ভারতকী প্রধানমন্ত্রী

ইকায়খুম্নরবী শ্রী লঙ্কাগী প্রধান মন্ত্রী হরিনি অমরসুরিয়া জি, ইকায়খুম্নরবা অষ্ট্রেলিয়াগী হান্নগী প্রধান মন্ত্রী, ঐগী মরুপ তোনি অবোত জি, ইকায়খুম্নরবা য়ু.কেগী হান্নগী প্রধান মন্ত্রী রিসি সুনাক জি, শক্নাইরবশিং, ইবেম্মাশিং অমসুং ইবুংঙোশিং, খুরুমজরি!

হৌজিক কুহ্মৈগী মতমনি। ঐনা মীয়ামদা নুংঙাইরবা দিৱালিগী য়াইফ পাউজেল পীজরি। মথুম-মরাং হৌরিবা তাল্লক অসিদা এন.দি.তি.ভি ৱার্ল্দ সম্মিৎ পাংথোক্লি অমসুং সেসন অসিগী য়াম্ন মরুওইবা থিম: ‘মাইথিবা পীবা ঙমদবা ভারত’ অদোম্না খল্লে। তশেংনা হৌজিক ভারত লেপ্পগী ৱাখল লৈতে। ঐখোয় লেপ্লোই নত্ত্রগা পোথারোই। ঐখোয় লৈবাক অসিগী মীওই করোর ১৪০ অপুন্না মাঙলোমদা চঙশিনগনি।

মরুপশিং,

ঙসিদি, মালেম্না তোঙান তোঙানবা অপনবশিং অমসুং খোঙজেল তপথহনবশিং মায়োক্নরি, লেপহনবা ঙমদবা ভারত অমগী মরমদা ঙাংনবা হায়বসি হৌনশানি। চহি ১১ গী মমাঙগী অমসুং হৌজিক্কী ফিবম খঙহন্নবা ঐনা হোৎনরি। অদোম নিংশিংলি, ২০১৪ গী মমাঙদা অসিগুম্বা মীফমশিংদা করি ৱাফমশিং খন্নখিবগে। করিনা হেদলাইনশিং ওইখিবগে, লম্বীশিং অমসুং লৈকায়শিংদা মীফমশিংদা করি হিরমশিং খন্নখিবগে, মসি অদোম্না শোইদনা নিংশিংলমগনি, মালেমগী খুদোংচাদবশিং কমদৌনা ভারতনা থেংনগনি হায়না খন্নখি? কমদৌনা ভারতনা ফ্রেজাইল ফাইবতগী নান্থোক্কনি? কয়া য়াম্না কুইনা ভারতকী থৌশিল শোইদুনা লৈগনি? করম্বা মতমদা ভারত্ত অচৌবা স্কামশিং লেপহনগনি?

মরুপশিং,

মতম অদুদা, নুপীশিং অশোই-অঙাম থোকহন্দনবগী মতাংদা ৱাহং কয়া লৈখি। কমদৌনা তেরোরিষ্ট শ্লিপর সেলশিং লাকশিনবা ঙমখিদবগে হায়বা ফোঙদোরকখি। “महंगाई डायन खाए जात हैं” (পোৎ-চৈগী মমল হেনগৎলকপা অসি হিংচাবী অমনি অমসুং চাথোকখ্রে) হায়বগুম্বা ঈশৈশিং লৈখি। ২০১৪ গী মমাঙদা করি ওইরম্বগে হায়বা হৌজিক অদোম ফজনা খঙলে। মতম অদুদা, লৈবাক অসিগী অমসুং মালেমগী মীয়াম্না, ভারতনা ফিবম চাদ্রে, কৈদৌঙৈদা হৌগৎপা ঙম্লরোই হায়না থাজখি। অদুবু হৌখিবা চহি ১১ দা, চিংনবা খুদিংমক ভারতনা কোকহনখ্রে। খুদোংচাদবা খুদিংমক লৈবাক অসিনা লাকশিল্লে। ভারত ফিবম শোক্লবা লৈবাক মঙাগী মরক্ত লৈরম্বদগী, ঙসিদি মালেমগী অচৌবা ইকোনোমি মঙাগী মনুংদা য়াওরে। ঙসিদি ইনফ্লেসন চাদা ২ গী মখাদা লৈরে অমসুং গ্রোথ রেত চাদা ৭ হেল্লে। ঙসিদি, চিপশিংদগী হৌরগা জহাজশিং ফাওবদা, ভারত হিরম খুদিংমক্ত অত্মনির্ভর ওইরে অমসুং থাজবনা থল্লে। হৌজিক ভারতনা তেরোরিষ্টশিংগী এত্তেক্ত মতুংদা তুমিন্না লৈথোক্ত্রে। সর্জিকেল ষ্ট্রাইকশিং, এয়র ষ্ট্রাইকশিং অমসুং ওপরেসন সিন্দুর পাংথোক্তুনা ভারতনা অকনবা পাউখুম অমা পীরে।

মরুপশিং, 

কোবিদ মনুংদা মালেম অসি হিংবা অমসুং শিবগী মখাদা লৈখি। অচৌবা খুদোংথিবা অসিগী মরক্ত মশিং য়াম্লবা মীওইশিং লৈবা লৈবাক অমনা কমদৌনা হিংগনি হায়বদা মালেম অসি অঙাকপা ওইনখি অমসুং ভারতনা মরম ওইদুনা মালেম অসি লুপ্লগনি হায়না মালেম্না খনখি। তোঙান তোঙানবা ৱাফম কয়া ৱাখলদা শাগৎনখি। অদুবু ভাবনা শাগৎপা অদু ভারতনা অরানবা তাহনখি। ঐখোয়না লান্থেংনখি; ঐখোয়না খোঙলৈ থুনা ইশাগী তিকা পুথোকখি। অকক্নবা মতমগী মনুংদা ঐখোয়না তিকাশিং থাখি অমসুং অসিগুম্বা অচৌবা খুদোংচাদবা অমদগী নান্থোক্তুনা, ঐখোয় য়াংনা চাউখৎলক্লিবা অচৌবা ইকোনোমি অমা ওইরকখি।

