয়না থাগৎপা ফোংদোকচরি। ঙসি ইস্রো অমসুং নোর্ৱেজিয়ান স্পেস এজেন্সীগী মরক্তা খুৎয়েক পীনরিবা এম ও য়ু অসিনা ঐখোয়গী স্পেস কোওপরেসনদা অনৌবা মায়োল অমা হাপচিনগনি।
হীরমশিং অসিদা কুপ্না তেংবাং পীনদুনা, ঐখোয়গী সাইন্তিস্তশিংনা ক্লাইমেৎ চেঞ্জ খঙবদা, অশোনববা ইকোসিস্তেমশিং ঙাক-শেনবদা অমসুং মীওইবগী তুংলমচৎকীদমক মতেং পাংগনি।
মরুপশিং,
ভারত অমসুং নোরৱেগী মরক্তা গ্রীন স্ত্রেতেজিক পার্তনরশিপ অসিনা মালেম পুম্বগীদমক কান্নবা ওইগনি। নোরৱেনা ঙসি ইন্দো-পেসিফিক ওসিন ইনিসিএতিবতা য়াওরকপদা ঐখোয়না হরাওবা ফোংদোকচরি।
মরুওইবা সমুদ্র লমগী লৈবাক অনি ওইনা, ঐখোয়না সমুদ্রগী শেন্মিৎলোন, সমুদ্রগী ঙাকশেল অমসুং কেপাসিতী বিল্দিংদা মতেং পীনবা হেনগৎহন্নবা পুন্না থবক তৌমিন্নগনি। ঙসি ঐখোয়না ত্রাইএঙ্গুলর দিবেলপমেন্ত কোওপরেসন এগ্রীমেন্ত অমা লোইশিনখ্রে। ঐখোয়না হৌজিক ভারতকী দিজিতেল পব্লিক ইনফ্রাস্ত্রকচর প্রোজেক্তশিংগী খুত্থাংদা গ্লোবেল সাউথকী লৈবাকশিংদা মীওইবগী চাউখৎ-থৌরাংদা মতেং পাংনবা পুন্না থবক তৌমিন্নগনি।
মরুপশিং,
ভারত অমসুং নোরৱে অনিমক্না রুলশিংদা য়ুম্ফম ওইবা কাংলোন, দাইলোগ অমসুং দিপ্লোমসীদা থাজবা থম্লি। ঐখোয়না য়ানরি মদুদি লানগী খুৎলায়না ৱারোইশিন পুরকপা ঙম্লোই। য়ুক্রেন ওইগেরা নৎত্রগা নোংচুপ এসিয়া ওইগেরা, ঐখোয়না কনফ্লিক্ত অসি অথুবা মতমদা লোইশিন্নবা অমসুং শান্তি অমুক হন্না পুরক্নবা হোৎনরিবা খুদিংমকপু শৌগৎলি অমসুং মখা তানা শৌগৎকনি।
মালেমগী ওইবা খুদোংচাদবশিং কোকহন্নবগীদমক মালেমগী ওইবা ইন্সতিত্যুসনশিং শেমদোকপা অসি তঙাইফদবনি হায়বা ৱাফম অসিদা ঐখোয়না অমত্তা ওইনা য়ানরে। মসিগী মথক্তা, তেরোরিজমগী মওং পুম্নমক মুত্থৎপা অসি ঐখোয়গী অপুনবা ৱাশক অমনি।
এক্সিলেন্সী,
আর্ক্তিকতগী হৌরগা আউতর স্পেস ফাওবা, গ্রীন শিপ্পিংদগী হৌরগা ব্লু ইকোনোমী ফাওবা, অমসুং ইনর্জী সেক্যুরিতীদগী হৌরগা ফুদ সেক্যুরিতী ফাওবা, ঐখোয়গী কোওপরেসন অসিনা অনৌবা ঙমখৈশিং শোক্লি। ঐখোয়গী গ্রীন স্ত্রেতেজিক পার্তনরশিপকী খুত্থাংদা থাজবা থম্বা, তুংলমচৎকী অমসুং অশাংবা মতমগী ওইবা পার্তনরশিপকী অনৌবা পন্দুপ অমা ইরসি।
অদোমবু হন্না-হন্না থাগৎচরি।
***
\Addressing the joint press meet with PM Jonas Gahr Støre of Norway.@jonasgahrstore https://t.co/gSOQw8Ismc
— Narendra Modi (@narendramodi) May 18, 2026
मैं पिछले वर्ष नॉर्वे आने वाला था, लेकिन पहलगाम में हुए आतंकी हमले के कारण वह यात्रा स्थगित करनी पड़ी।
— PMO India (@PMOIndia) May 18, 2026
उस कठिन समय में Norway ने आतंकवाद के विरुद्ध भारत के साथ मजबूती से खड़े होकर सच्ची मित्रता का परिचय दिया।
आज जब मैं Norway आया हूँ, तो मैं उस solidarity के लिए हृदय से आभार…
पिछले वर्ष, भारत और यूरोपियन फ्री ट्रैड एसोसिएशन ने, एक ऐतिहासिक trade and economic partnership agreement लागू किया।
— PMO India (@PMOIndia) May 18, 2026
यह अग्रीमन्ट भारत और नॉर्वे के बीच, shared progress और prosperity सुनिश्चित करने का blueprint है: PM @narendramodi
हमे बहुत खुशी है कि नॉर्वे आज, Indo-Pacific oceans initiative से जुड़ रहा है।
— PMO India (@PMOIndia) May 18, 2026
दो बड़े maritime देश होने के नाते, हम साथ मिलकर marine economy, maritime security और capacity building में सहयोग को मजबूत करेंगे: PM @narendramodi
भारत और नॉर्वे, दोनों, rules based order, dialogue और diplomacy में विश्वास रखते हैं।
— PMO India (@PMOIndia) May 18, 2026
हम एकमत हैं कि, केवल military conflict से किसी भी मुद्दे का समाधान नहीं निकल सकता।
यूक्रेन हो या पश्चिमी एशिया, हम संघर्ष की शीघ्र समाप्ति और शांति के हर प्रयास का समर्थन करते रहेंगे: PM…
हम इस बात पर भी एकमत हैं कि बढ़ते हुए global challenges के समाधान के लिए Global institutions का reform अनिवार्य है।
— PMO India (@PMOIndia) May 18, 2026
और terrorism के हर रूप को जड़ से समाप्त करना हमारी साझी प्रतिबद्धता है: PM @narendramodi
