ভারতকী প্রধানমন্ত্রী

ঙসি লোকনায়ক জয়প্রকাশজীগী মপোক নুমীৎনি অমসুং ঙসিগী নুমীৎ অসিমক্তদা লোকনায়ক জয়প্রকাশকী নক্ননা লোইনরম্বা মরুপ শ্রীমান নানাজী দেশমুখকী চহি চামা শুরকপা মপোক নুমীৎকী তঞ্জাশুনি । মসিগী অথোইবা অনি অসিনা মখোয়গী পুন্সি মনুংদা মমা লৈবাক্কীদমক লৈবাক মীয়ামগী য়াইফনবগীদমক য়াইফনবা মপুন্সি চুপ্পা কৎথোকখি । লোকনায়ক জয়প্রকাশজী অসি নিং তম্বগী খোংজংদা নহাশিংগী থৌনা ওইখি । ১৯৪২দা হিন্দ থাদোক্লো হায়বা খোংজং অদু খম থেংলম্মী । মহাত্মা গান্ধী, সরদার পতেল য়াওনা লৈবাক অসিগী নুপা পুম্নমকপু জেলশিংদা থমজিল্লমী অমসুং অসিগুম্বা মতম অসিদা জয়প্রকাশজী লোহিয়াজীগুম্বা নহাশিংনা মাং থাদুনা খোংজং অদু মখা চৎথরম্মী অমসুং মতম অদুগী নহা কাংলুপকী পুক্নিংদা মখোয় থৌনাগী শক্তম ওইখি । নিংতম্বগী অদুগুম্বা মতম অদুদা জয়প্রকাশজী লোকনায়ক্কী শক্তমদা নহাশিংগী থমোয়দা থৌনাগী ৱাখল্লোন ওইরকখি, অদুবু লৈবাক অসিনা নিং তম্বা ফংলবা মতুংদা অফাও অফাওবা মীওইশিংনা মখোয়গী মফম অমা কন্নবা হোৎনরম্মী । জয়প্রকাশ নরায়ন্না মহাক মশাবু রাজনিতীদগী লাপ্না থমলম্মী অমসুং নুং তম্বা ফংলবা মতুং জয়প্রকাশজী অমসুং মহাক্কী লোয়নবি শ্রীমতি প্রভাদেবীজীনা গ্রামোত্থানগী লম্বী খল্লমী, মীয়ামগী য়াইফনবা লম্বী খনখি ।

নানজী দেশমুখ, লৈবাক্না মহাকপু কয়া খংলমদে । লৈবাক্কীদমক্তা মহাক্না মহাক্কী মপুন্সি পিথোকখি, অদুবু জরপ্রকাশজীনা শেঞ্জা থুমজাগী ময়োক্তা লানথেংনরিঙৈ মতম অদুদা, অঙম অথৌশিংগী শেঞ্জা থুমজাগী মায়োক্তা মথ্বাই নুঙাইতবনা মরম ওইদুনা ছাত্রশিংগী খোংজংদা শরুক য়াখিরম্মী । গুজরাতকী নহাশিংগী খোংজং অদুদগী থৌনা ফংদুনা জয়প্রকাশজী অমুক হন্না খোংদারক্লে অমসুং জয়প্রকাশজীনা লাক্লবা মতুং দিল্লিগী সাসনদা অৱাবা ওইরে । জয়প্রকাশজীবু থিনবগীদমক তৌবা য়াবা পুম্নমক তৌরম্মী । অমসুং পত্নাদা অমুকখক জয়প্রকাশজীগী মথক্তা চাওনা লান্দারকখি । অমসুং মতম অদুদা মহাক্কী নাকলদা নানাজী দেশমুখ লেপলম্মী । নানাজীনা মহাক্কী মখুৎমক্না শিনবগী মশক ওইরবা খুৎলায় অদু মায়োক্নরম্মী । মহাক্কী মখুৎকী শরু তেকলম্মী, অদুবু জয়প্রকাশজীবু অশোক অপনদগী কল্লমী থৌদোক অদুদগী লৈবাক অসিগী মীয়ামগী ৱাখল্লোন নানাজীগী মায়কৈরোমদা চৎখিরম্মী । নানাজী দেশমুখ মপুন্সি চুপ্পা লৈবাক