মরুপশিং,

মালেমগী তোঙান তোঙানবা মফমশিংদা উংখৎনবা হৌরকপা মতমদা কোরোনাগী চৈথেং কোক্ত্রি। হেদলাইনশিংদা লালগী পাউশিং য়াওরকখি। হৌজিক অমুক ভারতকী চাউখৎপদা করি থোক্লগদগে হায়বগী ৱাহং লাকপা হৌখি অমসুং অসিগুম্বা খুদোথিংবা মতম অমদা, ভারত অমুক হন্না ভাবনা শাগৎলিবশিং অদু অরানবা তাহনখি। য়াংনা চাউখৎলক্লিবা অচৌবা ইকোনোমি ওইনবা ভারত মখা তানা চাউখৎলকখি। হৌখিবা চহি অহুমদা চাংচত্ত ভারতকী চাউখৎপা চাদা ৭.৮ ওইখি। মসি মমাঙদা অমুক্ত ওইখিদ্রি অমসুং থাজদবা অমনি। হৌখিবা চহিগা চাংদম্নবদা ভারতকী মপান্দা পোৎ-চৈ থাদোকপা চাদা ৭ রোম হেনগৎলে। হৌখিবা চহিদা, ভারতনা লুপা করোর লাখ ৪.৫ রোমগী লৌউ-শিংউগী পোৎ-চৈ মপান্দা থাদোকখি। লৈবাক কয়াগী রেত্তিংশিং ফিবম চাদ্রিঙৈদা, চহি ১৭ গী মতুংদা এস এন্দ পীনা ভারতকী ক্রেদিদ রেতিং ফগৎহনখি। আই.এম.এফনসু ভারতকী গ্রোথ রেত অমুক হন্না শেমদোকখি। নুমিৎ খরনিগী মমাঙদা, ভারতকী এ.আইগী থবক্ত দোল্লর বিল্লিয়ন ১৫ থাদনবা গুগলনা লাউথোকখ্রে। ঙসিদি, গ্রিন ইনর্জি অমসুং সেমিকন্দক্তরশিংগী লমদা য়াম্লবা শেনফমশিং থাদরে।

মরুপশিং,

ঙসিদি ভারতকী চাউখৎপনা মালেমগী খুদোংচাবশিং পীরে অমসুং মসি অচৌবা থৌদাং অমগা লোয়ননা ঐনা হায়রি। হন্দক খুৎয়েক পীনখিবা ই.এফ.তি.এ ত্রেদ এগ্রিমেন্ত মসিগী অচৌবা খুদম অমনি। য়ুরোপকী লৈবাকশিংনা ভারত্ত দোল্লর বিল্লিয়ন ১০০ থাদরগনি। মসিনা ভারত্ত য়াম্লবা থবকশিং ফংহনগনি। নুমিৎ খরগী মমাঙদা, য়ু.কেগী প্রধান মন্ত্রী, ঐগী মরুপ ষ্টারমরনা মহাক্কী য়াম্লবা ললোন-ইতিক্কী মীহুৎ কাংবু অমগা লোয়ননা ভারত্ত লাকখ্রে, মসিদা ভারতকী পাক-চাউরবা খুদোংচাবশিংদা অচৌবা থাজবগা অমগা লোয়ননা মালেম্না য়েংলিবা অদু তাক্লে। ঙসিদি, ঐখোয়না জি-৭ লৈবাকশিংগা পাংথোকপা ললোন-ইতিক চাদা ৬০ হেল্লে। ঙসিদি মালেম শীনবা থুংবনা ভারত অসি থাজবা য়াবা, দাইত্ব লৌবা অমসুং অৱা-অনা মায়োক্নবা ঙম্বা মরুপ অমা ওইনা উরে। ইলেক্ত্রনিক্সতগী হৌরগা ফার্মা ফাওবা, ওতোমোবাইলদগী হৌরগা মোবাইল শাবা ফাওবা, শেন থাদবগী ইথক অমা ভারত্ত য়ৈররে। শেন থাদরকপা অসিনা মালেমগী সপ্লাই চেনগী ভারতনা ময়োল অমা ওইবদা মতেং পাংলে।

মরুপশিং,

মীফম অসিদা, অদোম্না মীয়াম্না কয়া খঙন্দ্রিবা হিরমগী মতাংদা খন্নরি। মালেমগী ওইনা, মপুংফানা খঙদ্রিবা শরুক অদু তম্বা ঙমদবা ওইরম্বা য়াই। অদুবু ভারতকী ওইনা, মসি অনৌবা খুদোংচাবশিংগী থোঙ্গাল অমনি। চহি কয়া, চৎন্দ্রিবা লম্বীশিংদা চৎপগী থৌনা ভারতনা উৎখ্রে। ঐখোয়গী সাধুশিং, ঐখোয়গী সাইন্তিষ্টশিং, ঐখোয়গী হিরোয়শিংনা মতম পুম্নমক্ত “অহানবা খোঙথাং” উৎখিবা অদু অহোংবা পুরকপগী অহৌবনি। মসি তেক্নোলোজি ওইবা য়াই, কোরোনাগী তিকা ওইবা য়াই, হৈশিংবা শিন্মী, ফিনতেক নত্ত্রগা গ্রিন ইনর্জি সেক্তর ওইবা য়াই, ঐখোয়না খুদোংথিবা অসি অহোংবা ওন্থোক্লে, অহোংবা খুদিংমক অৱাবা থেংনবা ঙম্বদা ওন্থোক্লে অমসুং অৱাবা মায়োক্নবা ঙম্বা খুদিংমক য়াওল অমদা ওন্থোক্লে। হন্দক, ভারতকী অওনবশিং অসিদা মহাক য়াম্না হরাওই হায়না আই.এম.এফ চীফনা ফোঙদোকখ্রে। মহাক্না খুদম অমসু পীখি অমসুং ভারত্ত লাকখিবা অহোংবা অমা অদোমসু খঙলমগনি। ইকোসিষ্টেম অমনা মসিগী ঈশৈ হৌনা শক্লি। ঐখোয়গী মরুপশিং নোকখি, অদুবু ফিবম অমনা ওইহনবনি অমসুং তঙাইফদবা ফিবম অদু আই.এম.এফনা ওইহনবনি। ঙসিদি, থাজবনা মরম ওইদুনা অওনবশিং পুরক্লে অমসুং অওনবা অদুদা ভারতকী থৌনা উবা ফংলে হায়না আই.এম.এফনা হায়খি। আই.এম.এফ চীফনা খুদম অমসু পীখি: মীওই খুদিংমক দিজিতেল আইদেন্তি পীবা হায়বসি ওইথোক্তবনি হায়না মীওই খুদিংমক্না হায়খি। অদুবু ভারতনা মীওই খুদিংমক অরানবা তাহনখি। ঙসিদি ফিনতেক্কী তাইবংদা মালেমদা খুদক্ত দিজিতেল ওইনা শেন থাদোক-থাজিন তৌবগী চাদা ৫০ ভারত্ত পাংথোক্লে। মালেমগী দিজিতেল পেমেন্তশিংগী থবক্ত ভারতকী য়ু.পি.আইনা মাঙজিল থারি। মসিনা তাকপদি, মমাঙজৌননা লাউথোকখিবা খুদিংমক, নৈনবা খুদিংমক, ঙসিদি ভারতকী লমচৎ-শাজৎ ওইরে। মরম অদুনা ভারত লেপহনবা ঙমদ্রিবনি।

