ভারতকী প্রধানমন্ত্রী

পন্দিত দীনদয়াল উপাধয় সেন্তিনরি সেলেব্রেসন অমসুং স্বামি বিবেকানন্দগী চিকাগো এদ্রেসকী চহি ১২৫ শুরকপা থৌরমদা দিল্লিগী বিগ্যান ভবনদা ছাত্রশিংগী কোনভেন্সনদা ঙসি প্রধানমন্ত্রী শ্রী নরেন্দ্র মোদীনা ৱা ঙাংখ্রে ।

প্রধানমন্ত্রীনা হায়খি মদুদি চহি ১২৫ মমাংদা, মদুনা ইকুই কুইদ্রিঙৈদা ৯/১১ হায়না খংনখিবা নুমীৎ অসিমক্তদা, ৱাহৈ খরগা লোইননা, ভারত্তগী নহা ওইরিবা অমনা মালেমবু খুদুম চনখি অমসুং অমগী শক্তি অদু উৎখি । ১৮৯৩গী ৯/১১ অদু নুংশিবা, হারমোনি অমসুং মচিল মনাও ওইবগী মতাংদা ওইখি হায়না মহাক্না মখা তাখি ।
ঐখোয়গী সোসাইতিদা চংলক্লিবা অদুগুম্বা সমাজকী ফৎতবশিংগী মায়োক্তা স্বামি বিবেকানন্দনা মহাক্কী খোংজেল থোক্না লাওখি হায়না প্রধানমন্ত্রীনা হায়খি । রিচুয়েল খক্তনা ইন্দিভিজুয়েল অমবু দিভাইনিতীদা শম্নহনবা ঙমলোই; মহাক্না হায়খি মদুদি ‘জন সেবা’ অসি ‘প্রভু সেবানি’ হায়না স্বামি বিবেকানন্দানা হায়বিখিবা অদু মহাক্না নৌহৌনা নিংশিংখি ।
স্বামি বিবেকানন্দনা ধর্মগী পাওতাক্তা থাজবা থমখিদে হায়না  প্রধানমন্ত্রীনা হায়খি । রামকৃষ্ণ মিসনগী খুথাংদা ইন্সতিট্যুস্নেল ফরেমৱার্ক অমগীদমক মহাক্কী আইদিয়াশিং অমসুং আইদিলিজমনা লম্বী শেমখি হায়না মহাক্না মখা তাখি ।

ভারতপু লু নান্না থম্নবা চোকথবা নাইদনা থবক তৌখিবা প্রজাশিং অদুবু প্রধানমন্ত্রীনা অখন্ননা পনখি, মখোয় অদু বন্দে মাতরমগী স্প্রিতপু পুক্নিংদা হাঞ্জিনখিবা মীওইশিং অদুনি হায়বদু নোত তৌখি । ছাত্রগী সংস্থানশিংনা য়ুনিবর্সিতিগী মীখলগীদমক কেম্পেন তৌবা মতমদা লু নানবদা অখন্নবা মীৎয়েং থমগদবনি হায়না প্রধানমন্ত্রীনা হায়খি । মহাক্না হায়খি মদুদি নুপীশিংবু ইকায় খুম্নবা মীওইশিং অদু খক্তনা স্বামি বিবেকানন্দগী এদ্রেসকী অহৌবা ৱাহৈ পরেং “ব্রদর্স এণ্ড সিস্তর্স ওফ অমেরিকা”গী মগুন খংবা ঙমগনি ।  

স্বামি বিবেকানন্দ অমসুং জমসেতজী তাতাগী মরক্তা লৈবা কোরেসপোন্দেন্স অদুনা ভারতকী সেল্ফ-রিলাইন্সকী মায়কৈদা স্বমিজীগী মরি অদু উৎকনি হায়না প্রধানমন্ত্রীনা হায়খি । নোলেজ অমসুং স্কিল অনিমক মরু ওই হায়না প্রধানমন্ত্রীনা মখা তাখি ।
প্রধানমন্ত্রীনা হায়খি মদুদি মীয়াম্না হৌজিক হায়নরি মদুদি ২১শুবা চহিচা অসি এসিয়াগী সেনচুরিনি । অদুবু মতম কয়াগী মমাংদা স্বামি বিবেকানন্দনা ‘ৱান এসিয়া’গী কনসেপ্ত অদু পিরম্লে অমসুং পৃথিবীগী প্রোব্লেমশিংগী সোলুসন অদু এসিয়াদগী ফংগনি হায়না হায়বিরম্মী ।
ক্রিয়েতিবিতী অমসুং ইনোভেসনগীদমক য়ুনিবর্সিতীদগী হেন্না ফবা মফম অমা লৈতে হায়না প্রধানমন্ত্রীনা হায়খি, “এক ভারত, শ্রেস্থ ভারত” কী স্প্রিত অদু মপাঙ্গল কনখৎহন্নবা মশিং য়াম্লবা স্তেতশিংগী কলচর অমসুং লেঙ্গুয়েজ সেলেব্রেত তৌনবা কেম্পসশিংনা নুমীৎশিং ওর্গনাইজ তৌগদবনি হায়না মকা তাখি ।
ভারত অসি অহোংবা লাক্লে, মালেমদা ভারতকী থাক ৱাংখৎলক্লে অমসুং মসি জন সক্তিনা ওইহনবনি হায়না প্রধানমন্ত্রীনা হায়খি । মহাক্না ছাত্রগী কমুনিতীদা কন্না হায়খি “ফোলো দি রুলস, এণ্ড ইন্দিয়া ৱিল রুল” ।