অসিগীদমক হিংলম্মী । মহাক্না অসিগুম্বা কপল থৌরাং তৌরম্মী দিনদয়াল ইনস্তিত্যুতকী খুথাংদা লৈবাক্কীদমক হিংবা তম্মু, লৈবাক্কীদমক করিগুম্বা খরা তৌদুনা লৈয়ু, মন্ত্র অসিগা লোয়ননা নহা কংলুপ্পু মহাক্না বার্তন তৌরম্মী । নহা কাংলুপ কয়া মাংলোমদা লাক্লম্মী অমসুং মখোয়বু মহাক্না খুঙ্গংগী চাওখৎনবা থবক পাংথোকহল্লমী । মুরারজী ভাইনা প্রধানমন্ত্রী ওইবা মতমদা লৈবাক অসিদা জনতা পার্তীগী শাসন লৈরম্মী, নানজী দেশমুখপু মন্ত্রীমন্দলদা য়াওনবা বার্তন তৌরম্মী । জয়প্রকাশকী খোংথাং অদুগী মখাদা নানাজীনশু মন্ত্রীমন্দলদা শরুক য়াবা য়াখিদে অমসুং মশামক রাজনীতিগী পুন্সিদগী পোথাদুনা মশাগী চহি ৬০ শুরকপগী মতুং মহাক্না হিংলি ফাওবা, চাওরাক্না চহি কুন্থরমঙা ফাওবা মহাক্না মহাক্কী পুন্সি চিত্রকুতপু কেন্দ্র বিন্দু ওইহন্দুনা, গোন্দাবু কেন্দ্র বিন্দু ওইহন্দুনা খুঙ্গং চাওখৎহন্নবগীদমক হোৎনখি ।

ঙসি ঐহাক নুঙাইবা ফাওই মদুদি নানাজীগী মপোক থৌরমগী তঞ্জা অসিদা ভারত সরকারনা অসিগুম্বা শক্নাইরবশিংগী মংলান অদুগী তুংইন্না অমসুং মহাত্মা গান্ধিনা উৎপিরম্বা লম্বী অদুদা খুঙ্গং চাওখৎহন্নবা মায়কৈদা মতৌ করম্না ঐখোয়না মাংলোমদা চংশিনগনি ঐখোয়গী খুঙ্গংশিং মরোমদোম করম্না লেপচগনি, ঐখোয়গী খুঙ্গং লাইর অনংদগী করম্না কোকহনগনি, ঐখোয়গী খুঙ্গং অনা অয়েক্তগী করম্না নানথোকহনগনি, ঐখোয়গী খুঙ্গংদা ঙসিশু লৈরিবা জাতিবাদকী হু অসিনা খুঙ্গংবু কাং খোং চাইহল্লি, খুঙ্গংগী মংলানশিংবু কাং খোং চাইহল্লি, অদুগুম্বা জিতি নাইবগী ৱাখল্লোন অদু থাদোক্তুনা ময়াম পুম্নমক্না অমত্তা ওইনা পুন্দুনা খুঙ্গংগী চাওখৎনবা হোৎনগদবনি । অদুগুম্বা মখলগী খুঙ্গংগী চাওখৎহনবদা মীয়াম্না শরুক য়াহন্দুনা মাংলোমদা চংশিন্নবা মায়কৈরোমদা ভারত সরকারনা মশিং য়াম্লবা খোংথাংশিং পায়খৎলি ।

ঙসি ঐহাকপু মফম অসিদা লৈবাক অসিগী খুঙ্গংগী পুন্সিগীদমক খনগদবা, খুঙ্গংগী পুন্সিগীদমক শরুক য়াগদবা, খুঙ্গংগী শেনমিৎলোনগী, খুঙ্গংগী লৌমীগী পুন্সিগী অসিগুম্বা তোঙন তোঙানবা হিরমশিংদা হৈথোই শিংথোইরবা, অসিগুম্বা লৈবাক্কী মীওই চাহুম হেনবনা ঙরাং নুমীৎচুপ্পা অমা ফমদুনা তোঙান তোঙানবা হিরমশিংদা নুমীৎ চুপ্পা অমা খন্ন নৈনখি । মদুদগী থোরকপা অমৃত অদু, ঙসি হৌজিক মফম অসিদা ভীদিওগী খুথাংদা মদু উৎথোক্নবা হোৎনখি । অদুবা ঐহাক্না