মরুপশিং,

লৈবাক অসিগী মাইপাকপশিংগী অশেংবা মপাঙ্গল লৈবাক অসিগী মীয়ামদগীনি অমসুং মখোয়গী পুন্সিদা সরকারনা অপনবা পীদ্রবা মতমদা লৈবাক অসিগী মীয়াম্না মখোয়গী তৌবা ঙম্বশিং শীজিন্নবা ঙমগনি। সরকারনা কা হেন্না খুৎ থিংজিনবা মতমদা, হেন্না অপনবশিং লৈগনি অমসুং মীয়াম হেন্না শরুক য়াহনবা মতমদা, খোঙজেল য়াংখৎকনি। লাইবক থিবদি, লৈবাক অসি চহি ৬০ পানখিবা কংগ্রেস দলনা থৌশিলশিং অমসুং থবকশিংদা কা হেন্না সরকারনা পায়শীনখি। হৌখিবা চহি ১১ দা, থৌশিল অমসুং থবক অনিমক মীয়ামগী ওইনবা ঐখোয়না থবক পায়খৎলে। মসিসু ভারত লেপহনবা ঙমদবগী অচৌবা মরম অমনি। খুদম ওইনা বেঙ্কগী থবকশিং য়েংসি। করি মরমগীদমক ১৯৬০ গী চহি ১০ গী মতমদা ইন্দিরা গান্ধীনা বেঙ্কশিং সরকারনা লৌশিল্লিবনো? লৈবাক অসিগী লায়রব, লৌমীশিং, শীন্মীশিং অমসুং মীচম মীয়ামদা বেঙ্কগী খুদোংচাবশিং পীনবা সরকারনা বেঙ্ক লৌশিল্লিবনি হায়খি। অশেংবা ওইনা কংগ্রেসনা করি তৌখিবগে, সরকারশিংনা করি পাংথোকখিবগে? বেঙ্কশিং মখা তানা লৈবাক অসিগী মীয়ামদগী লাপথোকখি। লায়রবশিং বেঙ্কশিংগী থোংজিলদা লেপ্পা ফাওবনা অকিবা ফাওখি। ২০১৪ দা ঐখোয়গী সরকার শেমখি, লৈবাক অসিগী অপুনবা মীশিংগী তঙ্খায় অমা বেঙ্ক একাউন্ত অমা ফাওবা হাংখিদে। মসি বেঙ্ক একাউন্ত লৈতবা খক নত্তে। মসিনা তাকপদি লৈবাক অসিগী মশিং য়াম্লবা মীওইশিং বেঙ্কগী কান্নবশিং ফংদে হায়বনি। মখোয় নমদুনা শেন্দোয় ৱাংনা পীখি অমসুং শেন দরকার ওইরকপা মতমদা মখোয়গী য়ুমশিং বন্ধান থমখি।

মরুপশিং,

সরকারনা লাকশিনবা লৈবাক অসি মনিংতমহনবা হায়বসি তঙাইফদে অমসুং ঐখোয়না মসি থবক ওইনা পাংথোক্লে। ঐখোয়না বেঙ্কগী থবকশিং অওনবা পুরক্লে অমসুং মীয়ামগী ওইহল্লে। মিসনগী মওংদা ঐখোয়না জন ধন একাউন্ত করোর ৫০ হেন্না হাংদোক্লে, মালেম পুম্নমক্কী ওইনা হাংদোকখিবা অপুনবা একাউন্তশিংনা নাকল অমনি অমসুং ভারত খক্তদা হাংদোকখিবা অপুনবা মশিংনা নাকল অমনি, থবক অসুক্কী মতিক পাংথোক্লে। ঙসিদি, লৈবাক অসিদা খুঙ্গং খুদিংমক মখল অমদা হেক্ত বেঙ্কগা শম্নবা য়াবা মফমশিং লৈরে। দিজিতেল ত্রান্সসেক্সনশিংনা ভারত মালেমগী লৈবাকশিংগী মনুংদা মীওই খ্বাইদগী য়াম্না শেন-থুমগী থবকশিংনা কোনশিনবা লৈবাক অমা ওইরে। কংগ্রেস সরকারনা বেঙ্কশিংদা এন.পি.এশিংগী অচৌবা চীঙজাউ অমা শেমখি। বি.জে.পীনা বেঙ্কশিং রেকোর্দ ওইনা শেন্দোং ফংহল্লে। হৌখিবা চহি ১১ দা, নুপীশিংগী সেল্ফ হেল্প গ্রুপশিং, লায়রবা লৌমীশিং, শা-ষন লোইবা লৌমীশিং, ঙামীশিং, লম্বী মতাইদা পোৎ-চৈ য়োল্লিবশিং অমসুং বিশ্বকর্মা মরুপশিংদা বেঙ্ক গরেন্তি য়াওদনা লুপা করোর লাখ কয়াগী লোনশিং পীখ্রে।

