ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা নই দিল্লীগী ভারত মন্দপমদা ঙসি ইহান হানবা নেস্নেল ক্রিএতর্স এৱার্দ পীখ্রে। মহাক্না ৱিন্নরশিংগা লোয়ননা ঙাইহাক ৱারীসু শাখি। নেস্নেল ক্রিএতর্স এৱার্দ অসি ৱারী লীবা, খুন্নাইদা অওনবা পুরক্না এদভোকেৎ তৌরিবা, এনভাইর্নমেন্তেল সস্তেনেবিলিতী, এজুকেসন, অমসুং গেমিং য়াওনা দোমেন কয়াদা মাইপাকপা অমসুং কান্নবা পীরিবা অদু শকখঙনবা খোঙথাং অমনি। এৱার্দ অসিনা পোজিতিব ওইবা অওনবা অমা পুরক্নবা ক্রিএতিবিতী শীজিন্ননবগীদমক লোঞ্চপেদ অমা ওইহন্নবা হোৎনরি।

থৌরম অসিদা ৱা ঙাংলদুনা প্রধান মন্ত্রীনা থৌরম অসিগীদমক ভারত মন্দপমবু থৌরম মফম ওইনা খনখিবগী মতাংদা পনখি অমসুং হায়খি মদুদি নেস্নেল ক্রিএতর্সনা G20 সম্মিৎতা তুংলমচৎকীদমক মালেমগী লুচিংবশিংনা মাইকৈ তাকখিবা মফমদা ঙসি চপ মান্নবা মফমদা ঙসি পুল্লরি।

প্রধান মন্ত্রীনা হায়খি মদুদি মতমগী অহোংবগা লোয়ননা খুৎশম্নদুনা চৎপা অসি লৈবাক্কী থৌদাংনি অমসুং লৈবাক অসিনা ইহান হানবা নেস্নেল ক্রিএতর এৱার্দসকা লোয়ননা ঙসি থৌদাং অদু থুংহল্লি। “নেস্নেল ক্রিএতর্স এৱার্দনা অনৌবা চহিচা অমা হৌদ্রিঙৈ মমাংদা শক্তাক অমা পীরি”, হায়না প্রধান মন্ত্রীনা ফোঙদোক্লদুনা তুংলমচৎ মাংজৌননা খঙনবা শক্তি অদু থমখি। মহাক্না নেস্নেল ক্রিএতর এৱার্দসনা অনৌবা চহিচাদা শক্তি পীদুনা অমসুং নহারোলগী ক্রিএতিবিতীবু ইকাই খুম্নবীদুনা অমসুং নোংমগী পুন্সিগী লমশিং খঙনবা লাক্কদৌরিবা মতমশিংদা চাউনা ইথিল পীরগনি ফোঙদোকখি। তুংলমচৎতা নেস্নেল ক্রিএতর এৱার্দসনা কন্তেন্ত ক্রিএতরশিংগীদমক অচৌবা ইথিলগী হৌরকফম ওইরগনি অমসুং মখোয়গী থবক্কীদমক আইদেন্তিতী অমা পীরগনি হায়না প্রধান মন্ত্রীনা ফোঙদোকখি। মহাক্না এৱার্দ অসিগী ৱিন্নরশিংদা নুংঙাইবা ফোঙদোকখি অমসুং য়াম্না তেনবা মতমগী মনুংদা কন্তেস্তেন্তশিংনা থৱায় য়াওনা শরুক য়ারকপদা থাগৎপা ফোঙদোকখি। “থৌরম অসিগীদমক ক্রিএতিব মাইন্দ লাখ 2 হেনবনা শরুক য়াবা অসিনা লৈবাক্কীদমক আইদেন্তিতী অমা শেম্বীরি” হায়না মহাক্না ফোঙদোকখি।

ইহান হানবা নেস্নেল ক্রিএতর এৱার্দস অসিনা মহা শিবরাত্রিগী য়াইফরবা নুমিৎতা পাঙথোক্লি হায়রদুনা প্রধান মন্ত্রীনা ভগৱান শিববু লোল, কলা অমসুং ক্রিএতিবিতীগী মপুনি হায়না থাগৎখি। “ঐখোয়গী শিব অস নতরাজনি, মহাক্কী দমরুনা মহেশ্বর সুত্রা পুথোক্লি, মহাক্কী তনদবনা তান্থা অমসুং ক্রিএসনগী য়ুম্ফম থোনখি,” হায়না প্রধান মন্ত্রীনা ফোঙদোক্লদুনা মহা শিবরাত্রীগীদমক মীপুম খুদিংদা য়াইফ পাউজেল পীখি।

প্রধান মন্ত্রীনা ঙসি অসি মালেমগী নু্পীশিংগী নুমিৎনি হায়নসু ফোঙদোকখি অমসুং এৱার্দ অসি ফংখিবা নুপীশিংদা নুংঙাইবা ফোঙদোকখি। মহাক্না ভারতকী ক্রিএতিব ফিল্দদা নুপীশিংনা শরুক য়াবদা চাউথোকচবা ফোঙদোকখি।  মহাক্না নুপী পুম্নমক্তা থৌরম অসিগী নুংঙাইবা ফোঙদোকখি অমসুং ঙসিদগী গ্যাস সিলিন্দরদা লুপা 100 হন্থহন্নবগী ৱারেপকী মতাংদসু ফোঙদোকখি।