মশিগী খং হৈরবা পুম্নকপু থাজবা পিরি মদুদি ময়াম্না থম্বিখিবা ৱাখল্লোন অদু ভারত সরকারনা মীৎয়েং চংদুনা লুম্না লৌগনি । অমসুং মদুদগী পাংথোকপা য়াবশিং, রিফরেন্স পোইন্তশিং অদু বারত সরকারগী থৌরমদা য়াওহন্দুনা চহি কয়াগী মতুংদা অসুক চাওবা ফোরমদা ভারতকী খুঙ্গংগী পুন্সিগী হিরমদা খন্না নৈনরি । লৈবাক্কী মফম কয়াদগী মী লাক্লি । তোঙান তোঙানবা মফমগী প্রকৃতি তোহাল্লি । পকৃতিগী মতুং ইন্না খুঙ্গংগী দিবলপমেন্ত অসি মরাদগী শম্নহল্লবদি সস্তেনেবল গ্রোথকীদমক গরেন্তি ওইগনি । খুঙ্গংগী মশাগী লৈজরিবা শক্তি অদু শম্নহন্দুনা দিবলপমেন্তকী মোদেল শেমগনি মদুনা খুঙ্গংগী মীওইশিংদা চান্নগদবা, শকখংলবা । মদুদা মোদিফিকেসন খরদি মথৌ তাই । মদুগীদমক সাইন্তিফিক ওইবা মওংদা তেক্নোলোজীনা সপোর্ত সিস্তেম অমগী মথৌ তাই । অমসুং মদুদা ঐখোয়না পুক্নিং থৌগৎতুনা চৎলি, অদু ওইরগদি খুঙ্গং অসি য়াম্না লাইনা মদুগা শম্নখি । খুঙ্গংনা অদুগুম্বা দিবলপমেন্তকী খোংচৎ অদু মশাগী মরেংবান্দা থোংগৎলি অমসুং মদুনা সস্তেনেবল দিবলপমেন্তকী গরেন্তি ওইরকই । প্রোজেক্ত অদু মওং অমদা হেক্তা হৌবদা, মফম অমদা হৌবদা, মদুদা য়ৈখাই থিনগাইবা থোক্তবা দাইবর্জন লাক্তবা অমসুং মদুবু চৎনহনবা মতমদা অকক্নবা মতমদা পাংথোক্নবা হোৎনবা অমসুং মদুশু অউতপুতকী মখা পোন্দবা, অউতকমগী মখা পোনবা ওইবা । শুপ্নগী ঐখোয়না অশুক য়াম্বা শেনফম চাদিং তৌখ্রে, মদু নত্তে । বজেত অসিগী ঐখোয়গী পান্দম লৈরি, মসি ঐখোনা মপুং ফানা পাংথোক্লে করিগুম্বা মতৌ অশুম্না ঐখোয়না কমপ্রেহেন্সিব খোংথাং অমা লৌখৎলগদি অমসুং অকক্নবা মতমগী মনুংদা তৌরগদি ঐহাক্না থাজবা থম্লি মদুদি চহি ৭০দা খুঙ্গংগী দিবলপমেন্ততা লৈরিবা খোংচৎ অসি ২০২২দা নিং তমবগী ৭৫শুবা চহি পাংথোক্কদৌরিবা অসিদা মতম অদুদা ঐখোয়গী চাওখৎপগী খোচৎ অসি য়াম্না থুরগনি অমসুং খুঙ্গংগী মীওইশিংগী পুন্সিদা অহোংবা পুরকপা ঙমলগনি । ঙসি খুঙ্গংগী মীওইশিংশু শহরগা মান্নবা পুন্সি মহিং হিংবা পাম্মী, সহরদা ফংলিবা খুদোংচাবা অদু খুঙ্গংদশু ফংহনগদবনি । করিগুম্বা সহরদা মৈঙালনা পুমলং লংলবদি, খুঙ্গংশিংদশু মৈঙালনা পমলং লংহনবা তাবনি, করিগুম্বা সহরদা লৈরিবা মীয়াম্না অপাম্বা মতমদা তিভী য়েংবা ফংলগদি খুঙ্গংগী মীওইশিংশু য়েংবা ফংগদবনি, সহরগী অঙাংশিংনা স্কুলগী লেবোরেতরি শিজিন্নবা ফংলবদি