মরুপশিং,

ঐনা পেত্রোল অমসুং গ্যাস সেক্তরগী খুদমসু অদোমদা পীগনি। সরকারনা লৌশিনবগী ৱাখল্লোন্না মরুওইনা লৌবা মতমদা, ২০১৪ গী মমাঙদা করি ফিবম লৈরম্বগে? পেত্রোল অমসুং দিজলদা পীবা সবসিদিশিং হেনগৎলকপা থিংনবা নুমিদাংগী পুং ৮ দগী অয়ুক পুং ৮ ফাওবা পম্পশিং থিংনবা কংগ্রেস সরকারনা থৌরাং তৌখি হায়বা তাবদা অদোম অঙকপা পোক্কনি। ঐঙোন্দা হায়য়ু! ইনাও, মহাক পুং ৭ তা থাউ হানগনি! ঙসিদি করি ফিবমদা লৈরবগে? ঙসিদি পেত্রোল পম্পশিং নোংমগী মনুংদা পুং ২৪ হাংলে অমসুং ঐখোয়না অতোপ্পা থাউশিং অমসুং ইলেক্ত্রিক গারিদা মমাঙদা অমুক্ত ওইখিদ্রিবা মওংদা শেন থাদরে।

মরুপশিং,

কংগ্রেস লৈঙাক মনুংদা, গ্যাস ফংনবা কনাগুম্বা অমনা এম.পিশিংদগী চিথিশিং ইহনখি। এম.পি অমনা চহি অমদা কপন ২৫ ফংখি অমসুং মহাক্কী এরিয়াগী মীওইশিংদা গ্যাস ফংনবা মহাক্না মীয়ামদা কপন ২৫ য়েন্থোকখি। মরম অদুনা, মীয়াম্না মহাক্কী য়ুমদা পরে শাংনা লেপ্নখি, ঐগী গ্যাস কপন অমা পীয়ু হায়খি, মসিগী ফিবম অসিনি। ২০১৩ গী পাউ-চেশিং পাবদা অদোম অঙকপা পোক্কনি, ২০১৪ দা মোদী লাম্বা তৌনবা কংগ্রেসনা লাল্লোং অমা য়াৎখি। মতম অদুদা মখোয়না ঐ মশক খঙদ্রি, অমসুং মখোয়না হৌজিক ফাওবা খঙদ্রি। মরম অদুনা, মীয়ামদা করি ৱাশক শক্কনি হায়না মখোয় খন্নখি, মরম অদুনা চহি অমদা সিলিন্দর ৬ নত্ত্রগা ৯ পীগদরা হায়না খন্নখি। মসিনা তাকপদি থবক খুদিংমক সরকারনা পায়শিনখি হায়বনি। হৌজিক ঐখোয়না সরকার পায়রবা মতুংদা করি ওইরবগে? খুদোংচাবা ফংগনি হায়না মঙদা ফাওবা মঙখিদ্রবা লায়রবা ইমুং করোর ১০ দা ঐখোয়না লেম্না গ্যাস ফংহল্লে। খুঙ্গংদা গ্যাস সিলিন্দরশিং য়ৌরকপদা, মসি ইনাকখুনবগীনি, অচৌবা মীওইশিংগীনি, মখোয়গী য়ুমশিংগী গ্যাসনি, লায়রবগী য়ুমশিংগী নত্তে হায়না মীচম মীয়াম্না থাজখি। ফিবম অসি ঐখোয়না হোংদোকখি, য়ুম করোর ১০ দা গ্যাস ষ্টোপশিং য়ৌহনখি। থবক অসি মীয়ামগী ওইহনবনি অমসুং মসি সংবিধানগী অশেংবা ৱাখল্লোন্নি।

মরুপশিং,

সরকারনা পায়শিনবগী ৱাখল খনবা যুগ অদুদা, ঐখোয়গী সরকারগী কম্পেনিশিং অমসুং ঐখোয়গী পি.এস.য়ুশিং লোনশিল্লবা মতুংদা কংগ্রেস নুংঙাইনা তুমখি। মসি লুপথরকখি, মসি থুপচিনখি, মসি লুপথরকখি, মসি থিংজিনখি। করিগীদমক ঐখোয়না কন্না হোৎনগদৌরিবনি হায়না কংগ্রেসনা খনখি, করিগুম্বা মসি লুপথরক্লবদি মসি লুপ্লগনি, মসি মশা মথন্থ শিজরগনি, ঐখোয়গী ফুরিৎখাউদগী করি মাঙজরিবগে, মসিনি মখোয়গী ৱাখল্লোন। ঐখোয়না মসিগী ৱাখল অসি হোংদোকখি অমসুং ঙসিদি উরে, মসি এল.আই.সি, এস.বি.আই নত্ত্রগা ঐখোয়গী অচৌবা পি.এস.য়ুশিং ওইবা য়াই, মখোয় হৌজিক শেন্দোং ফংবদা অনৌবা রেকোর্দশিং থম্লে।

মরুপশিং,

সরকারগী খুদোংচানবা থৌশিলশিং শেম্বগী মহুত্ত মীয়ামগী য়াইফনবা থৌশিলশিং শেম্বা মতমদা, লৈবাক অসিগী মীয়ামগী থৌনা ফগৎলকই। সরকারগী মখাদা লৈনবা ৱাখল্লোন অসিগা লোয়ননা, লায়রবা কোহনগনি হায়না কংগ্রেসনা হায়খি, মসি অদোম্না মীখল খুদিংমক্ত উরমগনি, লাল কিলাদগী ইমুং অসিগী ৱারোল খুদিংমক তারমগনি, লাল কিলাদা ফিরাল চিংখৎনবা লাকখিবা ইমুং অসিগী মীওই খুদিংমক, লায়রবগী মতাংদা ৱা ঙাংখিদবা অহানবদগী হৌরগা অরোইবা ফাওবগী লুচিংবা অমতা লৈখিদে। হায়রিবা ৱারোলশিং অসিনা অদোম্না য়ুতুবতা তাবা ফংগনি, অদুবু লায়রবদি মুৎথৎতে। ঐখোয়গী মীয়ামগী য়াইফনবা থবক্না হৌখিবা চহি ১১ দা মীওই করোর ২৫ লায়রবা কোকহনখ্রে অমসুং মরম অদুনা লৈবাক অসিনা ঐখোয়দা থাজবা থম্লিবনি অমসুং মরম অদুনা ভারত থিংবা ঙমদ্রিবনি।

