ভারতকী প্রধানমন্ত্রী

ঙসি প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা সোলর ইনর্জী কোরপোরেসন ওফ ইন্দিয়া লিমিতেদ(এস ই সি আই), ইন্দিয়া অমসুং কোম্মিসারিয়েত এ আই ইনর্জীতোমিক এত আওচ ইনর্জীস অলতর্নেতিপস(সি ই এ), ফ্রান্স সরকারগী রিছাস ইনতাইতি অমসুং ফ্রান্সকী কম্পেনি ব্লুস্তোরেজ এস এ এসগী মরক্তা মেমোরেন্দম ওফ অন্দরস্তেন্দিং খুৎয়েক পীনবা অদু অয়াবা পীরে । এম ও য়ু অদু ২০১৮গী ওক্তোবর ৩দা ন্যু দিল্লিদা খুৎয়েক পীনখিবনি । এম ও য়ু অসি হিন্দি , ইংলিস অমসুং ফ্রেন্জগী ওরিজিনেল অহুমদা খুৎয়েক পীনখি ।

এম ও য়ু অদুগী পান্দমদি ইমবেদেদ বেত্তরিশিং য়াওনা এস ই সি আই অসি ই-ভেহিকল চার্জ তৌনবগী স্তেসন অমা ওইনা শেমগৎনবা পাইলোত প্রোজেক অমা পায়খৎনবগী মতাংদা পায়খৎকদবা থবকশিং খন্নবা অদু এম ও য়ু অদুগী পান্দম্নি । থবক অদুদা সোলর পেনেলশিং অমসুং গ্রিদতা শম্নদুনা ইলেকত্রিক গারিশিং শীজিন্নবা হেনগৎহন্নবা ভারত সরকারগী অচৌবা থৌরাং শৌগৎপা য়াওরি ।

এম ও য়ু অদুনা ভারত অমসুং ফ্রান্সকী মরক্তা মতেং পীনবা হেনগৎহনগনি ।

***