খুঙ্গংগী অঙাংশিংশু স্কুলগী লেবোরেতরি শিজিন্নবা ফংবগী খুদোংচাবা অদু লৈগদবনি । সহরগী অঙাংশিংনা অনৌবা কমপ্যুতর শিজিন্নদুনা তেক্নোলোজীগী মহৈ ফংবা ঙমলগদি মসিশু তৌদবা য়াদবনি মদুদি খুঙ্গংগী অঙাংশিংশু তেক্নোলোজীগী মতেংনা মহৈ তম্বগী খুদোংচাবা অদু ফংগদবনি । মখোয়শু তেক্নোলোজীদা মাংলোমদা চংশিনবগী খুদোংচাবা অদু ফংগদবনি ।

করিগুম্বা ইন্তরনেত… ঙসি করিগুম্বা কান্দা খুঙ্গংশিংদা ওজাশিং লৈবিয়ু য়াদে, দাক্তরশিং নুমীদাংদা হনখিবা পাম্মী, অদুবু সহরদা ফংলিবা খুদোংচাবা অদুগুম্বা খুদোংচাবশি… করিগুম্বা তোতিদা ইশিং তারবা, ওপ্তিকেল ফাইবর নেতৱার্ক লৈরবা, ইন্তরনেতকা শম্নরবা, পুং কুনমরী মৈ ফংলবা, মৈ হৌগৎনবা গ্যাস লৈরবা । করিগুম্বা মসিগী চংদবা য়াদবা খুদোংচাবশিং অসি ঐখোয়না ফংহনবদা মায় পাক্লগদি, ক্বালিতী ওফ লাইফতা অওনবা লাক্লগনি খুঙ্গংশিংদশু মীশিং লৈহনবদা পুক্নিং থৌগৎলনি । করিগুম্বা ওজানা খুঙ্গংদা লৈবদা, দাক্তরনা খুঙ্গংদা লৈবদা, সরকারগী থবক তৌবশিংনা খুঙ্গংদা লৈবদা, অদুওইবা তারগদি খুঙ্গংগী পুন্সিদা মখোয়না চংলকপগীশু অহোংবা পুরকপগী অচৌবা মরম ওইরে, মরম অসিনা মহাত্মা গান্ধিনা মংলমবা মংলান অদু, দীনদয়াল উপাধয়না নিংজরম্বা অদু ফংলনি । নানাজী অমসুং জয়প্রকাশজী মীয়ামদা মখোয়গী ৱাখল্লোন অদুদা হিংলম্বা অদু মখোয়গী ৱাখল্লোন অদুগী তুংইন্দুনা ঐখোয় পুম্নমক্না হোৎনরিবা অসিশু খুঙ্গংগী পুন্সিদা অহোংবা পুরক্নবা মরুওইবা মায়কৈদা চংশিনবনি ।

ঐখোয়গী লৈবাক্তা খুদোংচাদবনা মরম ওইদুনা কাচিন কোয়াদা লৈবা মীওইশিংদা ঐখোয়না করিশু পিবা ঙমদে । ঙসি ভারত সরকার অসিদা লাক্লবা মতুং ৱাফম অসি ঐহাক য়ানিংদে । হিন্দুস্থানগী অরোইবা কাচিন্দা লৈরিবা মীওই অদুদশু মখোয়গী ফংফমথোকপা অদু ফংহন্নবা লৈবাক অসিদা অৱাৎপা লৈতে । ৱাৎলিবদি অফবা গোবর্নান্সনি, মতিক চাবা সাসন অদুনি । অফবা গোবর্নান্স লৈবা রাজ্যশিংদা, সরকারগী মিশিনরিশিং থকক্নবা মতমদা পান্দম থমলিবা থবক অদু পাংথোকপা ঙম্মী মদুনা মফম অদুদা অহোংবা উবা ফংই । ময়াম্না মনরেগা য়েংবিয়ু, হৌজিক মনরেগাগী তোপ তোপ্পা মগুন অমা লৈরি, মদু শেমগৎলিবশি খুঙ্গংগিনি লাইরবা মীওইশিং থবক পিনবনি । অদুবু লাইরবা য়াম্না লৈবা রাজ্যশিং অদুদা মনরেগাগী থবক অসি খুমাং চাওশিনবা ৱাৎলি । অদুবু লাইরবা হন্থনা লৈবা রাজ্যশিং, অফবা