মরুপশিং,

ঙসিদি ভারত্ত লায়রবা অমসুং তোল্লবগী থবক তৌনবা কৎথোক্লবা সরকার অমা লৈরে। শোৎথরবা কাংলুপশিং ঐখোয়না লুম্না লৌরি। মখোয়গী ফিবম ফগৎনবা ঐখোয়না থবক পায়খৎলি। ৱাফম অসি খন্ন-নৈনবশিংদা য়াম্না তোইনা কান্থোকখি। ঐ খুদম অমা পীজগে। হন্দক বি.এস.এন.এলনা মেদ ইন ইন্দিয়া 4G ষ্টেক হৌদোক্লে।

মরুপশিং,

মসি লৈবাক অসিগী অচৌবা মাইপাকপা অমনি হায়না ঐনা হায়নিংই। ঙসিদি ঐখোয়না চাউথোকচনা হায়রি মদুদি লৈবাক অসিনা পুথোকচবা 4G ষ্টেক্কা লোয়ননা মালেমদা মকোক থোঙবা লৈবাক মঙাগী মনুংদা ভারত য়াওরে। হেদলাইনশিংদা পীক থনবদগী ভারতনা 2G, 2G, 2G হায়না তারে, 2G দা থৌদোক কয়া থোকখি। হৌজিক ঐনা 4G গী মরমদা হায়রি, মসি মতম খর লৌখি, মসি শন্দোক্না তাকপদা ঐ চোকথরে। সরকারগী কম্পেনি বি.এস.এন.এল মাঙহন্নবা কংগ্রেসনা পায়খৎতবা থবক অমতা লৈখিদে, মসি হৌজিক অনৌবা মাইপাকপশিং লৈরে।                                

মরুপশিং,

মসি লৈবাক অসিগী মাইপাকপগী ৱাফম অমনি। মাইপাকপা অসিগী অতোপ্পা নাকল অমদা, 4G ষ্টেক হৌদোকপা নুমিৎ অদুদা, বি.এস.এন.এলনা 4G মোইবাল তৱার লাখ অমরোম হৌদোকখি অমসুং মসিগী ফলনা করিনো? মসিনা হৌজিক ফাওবা ইন্তরনেত ফংদ্রিবা উমং অমসুং চীঙগী লমদমশিংদা লৈবা মীওই লাখ কয়াদা অয়াংবা মখলগী ইন্তরনেত সর্বিস ফংহল্লে।

মরুপশিং,

হৌজিক অদোমগী মফমদা অতোপ্পা অঙকপা অমা হায়জগে। ঐখোয়না 2G, 4G, 6G গী মরমদা তারে, মতম অদুদা ঐখোয়না ঐখোয়গী অকোয়বদা লৈবা তাইবংপাল উখি, ঐখোয়না করিগুম্বা খর খনখি অমসুং খল্লবা মতুংদা, করিগুম্বা অনৌবা খর পাংথোক্নবা ঐখোয়না হোৎনখি। লৈবাক অসিগী মাইপাকপগী অহুমশুবা ৱাফম অমা ঙসি ঐনা অদোমগী মমাঙদা থমজগে অমসুং হায়রিবা থবক অদু হৌজিক ফাওবা মেদিয়ানা পুক্নিং চঙদ্রি। ঐগী মীৎয়েংদা লৈবাক অসিদা মনিংদা লৈবা পোৎশক কয়া লৈরি। অসিগুম্বা খুদোংচাবশিং অথাপ্পা মফমশিংদা য়ৌবা মতমদা, হায়রিবা মফমশিং অদুগী মীওইশিংগী পুন্সিদা কয়া য়াম্না অহোংবা পুরক্কনি। অদোম ই-সঞ্জিবানিগী মরমদা তারম্লগনি। ই-সঞ্জিবানিগী মরমদা ঐ খুদম অমা পীজগে। অরাপ্পা উমংশিংদা ইমুং অমা লৈরে হায়না লৌরসি, ইমুং অদুগী মীওই অমা নারক্লে অমসুং উমংগী মফম অমদা লৈবা মীওই অমা হকচাং ঙমলক্ত্রে। নোং-চিংগী ফিবম ফত্তবদগী, মখোয়গী ইমুংগী অনাবা মীওই অদু মখোয়না দোক্তর ফাওবা পুবা ঙমদ্রে। মতম অদুদা মখোয় করি তৌগনি? অসিগুম্বা ফিবম অমদা, অয়াংবা ইন্তরনেত কন্নেক্সন্দা য়ুম্ফম ওইবা ই-সঞ্জিবানি সর্বিসনা মখোয়গী মতেং পাংগনি।

মরুপশিং,

অনাবশিংনা মখোয়গী ফোন্দা ই-সঞ্জিবানি এপ্পকী খুৎথাংদা দোক্তরগা পাউ ফাওনরে অমসুং স্পিসিএলিষ্ট দোক্তর অমদা লায়েংনবগী খুদোংচাবা ফংলে। হৌজিক ফাওবদা মীওই করোর ৪২ ই-সঞ্জিবানিগী খুৎথাংদা ও.পি.দি কন্সলতেন্সন পাংথোকখ্রে হায়বা খঙবদা এন.দি.তি.বি য়েংলবশিং হরাওগনি। মসিনা তাকপদি 4G, 2G অসি শুপ্নগী খুদোংচাবা অমা খক নত্তে, মসি পুন্সিদা অনৌবা শাফু অমা ওইরক্লে অমসুং ঙসি ঐনা অদোমগী মফমদা ৱা ঙাংলিঙৈদা, অয়ুক্তগী নুমিদাং ফাওবদা লৈবাক অসিগী মীওই লাখ ১ হেন্না ই-সঞ্জিবানিদা মতেং ফংখ্রে। ঐনা অদোমদা হায়রিবা অসি পুং ১২ গীনি। ই-সঞ্জিবানি অসি শুপ্নগী খুদোংচাবা অমা খক নত্তে, মসি অৱাবা তারকপা মতমদা খুদক্ত মতেং ফংনবা থাজবা অমনি। মসি থবক তৌবদা মীয়ামগী খনবগী অঙকপা খুদম অমনি।

