ভারতকী প্রধানমন্ত্রী

মরূপশিং!

গ্লোবেল বিজিনেস অমসুং ইকোনোমীগী নর্ব সেন্তর ওইরিবা ন্যু য়োর্কতা, ময়ামগী মরক্তা শরুক য়াবা অসিদা ঐহাক অপেনবা অমা ফাওই। ব্লুমবর্গ গ্লোবেল বিজিনেস ফোরমনা ঐহাকপু ভারতকী ফীলিংশিং অমসুং প্রোসপেক্তশিং, ভারতকী এক্সপেক্তেসনশিং অমসুং এস্পিরেসনশিং, ভারতকী চাউখৎপগী ৱারী অমসুং মসিগী তুংগী মায়কৈদা ৱাফম খরা ফোংদোক্নবা তঞ্জা পীনবীবগীদমক ঐহাক্না হন্না-হন্না তৌবীমল খঙবা উৎচরি।

মরূপশিং,

ঙসিদি অদোম্না ভারত্তা মসাগী চহী মঙাগী থবক থৌরমশিংগা লোয়ননা মীয়ামগী মরক্তা চংখিবা অমসুং হান্নদগী হেনবা মশিংগা লোয়ননা হল্লখিবা অদুগুম্লবা সরকার অদু অমুক হন্না উবা ফংলে। অদোম্না ৱারী শান্নবা মতমদা য়াম্না তোয়না বিজিনেস সেন্তিমেন্তকী মতাংদা ৱারী তৌই। হন্দক্কী মীখলদা ভারত মচা কোতি ১৩০না মখোয়গী সেন্তিমেন্ত অদু ফোংদোকপা খক্তা নত্তনা দিবেলপমেন্ত অসি মখোয়গী খ্বাইদগী চাউবা প্রায়োরিতীনি হায়না জজমেন্তসু পীরে।

মরূপশিং,

নুমীৎ খরনিগী মমাংদা কোর্পোরেৎ তেক্সতা চাউনা হন্থহন্নবা ঐখোয়না ৱারেপ লৌখিবা অদু অদোম্না খংবিরম্লগনি। মসি ইনভেস্তমেন্তকী থাক্তগী য়াম্না অওনবা পুরকপা খোংথাং অমনি অমসুং ৱারেপ অসিগী মতুং ঐহাক্না বিজিনেস ৱার্ল্দগী মীওই কয়াগা উন্নরুবা অমসুং ৱারী শান্নরুবা মতমদা য়াম্না পুৱারী ওই হায়না লৌনরি। ঐখোয়না দিবেলপমেন্তকী থবক থৌরমদা অয়েৎপা পীরম্বা অদুগুম্বা অরীবা আইন ৫০ হেন্নসু মুত্থৎখ্রে। ঐহাক্না ময়ামদা অমুক হন্না নিংশিংজরি, ঐখোয়গী অনৌবা সরকার অসি হৌজিক থা অহুম-মরি ফাবদা ঙাইরি। ঙসি ঐহাক্না ফম্বাক অসিদা থমজরি মদুদি মসি হৌজিক হৌরকপদা ঙাইরি। ফনা শাংনা চৎকদবা ৱাৎলি। খোংচৎ অসিদা ভারতকা লোয়ননা পার্তনরশিপ তৌনবগীদমক মালেম পুম্বগী বিজিনেস ৱার্ল্দগী য়াম্না খুদোং চাবা তঞ্জা অমনি।

মরূপশিং,

ঙসিদি ভারত তোপ তোপ্পা থাক অমদা লৈরে। ঐখোয়গী মীয়াম্না লেপ্পা লৈতনা লায়রববু মায়থিবা পীরি, শেল-থুমগী কৈরাক কারি অমসুং মখোয়গী কঞ্জুম্পসনশিং মখল মখল খায়দোক্লি। মরম অদুনা করিগুম্বা অদোম্না স্কেল লৈবা কৈথেল অমদা শেল থাদবা পাম্লগদি ভারত্তা লাকপিরো। ঐখোয়গী ইনফ্রাস্ত্রকচর ক্রিয়েসন অসি মমাংদা ওইখিদ্রিবা মওংদা খোংজেল য়াংনা পাকথোক চাউথোরক্লি। হায়ৱেজদগী মেত্রো ফাওবা, রেলৱেজদগী হিথাংফম ফাওবা, এয়ারপোর্ত্তগী লোজিস্তিক ফাওবা, সেক্তর খুদিংমক্তা য়াম্না চাউনা শেল থাদবা অমসুং অকিবা ফংলবা পোতেন্সিয়েল অদু উবা ফংলি।