গবর্নান্স লৈবা রাজ্য অদু প্রোএক্তিব ওই । মশিং য়াম্লবা প্রোজেক্তশিং পাইখৎলি, মশিং য়াম্লবা মীওইশিং খোমজিন্দুনা থবক য়াম্না পাংথোক্লি । মরম অদুনা খুঙ্গংগী দিবলপমেন্তকীদমক অফবা গবর্নান্সতা পুক্নিং থৌগৎপগী থবক ঐখোয়গী সরকারনা লেপতনা চৎথরি । ঙসি দিশা হাইনা মিংথোনবা দিজিতেল দিশবোর্দ অদু ময়ামগী মাংদা খুদোল তম্লিবা অদু মখল অমগী অফবা গবর্নান্সকী মায়কৈদা অচেৎপা খোংথাং অমনি । মদুনা মরম ওইরগী থবক পুম্নমকপু সেন্ত্রেলনা মোনিতর তৌবা য়ানবা, অকক্নবা মতমদা রিভ্যু তৌনবা, করিগুম্বা মদুদা অৱাৎ অপা লৈরগদি মদুবু চুমথোক্নবা খোংথাং পাইখৎনবা, অমসুং পোলিসী প্রোব্লেম লৈরগনা পোলিসী চুমথোক্নবা, করিগুম্বা মীগী অশোইবা লৈরগনা মীওই অদু চুমথোক্নবনি, অদুবু দিশাগুম্বা মখলগী দেশৱোর্দনা মরম ওইদুনা অহানবদা মোনিতর তৌনবা হিন্দুস্থানগী খুঙ্গং পুম্নমক্কা লোইননা শম্নহল্লগনি । অনিশুবদা ভারত সরকারগী মীৎয়েং অদুনে, রাজ্য সরকারগী প্রোজেক্তশিং অদুনে অমসুং ঐখোয়গী পর্লিয়ামেন্তকী মীহুৎ নত্রগা দিস্ত্রিক অপুনবদা মসিগী দিবলপমেন্ত অসি চপ মান্ননা পাংথোক্কনি । প্রায়োরিতী লৈরগদি ঐখোয়না মতিক চাবা পাওখুম ফংগনি । মরম অদুনা মায়কৈ অসিগী খুথাংদা মীয়ামনা থাগৎলকপাশিংবু অমত্তা ওইনা শম্নহন্নবা অচেৎপা থবক অমা ভারত সরকারনা পায়খৎলি । লোকতন্ত্রগী মরুওইবা থবক অমদি ঐখোয়না অপাম্বা সরকার খনবনি, অদুবু প্রজা মীয়াম্না শরুক য়ারবা মতমদা লোকতন্ত্র মায় পাক্কনি । প্রজা মীয়াম্না শরুক য়াদুনা খুঙ্গং চাওখৎহন্নবা চংশিল্লশি, প্রজা মীয়াম্না শরুক য়াদুনা নগর চাওখৎহন্নবা চংশিল্লশি মরম অদুনা প্রজা মীয়ামগা লোইননা সরকারগা ৱারি শান্নবা মথৌ তাই । পুন্সিগী মতাংদা ৱারি শান্নবা তাই । মথক্তগী মখারোমদা অচুম্বা গাইদলাইন চৎপা মথৌ তাই অমসুং মখাদগী মথকলোমদা অচুম্বা ই-পাও অদু য়ৌহনগদবনি । করিগুম্বা মসিদী ৱে অনিগী চেনেল অসি পর্ফেক্ত ওইরগদি, প্রোজেক্তশিং, নীতিশিং অমসুং বজেত এলোকেশন অচুম্বা তার্গেত তৌরিবা মফম অদুদা পোৎ পুম্নমক পাংথোকপা য়াগনি মরম অদুনা ঙসি মোবাইল এপ্লিকেশন অমগী খুথাংদা খুঙ্গংগা ৱারি শান্নবগী থোংদা খুঙ্গংগী মীওইশিংনা মশাগী মোবাইল ফোনগী মতেংনা অচুম্বা ৱাফম মথকথোংবশিংগী মফমদা য়ৌহনবা ঙমলে অমসুং মথক্তগী অচুম্বা লম্বী অদু খ্বাইদগী তুংদা লেপলিবা