মরুপশিং,

মীয়ামগী অৱাবা খঙবা সরকার অমা, গনতন্ত্রদা কৎথোক্লবা সরকার অমা, সংবিধান্দা কৎথোক্লবা সরকার অমা, অসিগুম্বা ৱারেপশিং লৌখি অমসুং অসিগুম্বা থৌশিলশিং শেমখি। ঐখোয়গী মরুওইবদি মীয়ামগী পুন্সি হিংবদা লাইহনবা অমসুং মীয়ামগী শেন তুংশিনবা হেনগৎহনবনি। খুদম ওইনা, লুপা ৩০০ পীরম্বা জি.বি ১ গী দেতা অদু হৌজিক লুপা ১০ পীরে। মসিনা তাক্লিবদি চহি অমদা ভারতমচা খুদিংমক্কী ফুরিৎখাউদা লুপা লিশিং কয়া তুংশিনবা ঙম্লে হায়বনি। অয়ুস্মান ভারত য়োজনাগী খুৎথাংদা লায়রবা অনাবশিংনা লুপা করোর লাখ ১.২৫ কনবা ঙম্লে। পি.এম জনঔশাধি সেন্তরশিংদা মমল চাদা ৮০ তারবা হিদাক-লাংথকশিং ফংলে। মসিনা মরম ওইদুনা, মীয়াম্না লুপা করোর লিশিং ৪০ রোম কনবা ঙম্লে। ষ্টেন্তশিংগী মমল হন্থবদগী, লায়রবা অমসুং মিদল ক্লাসনা চহি অমদা লুপা করোর লিশিং ১২ কনবা ঙম্লে।

মরুপশিং,

পুকচেল শেংবা তেক্স থিবা মীওইশিংদসু ঐখোয়না কান্নবশিং হকথেংননা পীরে। ইনকম তেক্স অমসুং জি.এস.তি য়াম্না চাউনা হন্থরে। চহি অসিদগী, লুপা লাখ ১২ ফাওবা ইনকম তেক্স লৌদ্রে। হৌজিক জি.এস.তি সেভিংস ফেষ্টিবেল মপুংফানা চৎথরি। নুমিৎশিং অসিদা মফম খুদিংমক্ত কৈথেলশিংগী শক্তমশিং ঐনা উরে, ফিবম অসি জি.এস.তি সেভিংস ফেষ্টিবেলনা ওইহনবনি। হৌজিক মমাঙগী পোৎশিৎকী রেকোর্দশিং থুগায়বা ঐখোয়না উরে। ইনকম তেক্স অমসুং জি.এস.তিগী খোঙথাং অনি অসিনা, চহি অমদা লৈবাক অসিগী মীয়াম্না চাউরাক্না লুপা করোর লাখ ২.৫ রোম কনবা ঙম্লগনি।

মরুপশিং,

হন্দক, লৈবাক অসিনা অমসুং মালেম্না ওপরেসন সিন্দুরগী মরমদা য়াম্না খন্নখ্রে। হন্দক, ঐখোয়গী মরুপ রাহুল জিনা ওপরেসন সিন্দুরগী মরমদসু য়াম্না কুপ্না ঙাংখ্রে। মহাক লান্মী অমগী ইমুংদগী হৌরকপনি, মসিদা মহাক্না ঙাউজবা হৌনশানি। থবকশিং অদু মহাক্কী শিংলিদা চেল্লি। মসি মহাক্না থাগৎখি অমসুং লৈবাক অমসুং মালেমনসু চপ মান্ননা থাগৎনখি। লৈবাক অসিগী সেকুরিতিগী মতাংদা মরুওইদবা অতোপ্পা হিরম ঙসি ঐনা অদোমগী মফমদা হায়নিংই, মসি ঐগী নহারোলগী তুংলমচৎকা মরী লৈনৈ। মসি নেক্সালিজমগী হিরমনি অমসুং নেক্সালিজম হায়রিবা ৱাহৈ অসি অসিগুম্বা মীওইশিংনা শেমখিবনি। তশেংনা হায়রবদি, মসি মাইইষ্ট তেররনি। ঙসিদি ঐনা অদোমগী মফমদা মসিগী মাওইষ্ট তেররগী ৱারি লীগনি। কংগ্রেস লৈঙাক মনুংদা লৈখিবা অর্বান নেক্সালশিং মওং অমদা য়াম্না লৈখি, লৈবাক অসিগী মীয়ামদা মাওইষ্ট তেররগী থৌদোকশিং খঙদনবা মখোয়না অকনবা সেন্সরসিপ থমখি, মতম অদুদা ঐখোয়গী লৈবাক্ত তেরোরিজমগী মতাংদা অসুক্কী মতিক খন্নগদবনি। আর্তিকল ৩৭০ গী মতাংদা খন্নগদবনি। অদুবু কংগ্রেস লৈঙাক মনুংদা ঐখোয়গী সহরশিংদা অর্বান নেক্সালশিং মপান ফগৎলকখি, মাওইষ্ট তেরর কুপশিনখি অমসুং লৈবাক অসি অমম্বদা থমখি। নুমিৎ খরনিগী মমাঙদা, দিল্লিদা মাওইষ্ট তেররগী অৱাবা ফংলবা মীওই কয়া লাকখি, মসি য়াম্না নুংঙাইতবা থবক অমনি। মখোয় মশিং য়াম্না লাকখি, খরনা খোঙশিং য়াওদ্রে, খরনা খুৎশিং য়াওদ্রে, খরনা মীৎশিং য়াওদ্র। হকচাংগী শরুক কায়াৎ খর য়াওদ্রে। মখোয় মাওইষ্ট তেররগী অৱাবা ফংলবা মীওইশিংনি। লায়রবা, ত্রাইবেলশিং, খুঙ্গংগী ইনাওশিং অমসুং ইচলশিং, লৌমীশিংগী মচানুপাশিং, ইমাশিং অমসুং ইচলশিং, মখোয়গী খোঙশিং ককখ্রে, মখোয় দিল্লিদা লাকখি, নুমিৎ ৭ লৈখি। মখুৎ লোন্নদুনা মখোয়গী পাউজেল ভারতকী মীয়ামদা য়ৌহন্নবা মখোয়না হায়জখি। মখোয়না পাউগী মীফম অমা পাংথোকখি, অদোম কনা অমতনা মদু উরম্লোই নত্ত্রগা তারম্লোই। মফম অসিদা ফমদুনা লৈরিবা মাওইষ্ট তেররগী থিকাদারশিংনা, নমথবীরবা মীয়ামগী অৱাবা ৱারিশিং ভারতকী মীয়ামদা য়ৌহনখিদে। কংগ্রেসগী লৈঙাক্না মসি খন্ন-নৈনবগী অয়াবা ফাওবা পীখিদে।