মরূপশিং

ঙসি ঐখোয়গী সরকারনা ভারত্তা ইনফ্রাস্ত্রকচর দিবেলপ তৌবদা শেল থাদরিবা অসুম্না মমাংদা কৈদৌনুংদা থাদখিদ্রি। লাক্কদৌরিবা চহীশিংদা হৌজিক ঐখোয়না মোদর্ন ইনফ্রাস্ত্রকচরদা লুপা কোতি লাখ ১০০ চাদিং তৌরগনি। মসিগী মথক্তা, ভারতকী সোসিয়েল ইনফ্রাস্ত্রকচরদসু লুপা কোতি লাখ কয়া চাদিং তৌগনি। দোলর ত্রিলিয়ন ৫গী ইকোনোমী লৈবা লৈবাক অমা ওইহন্নবা হৌজিক ভারতনা অচৌবা পান্দম অমা থম্লি।

মরূপশিং,

ইং ২০১৪দা ঐখোয়না সরকার পায়রকপা মতমদা নৈবাক্কী ইকোনোমী অসি দোলর ত্রিলিয়ন ২গী ময়া ওইরম্মি। হৌখিবা চহী মঙাদা ঐখোয়না মসিদা দোলর ত্রিলিয়ন অমা হাপচিল্লে। অমদি হৌজিক ঐখোয়না দোলর ত্রিলিয়ন ৫গী পান্দম অদু ফংনবা কন্না হোৎনরি।

মরূপশিং,

মসিগী অচৌবা পান্দম অসি ফংনবা, ঐখোয়দা তৌবা ঙম্বা অমসুং থৌনা অদুসু লৈরি অমদি কন্দিসনশিংসু ঐখোয়গা লোয়নরি। ঙসিদি ভারতকী চাউখৎপগী ৱারীগী মরুওইবা ফেক্তর মরি লৈরি, মদু মালেমদা পুন্না থিবদা অৱাবা ওইগনি। ফেক্তর মরি অদুদি দেমোক্রেসী, দেমোগ্রাফী, দিমান্দ অমসুং দেসিসিবনেসনি। ভারতকী ইকোনোমী অসি লৈবাক মনুংগী ওইবা পোলিতিকেল স্তেবিলিতীগী ক্লাইমেৎতগী কান্নবা ফংলি।

মরূপশিং,

মমাংদা ভারত্তা তেক্সকী লাং থাকলম্বা অদু হৌজিক্তি জি.এস.তি.গী মওংদা ইনদাইরেক্ত তেক্স রেজিম অমখক্তমক লৈবাক পুম্বগী বিজিনেস কলচরগী শরুক ওইরে।

ঐখোয়না আই.আর.পি. অমসুং ত্রেদ মার্ক রেজিম মপাঙ্গল কনখৎহন্নবসু কন্না হোৎনরি।

মতৌ অদুম্না ইনসোলভেন্সী অমসুং বেঙ্করপসী থেংননবা ইনসোলভেন্সী অমসুং বেঙ্করপসী কোদ শেম্লে।

তেক্সকা মরী লৈনবৈ আইনশিং অমসুং ইক্বিতী ইনভেস্তমেন্তশিংদা তেক্সপু গ্লোবেল তেক্স রেজিমগা মান্ননা পুরক্নবগীদমক ঐখোয়না দরকার ওইবা রিফোর্মশিং লেপ্পা লৈতনা চত্থরি।