মীওই অদু ফাওবা য়ৌহনবা ঙমলে অমসুং মসিনা মরম ওইদুনা মফম অদুগী সরকারদশু প্রেসর লাকই । মসি প্রজা মীয়াম্বু মীকপ থোকহন্নবা অচৌবা থবক অমা মসিগী মোবাইল এপ্লিকেসন অসিগী খুথাংদা তেক্নোলোজী শিজিন্নদুনা, প্রজাশিংগা পাও ফাওনবা হেঙ্গৎহন্দুনা, মখোয়গী চংদবা য়াদবা অদু খংনা খুৎলা থুনা থবক পায়খৎপাগী মায়কৈদা ঐখোয়না হোৎনরি ।

ঙসি লৈবাক শিনবা থুংনা শঙ্গাবগী থৌরম পাংথোক্লি । মতৌ অদুম্না মফম অসিদা এগ্রিকলচর দিপার্তমেন্তকী ফোনেমিক্স সেন্তরগীশু চাওরবা মরুওইবা প্লান্ত অমগী শঙ্গারি । ঐখোয়গী লৈবাক অসিদা লৌউবগী লমদা অমসুং শা শন লোইবা অসি খুঙ্গংগী মরুওইবা অমনি । অদুবু মদুগা লোইন লোইননা ঐখোয়গী খুঙ্গংগী পুন্সিদা লৈরিবা অর্তিসানশিং অসি খুঙ্গংগী শেনমিৎলোন্দা চাওনা শরুক য়ারি । মরম অদুনা শা শন লোইববু ওইরবসু, লৌ উবা ওইরবসু , ঙথকরঘেগী থবক ওইরবসু হস্তকলাগা শম্নবা মী ওইরবসু মখোয়বু পুনশিনহন্দুনা ঐখোয়না ঐখোয়গী শেল থুমগী পিলরশিংবু চেৎশিনহন্নবা মায়কৈদা ঐখোয়না থবক তৌরি । ২০২২দা ভারতকী নি তম্বা ফংখিবগী চহি ৭৫ শুরকপদা লৈবাক অসিগী লৌমীশিংগী শেন্থোক অসি শরুক অনি ওইহন্নবা মায়কৈদা ঐখোয়না থবক তৌরি । নাকল অমরোমদা লৌমীশিংগী ইনপুত কোস্ত অদু মহাক্না থাদরিবা অদু হন্থহনবা মথৌ তাই । অমরোমদনা মখোয়গী পোৎথোক অদু হেঙ্গৎহনগদবনি । মসি তৌনবগীদমক্তা ঐখোয়না তেক্নোলোজীগী মতেং লৌবা তাই । শা শন লোইবদা মশিং য়ামজদ্রবশু শঙ্গোমগী পোৎথোক্তি য়ামহনবা তাই, শা খুদিংমক্না শঙ্গোম হেন্না পুখোকহন্না মায়কৈদা য়াম্না থুনা মাংলোমদা চংশিল্লিবা মখৈ খুঙ্গংগী সেল থুমগী ফিভম ফগৎলক্কনি । ঙসি মালেম অসিদা কেমিকেল ৱেক্সকী মহুৎ খোইহিগী ৱেক্স অদু হেন্না পাম্নরক্লি । করিগুম্বা ঐখোয়না খুঙ্গংশিংদা হয়িংখোই লোইবদা পুক্নিং থৌগৎলগদি, সাইন্তিফিক ওইবা মওংদা হয়িংখোই লোইবগী থবক অসি ঐখোয়গী লৌমীশিংদা শা শন লোইবগা লোইননা পুন্সিনহল্লগদি, অহেনবা ইনকমগী ওইথোকপা হেল্লগনি । লাখ অনিমখাইদগী হেনবা খুঙ্গংদা ওপন দেফিকেসন ফ্রী ওইনবা মাংলোমদা চংশিলক্লে । মখোয়না তৌদুনা উৎলে । ঐহাক্না খুঙ্গংশিং অদুবু থমোয় শেংনা থাগৎচরি, মখোয়না মমা মচে মচনগী ইজৎকীদমক য়াম্না চাওবা খোংথাং অমা পাংখৎলে । অমসুং মমা মচে মচনশিংবু ইজৎ উৎপা খুঙ্গং অদু ঐগীদমক্তদি পুণ্য লৈবা খুঙ্গং অমনি । ঐহাক্না মদুবু ইকায় খুম্নবা উৎচরি, মসিগী মরুওইবা থবক অসি পাংথোকখিবা খুঙ্গং অদুগী মীয়ামবু ইকায় খুম্নবা উৎচরি ।