মরুপশিং,

লৈবাক অসিগী অচৌবা রাজ্য খুদিংমক নেক্সালাইগী হিংশা অমসুং মাওইষ্ট তেররগী খুবামনুংদা লৈরে। লৈবাক্কী অতৈ মফমদা সংবিধান চৎনখি, অদুবু রেদ কোরিদোরদা, মসি মমিং পন্নবা কয়া অমতগী থৌনা লৈখিদে। ঐনা হায়রি মদুদি সংবিধানগী অকোয়বদা জগোয় শাখিবশিংগী মকোক্ত হৌজিক ফাওবা অহিং-নুংথিল মাওইষ্ট তেরোরিষ্টশিং ঙাক-শেন্নবা খুন্দুনা লৈরি।

মরুপশিং,

সরকার মীয়াম্না খনখিবনি অদুবু রেদ কোরিদোরদা সরকার মশক খঙখিদে। নুমিদাং ওইরকপদা, য়ুমদগী মপান থোকপদা খুদোংচাদবা ওইখি। মীয়ামগী সেকুরিতি পীরিবা মীওইশিং ফাওবা সেকুরিতিগা লোয়ননা চৎখি।

মরুপশিং,

হৌখিবা চহি ৫০-৫৫ দা, মাওইষ্ট তেররনা মরম ওইদুনা মীওই লিশিং কয়া হাৎখ্রে, সেকুরিতি পর্সোনেল কয়া মাওইষ্ট তেররনা শিহনখ্রে, ঐখোয়গী নহা ওইরিবা মীওই কয়া মাঙখ্রে, নেক্সালাইতশিং অসিনা, মাওইষ্ট তেরোরিষ্টশিং অসিনা স্কুলশিং, হোস্পিতালশিং শাবা য়াখিদে, করিগুম্বা হোস্পিতাল অমা লৈরবা ফাওবদা, মখোয়না দোক্তর চঙলকপা য়াখিদে। হৌজিক লৈরিবা হোস্পিতালশিং ফাওবা বোম্বনা থুগায়খ্রে। চহি কয়া, লৈবাক অসিগী পাক-চাউরবা মফম কয়াদা, মীওই লাখ কয়া চাউখৎপগী মঙাল ফংদনা লৈখি। মসিনা মরম ওইদুনা ঐখোয়গী ত্রাইবেল ইনাওশিং অমসুং ইচলশিং, দলিত ইনাওশিং অমসুং ইচলশিং অমসুং লায়রবা মীয়াম য়াম্না চাউনা মাঙজখি।

মরুপশিং,

মাওইষ্ট তেরোরিজম অসি অচৌবা অরানবা অমনি অমসুং লৈবাক অসিগী নহারোলশিংগী মথক্ত চৎথবা অচৌবা পাপ অমনি। ঐনা লৈবাক অসিগী নহারোলশিং ফিবম অসিদা থাদোক্লোই। ঐ নুংঙাইতবা পোকখি অমসুং ঐগী চিনবাল খঙদুনা লৈখি। ঙসিদি, অহানবা ওইনা, ঐগী নুংঙাইতবা অদু ঐনা অদোমগী মফমদা ফোঙদোক্লি। মখোয়গী মচানুপাশিং লৈখিদ্রবা মমাশিং ঐ খঙই; মমাশিং অদুনা মখোয়গী মচানুপাশিংদা থাজবশিং থমখি। মখোয় মাওইষ্ট তেরোরিষ্টশিংগী মীনম্বগী লাংদা থুখি নত্ত্রগা মখোয় মাওইষ্ট তেররগী অৱাবা ফংখি, ২০১৪ গী মতুংদা, লান্না লমজিংখ্রবা নহারোলশিং মহৌশাগী পুন্সিদা পুরক্নবা ঐখোয়গী সরকারনা থবক মপুংফানা পায়খৎলে অমসুং ঙসি ঐনা অহানবা ওইনা মসি লৈবাক অসিগী মীয়ামদা হায়রি, লৈবাক অসিগী মীয়াম অপেনবা ফাওহনগনি, লৈবাক অসিগী মীয়াম্না ঐখোয়দা থৌজাল পীগনি, মখোয়গী মচানুপাশিং লৈখিদ্রবা মমাশিং, হায়রিবা মমাশিং অদুনা ঐখোয়দা বর পীগনি, মখোয়না লৈবাক অসিগী শক্তিদা বর পীগনি অমসুং ঙসিদি লৈবাক অসিনা মসিগী ফলশিং উবা ফংলে। চহি ১১ গী মমাংদা, লৈবাক অসিগী জিলা ১২৫ মাওইষ্ট তেররন শোকহনখি।