তেক্স রিফোর্মশিংদা নত্তনা, মালেম অসিগী খ্বাইদগী চাউবা ফাইনান্সিয়েল ইনক্লুজনসু অতেনবা মতম অমগী মনুংদা ভারত্তা থোকখি। চাউরাক্না মীওই মিলিয়ন ৩৭০বু হৌখিবা চহী ৪-৫দা অহানবা ওইনা বেঙ্কিংগা শম্নহল্লে। ঙসিদি ভারতকী নাগরিক অয়াম্বা য়ুনিক আই.দি., মোবাইল ফোন অমসুং বেঙ্ক একাউন্ত লৈরে। মদুনা মরম ওইরগা তার্গেতেদ সর্বিস দেলিবরী হেঙ্গৎলে, লিকেজ লৈত্রে অমদি ত্রান্সপরেন্সী শরুক কয়া হেঙ্গৎলে।

মরূপশিং,

অনৌবা ভারত্তা ঐখোয়না দি-রেগুলেসন, দি-লাইসেন্সিং অমসুং দি-বোতলনেক্কিংগী কেম্পেন হৌদোক্নে। অসিগুম্লবা রিফোর্মশিংনা মরম ওইদুনা, গ্লোবেল রেঙ্কিং খুদিংদা ভারতনা লেপ্পা লৈতনা হেন্না ফজবা পার্ফোমেন্স উৎলি। লোজিস্তিক পর্ফোমেন্স ইন্দেক্সতা পোইন্ত ১০ চোংখৎলে, গ্লোবেল কোম্পিতিতিবনেস ইন্দেক্সতা পোইন্ত ১৩ চোংখৎলে, গ্লোবেল ইনোভেসন ইন্দেক্সতা পোইন্ত ২৪ হেঙ্গৎলে অমদি খ্বাইদগী মরু ওইনা ৱার্ল্দ বেঙ্ককী ইজ ওফ দুয়িং বিজিনেস ইন্দেক্সতা থাক ৬৫ হেঙ্গৎলে। হৌখিবা চহী ৫দা ভারতকী এফ.দি.আই. অসি দোলর বিলিয়ন ২৮৬ ওইখি। মসি হৌখিবা চহী ২০গী ভারতকী অপুনবা এফ.দি.আই. ইনফ্লোগী তঙ্খায়নি। হৌখিবা চহী তরাদা য়ু.এস.না ভারত্তা পাংথোকখিবা এফ.দি.আই. অদুগী চাদা ৫০দি হৌখিবা চহী ৪দা পাংথোকখি।

মরূপশিং,

ব্লুমবর্গকী মশাগী পাউদমসু ভারত্তা অহোংবা লাক্লিবা অদু পল্লি। ব্লুমবর্গকী নেস্নেল ব্রান্দ ত্রেকর-২০১৮ সর্ভেদা ইনভেস্তমেন্তকী তর্মদা ভারত এসিয়াগী অহানবা মশিংদা লৈরি। ইন্দিকেতর ১০গী মনুংদা ৭, পোলিতিকেল স্তেবিলিতী, করেন্সী স্তেবিলিতী, হায় ক্বালিতী প্রদক্তস, এন্তি করপসন, লো কোস্ত ওফ প্রদক্সন, স্ত্রেতেজিক লোকেসন অমসুং রেসপেক্ত ফোর আই.পি.আর.এস.তা ভারতনা মকোকথোংবা থাক্তা লৈরি। লেমহৌরিবা ইন্দিকেতরশিংদসু ভারত অৱাংবা থাক্তা লৈরি।
মরূপশিং,

অদোমগী অপাম্বশিং অমসুং ঐখোয়গী মংলানশিং মপা চান্নরি; অদোমগী তেক্নোলোজী অমসুং ঐখোয়গী তেলেন্তনা মালেম অসিবু অহোংবা পুরকপা ঙমগনি; অদোমগী স্কেল অমসুং ঐখোয়গী স্কিলশিংনা গ্লোবেল ইকোনোমিক গ্রোথ হেঙ্গৎহনবা ঙমগনি। অমদি করিগুম্বা মফম অমা হেক্তদা অহোবা লৈরকপা মতমদা, ঐহাক ইশামক থোং অমগুম থৌদাং লৌগনি।
ময়াম্বু থাগৎচরি!

**************