লু নানবা অসি ঙসিদি খুঙ্গংগী মওং মতৌ ওইরে । খুঙ্গংশু তৌফম থোকপা অদু তৌরে । নি তম্বা ফংলবা চহি ৭০গী মতুংদা ফাওবা ঐখোয়গী লৈবাক অসিদা ১৮শুবা চহিচাদা হিংলিবা খুঙ্গং লিশিং ১৮ লৈরি । ইলেক্ত্রিক্কী পোস্ত লৈতবা, ইলেক্ত্রক্কী জনেরেতর লৈতবা, খুঙ্গং অদুদা কনা অমত্তনা ইলেক্ত্রির উখিদ্রিবা । ঐখোয়না খোংথাং পায়খৎলে, লালকিলাদগী লাওথোকখ্রে নুমীৎ লিশিং অমগী মনুংদা খুঙ্গং লিশিং ১৮দা ইলেক্ত্রিক ফংহনগনি অমসুং ঐহাক নুঙাইবা ফাওই মদুদি রাজ্য সরকারনশু মদুদা শরুক য়ারি, ভারত সরকারনশু মদুদা খোথাং থুজিল্লি অমসুং ঙসিদি য়াম্না থুনা খুঙ্গং লিশিং ১৮গী পান্দম অদু মপুং ফানা পাংথোক্নবগী মায়কৈদা ঐখোয় মাংলোমদা চংশিল্লি, চাওরাক্না খুঙ্গং লিশিং ১৫দা ইলেক্ত্রিসিতী ফংহনখ্রে । হৌজিক খুঙ্গংদা ইলেক্ত্রিসিতী য়ৌরক্লবনিনা ঐখোয় মদুদা পন্দুনা লৈথররোই । মীচম প্রজানা মখোয়গী মখুৎনা শাবা পোৎশিং অদু করিগুম্বা অচৌ অচৌবা য়ুমশিংদা খরদং ওইরবশু শিজিন্নরগদি খুঙ্গংগী ইকোনোমীদা চাওনা কান্নহনগনি । কনাগুম্বা অমগী পুন্সিদা নুঙাইবগী মওং মতৌশু লাক্লগনি মরম অদুনা শহর অসি খুঙ্গংগীদমক মার্কেত প্লেস অমা ওইবা তাবনি । খুঙ্গংদগী লাকপা চেং হৱাই অদু খক্তা শহরগীদমক মার্কেত প্লেস ওইহনবা মদু নত্তবা । ঐহাক্না ময়ামদা হাইজনিংবদি, অদোম কয়া অমা য়াম্না থবক চিল্লমবা য়াই, য়াম্না থুনা চৎতবা য়াদ্রগশু, মেলা অসিগী পোৎ খুদিংমকপু য়াম্না কুপথনা য়েংবিয়ু । মসিগী মরক্তগী অদোমগী খুঙ্গং অদুদা করি তৌবা য়াই । মদু চেজেৎ অমদা ইশিন্দুনা থম্বিয়ু । কনাগা তান্নগনি মদুশু ইশিনবিয়ু । মদু অদোমনা অদোমগী খুঙ্গংদা চৎতুনা মতৌ করম্না লিংখৎকনি । অরোইবদা করিগুম্বা পোৎশক অমা উরবা মতমদা মদুগী মরমদা খংবা হেল্লি । মরম অদুনা ঐহাক্না হাইজরি মদুদি ময়াম পুম্নমক্না প্রদর্শন অসিদা পুংজা অহু মরি কায়থোকপিয়ু, পোৎ খুদিংমকপু য়েংবিয়ু অমসুং অফবা পোৎশক অদু ইশাগী খুঙ্গংদা লুদুনা চৎপিয়ু । ঐহাক্না অমুক হন্না নানাজীবু খুরুমজরি, বাবু জয়প্রকাশজীবু খুরুমজরি অমসুং খুঙ্গংশিংদগী লাকপিরিবা ঐহাক্কী মীকপ থোক্লবা নাগরিক ইচিল ইনাও ইচল ইচেশিংবু খুরুমজরি অমসুং ময়াম পুম্নমকপু থাগৎচরি ।