মরুপশিং,

ঙসিদি, মসিগী মশিং জিলা ১১ খক্ত ঙাইরে। মসিগীদমক কয়া য়াম্না কন্না হোৎনরমগনি হায়বা অদোম খঙলে অমসুং জিলা ১১ অসিগী মনুংদা, জিলা অহুম খক্ত মাওইষ্ট তেররগী খ্বাইদগী খুদোংথিঙাই ওইরি।

মরুপশিং,

হৌখিবা চহি ১০ দা নেক্সালাইত লিশিং কয়া মখোয়গী খুৎলায়শিং থাদোকখ্রে। ঐনা অদোমগী মফমদা হৌখিবা পুং ৭৬ গী মশিং পীগনি। মসি মেদিয়ানা ফোঙনিংবা পাউ নত্তে হায়বা ঐ খঙই, অদুবু পুং ৭৫ দা নেক্সালাইত ৩০৩ চঙজরকপা অসি ঐগী পুন্সিদা খ্বাইদগী পেনবা অমনি। মতম অমদা ৩ নোত ৩ পায়রম্বশিং, ঙসিদি মখোয়না ৩ নোত ৩ পীশিল্লক্লে। মখোয় ইচম চম্বা নেক্সালাইতশিং নত্তে, মখোয়গী মরক্ত লুপা করোর ১ গী রিৱার্দ লৈবা য়াওরি, খরনা লুপা লাখ ১৫ অমসুং খরনা লুপা লাখ ৫ গী রিৱার্দশিং লৈরি অমসুং মখোয় খুদিংমক মখোয়গী মিংদা রিৱার্দ লাউথোকখ্রবশিংনি। হায়রিবা নেক্সালাইতশিং অসিদগী মশিং য়াম্লবা খুৎলায়শিং লৌখৎলে। মীওইশিং অসিনা খুৎলায়শিং অমসুং বোম্বশিং থাদোক্লে অমসুং ভারতকী সংবিধান ঙাক্না চৎনবা থৌরাং তৌরে অমসুং সংবিধান্দা মপুংফানা কৎথোক্লবা সরকার অমা লৈবা মতমদা, অরানবা লম্বীদা চৎখ্রবা মীওই অমা ফাওবা হল্লকই অমসুং হায়রিবা সংবিধান অদুদা মহাক্না য়েংখি। হৌজিক মখোয় চাউখৎপগী ইচেলদা লাকপা হৌরে। মীওইশিং অসিনা মখোয় অরানবা লম্বীদা চৎলুরে হায়বা য়াজরে। চহি ৫০ হৌখ্রে, মখোয়গী নহা ওইবগী মতম হৌখ্রে, অদুবু মখোয়না থাজবা থমখিবা অহোংবা অদুদি লাকখিদে। হৌজিক মখোয় ভারতকী সংবিধান থাজবগা লোয়ননা মাঙলোমদা চঙশিল্লগনি।

মরুপশিং,

ছতিসগরগী বাস্তরদা বস অমা পোকখায়হন্দুনা সেকুরিতিগী মীওই কয়া হাৎখি, থৌদোক অদু মেদিয়াগী হেদলাইনশিং ওইখি, বাস্তর মাওইষ্ট তেরোরিষ্টশিং অমসুং নেক্সালাইতশিংগী অকনবা মফমনি অমসুং ঙসিদি ঐনা হায়রিবা বাস্তর অদুগী খুদম অমা পীগে, ত্রাইবেল নহারোলশিংনা বাস্তর ওলেম্পিক্স পাংথোকখি অমসুং নহারোল লাখ কয়া বাস্তর ওলেম্পিক্স শরুক য়ানবা লাকখি অমসুং শান্নবগী লমদা মখোয়গী মপাঙ্গল উৎখি, মসিনা অহোঙবা হায়বদু।

মরুপশিং,

চহি অসিগী দিৱালিগী কুহ্মৈশিং মাওইষ্ট তেরর লৈত্রবা মফমশিংদা হান্নগী হেন্না নুংঙাইনা পাংথোক্লগনি। চহি ৫০-৫৫ হেন্না দিৱালি উরক্ত্রবা মীওইশিং, হৌজিক মখোয় দিৱালি উরগনি অমসুং ঐনা থাজবা পীরি মরুপশিং, ঐখোয়না কন্না হোৎনবগী মহৈ চাগনি অমসুং মফম অদুদসু হরাওবগী কেন্দলশিং থাল্লগনি। ঙসি ঐনা ঐগী লৈবাক্কী মীয়াম অমসুং এন.দি.তি.ভি য়েংলিবশিংদা থাজবা পীরি মদুদি লৈবাক অসি নেক্সালিজম অমসুং মাওইষ্ট তেররদগী মপুংফানা মনিংতমগদবা নুমিৎ অদু কুইদ্রে অমসুং মসিসু মোদীগী গেরেন্তিনি।

মরুপশিং,

বিকসিত ভারত অমগী মাইকৈদা চঙশিল্লিবা ঐখোয়গী খোঙচৎ চাউখৎপগী খোঙচৎ অমা খক নত্তে। চাউখৎপা অমসুং ইকায়খুম্নবা পুন্না চৎমিন্নবা মফমদা, খোঙজেল অমসুং মীয়ামগী ইকায়খুম্নবা লৈবা মফমদা, ইন্নোবেসনগী পান্দম থবক ফজনা পাংথোকপা খক নত্তনা মীওইবগী অৱাবা খঙবা মফমদা। মসিগী পান্দম অসিগা লোয়ননা ঐখোয় মাঙলোমদা চঙশিল্লি। মীয়ামদা ৱা ঙাংনবগীদমক ঐঙোন্দা চেপাউ পীরকপগীদমক ঐনা এন.দি.তি.ভি থাগৎপা ফোঙদোকচরি। থৌরম অসি অফবা ওইনবা ঐনা য়াইফ পাউজেল পীজরি। ঐনা মীয়ামগী মফমদা দিৱালিগী য়াইফ পাউজেলসু পীজরি। অদোম থাগৎপা ফোঙদোকচরি।

***