ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ন্যু জীলেন্দগী প্রধান মন্ত্রী, রাইৎ ওনরেবল খৃস্তোফরনা “ইন্দিয়া-ন্যু জীলেন্দ: এ ৱিন্নিং পার্তনরশিপ” হায়বা থিমদা শিনবা অখন্নবা গালা লঞ্চেন অমদা শরুক য়াখ্রে। থৌরম অদুদা রাজনিতী, ললোন-ইতিক, ইন্দস্ত্রী, একাদেমিয়া, তেক্নোলোজী, স্পোর্তস অমসুং আর্তকী লমদগী শক্নাইরবা মীওইশিংনা শরুক য়াখি।

মহাক্কী তরাম্না ওকপগী ৱারোলদা, প্রধান মন্ত্রী লুক্সন্না ভারত অমসুং ন্যু জীলেন্দগী মরক্তা অচেৎপা অমসুং মতম শাংলবা মরী অসিগী মতাংদা পনখি অমসুং নাকল অনিগী ওইবা মতেং পীনবা মপাঙ্গল কনখৎহন্নবা অমসুং নাকল অনিগী চাউখৎপা হেনগৎহন্নবগীদমক মান্নবা মীৎয়েং অমা থমখি। প্রধান মন্ত্রী মোদীনা লৈবাক অনিগী মরক্তা লৈরিবা মরী অমসুং মখোয়গী মতম শাংলবা মীয়ামগী মরী অদু পনখি। মহাক্না নাকল অনিগী ওইবা মরীশিং অসি স্ত্রেতেজিক পার্তনরশিপকী থাক্তা পুখৎলকপদা নুংঙাইবা ফোংদোকখি অমসুং মসিনা হৌজিক চৎথরিবা কোলাবোরেসন অসি হেন্না চেৎশিলহল্লগনি হায়না থাজবা ফোংদোকখি। অতেনবা মতমদা লোইশিনখিবা ইন্দিয়া-ন্যু জীলেন্দ এফ.তি.এ.না লৈবাক অনিমক্কী ললোন-ইতিক, নহারোল অমসুং লৌমীশিংগীদমক অনৌবা খুদোংচাবশিং হাংদোক্লগনি অমসুং ২০৩০ ফাওবদা লৈবাক অনিগী ত্রেদ শরুক অনি ওইহন্নবা পান্দম ফংবদা মতেং ওইরগনি হায়না মহাক্না ফোংদোকখি।

গালা লঞ্চেনগী মতুংদা, প্রধান মন্ত্রী মোদী অমসুং প্রধান মন্ত্রী লুক্সন্না মফম অদুদা উৎলিবা অনৌবা শান্ন-খোৎনবগী খুৎলাইশিং অদু য়েংখি। মখোয়না ন্যু জীলেন্দগী মনা ফংলবা শান্নরোইশিং অমসুং অৱাংবা থাক্কী শান্ন-খোৎনবগা মরী লৈনবা অতোপ্পা স্তেকহোল্দরশিংগা ৱারী শানখি। নাকল অনিগী মরক্তা স্পোর্তস এঙ্গেজমেন্তকী চহি ১০০ ফারকপা অদুবু নীংশিংলদুনা প্রধান মন্ত্রী মোদীনা হায়খি মদুদি খোঙচৎ অদুগী মনুংদা য়ানখিবা স্পোর্তস জোইন্ত এক্সন প্লাননা লৈবাক অনিগী মরক্তা ক্রিকেৎকী ৱাংমদা লৈরিবা মরী অসি হেনগৎহনবদা মতেং পাংগনি। অখন্ননা ভারতনা ২০৩০গী কম্মনৱেল্থ গেম্সকী য়ুম্বু ওইনবা শেম-শারিঙৈদা স্পোর্তসকী লমদা তেংবাং পীনবা হেনগৎহন্নবা নাকল অনিমক্কী অপাম্বা অদু য়েংলদুনা খোঙচৎ অসি চৎখি।

********