লৈবাক্কী চাউখৎ-থৌরাংগী খোঙচৎতা স্কিম নত্ত্রগা পোলিসী অমগী মল্তিপ্লায়র ইফেক্তকী ইম্পেক্তকী মতাংদা ফোঙদোক্লদুনা প্রধান মন্ত্রীনা হায় হৌখিবা চহি 10দা পুরকখিবা দেতা রিভোল্যুসন পুরকখি অমসুং লো-কোস্ত দেতা ফংহনি। মহাক্না দিজিতেল ইন্দিয়া কেম্পেন্না কন্তেন্ত ক্রিএতরশিংগীদমক অনৌবা মালেম অমা শেমখিবগীদমক থাগৎখি অমসুং মাইকৈ অসিদা নহারোলশিংগী খোঙথাংশিংবু শীংথাখি। “পোজিতিব ওইবা এক্সনশিংগা লোয়ননা নহারোলনা সরকারদা কন্তেন্ত ক্রিএতরশিংগী মাইকৈদা য়েংনবা হায়খি”, হায়না প্রধান মন্ত্রীনা মখোয়দা নুংঙাইবা ফোঙদোকখি অমসুং মখোয়না অসিগুম্বা এৱার্দশিংগী ৱাখল্লোন পুথোরকপগীদমক থাগৎখি।

প্রধান মন্ত্রীনা হায় ক্রিএতর অমত্তনা কন্তেন্ত ক্রিএসনগী কোর্স অমত্তা লৈতবনা থমখিদে অমসুং একাদেমিক্সতগী কন্তেন্ত ক্রিএসন ফাওবগী মখোয়গী খোঙচৎকী মতাংদা পনখি। “নখোয়না নখোয় নশাগী প্রোজেক্তশিংগী রাইতর, দিরেক্তর, প্রদ্যুসর অমসুং এদিতর ওইরি”, পি.এম. মোদীনা অসিগুম্বা তেলেন্তকী অপুনবা তৌবা ঙম্বা অদুগী মতাংদা মীৎয়েং চংখি। “নখোয়না আইদিয়া অমা পুথোকই, ইন্নোভেৎ তৌই অমসুং স্ক্রীনদা মদুগী লাইফ ফোর্ম অমা পীখি। নখোয়না মালেমদা নখোয়গী তৌবা ঙম্বশিং খঙহনবা খক্তা নত্তনা মদুবু মালেমদা উৎখি” হায়না মহাক্না ফোঙদোকখি, মহাক্না কন্তেন্ত ক্রিএতরশিংগী থৌনা অমসুং অখাং কনববুসু থাগৎখি। মহাক্না মালেম শিনবা থুংবদা কন্তেন্তকী ইম্পেক্ত অদুসু ফোঙদোকখি অমসুং হায়, “নখোয়না ইন্তর্নেৎকী MVPশিং ওইরি”।

প্রধান মন্ত্রীনা হায়খি মদুদি কন্তেন্ত অমসুং ক্রিএতিবিতী চুংশিন্নবা অসিনা এঙ্গেজমেন্ত হেনগৎহল্লি, কন্তেন্ত অমসুং দিজিতেলগী চুংশিন্নবনা অওনবা পুরকই অমসুং কন্তেন্ত অমসুং পর্পসকা চুংশিন্নবা অসিনা কান্নবা উবা ফংহল্লি। শ্রী মোদীনা কন্তেন্ত ক্রিএতরশিংদা কন্তেন্তকী খুত্থাংদা ইথিল পীনবা হায়খি অমসুং লাল কিলাদগী নুপীশিংবু ইকাই খুম্নদবগী মতাংদা পুখৎখিবা অদু নীংশিংখি। মহাক্না মখোয়াদা মমা-মপাশিংগী মরক্তা মচানুপা অমসুং নুপী য়োকপদা থোং মান্নবা ৱাখল্লোন পোকহন্নবা ৱাখল্লোন থৌগৎনবা হায়খি। মহাক্না খুন্নাইগা মর লৈনহন্দুনা মসি য়ুমথোং খুদিংদা য়ৌহন্নবা কন্তেন্ত ক্রিএতরশিংগীদমক এপ্রোচ অমা থমখি। মহাক্না কন্তেন্ত ক্রিএতরশিংদা ভারতকী নারী শক্তিগী তৌবা ঙম্বশিং উৎথোক্নবা অমসুং শেন্মীৎলোনগী থবক থৌরমশিংদা খুঙ্গং অমসুং ত্রাইবেলগী মফমশিংদগী নুপীশিং অমসুং মমা ওইবীশিংনা শরুক য়ানবগী আইদিয়াসু পীখি। “কন্তেন্ত ক্রিএসন অসিনা অরানবা ৱাখল্লোনশিং শেমদোকপদা মতেং পাংগনি” হায়না মহাক্না ফোঙদোকখি।

স্বচ্ছ ভারত কেম্পেন অসি লোইনাইদবা খোঙথাংনি হায়রদুনা প্রধান মন্ত্রীনা কৈ অমনা হন্দক্তা প্লাস্তিক বোত্তল খুনগৎখিবগী ভিদিওগী মতাংদা ফোঙদোকখি অমসুং কন্তেন্ত ক্রিএতরশিংদা মাইকৈ অসিদা মখা তানা থবক তৌনবা হায়খি। মহাক্না অঙাংশিংগী মরক্তা মেন্তেল হেল্থ অমসুং স্ত্রেসকী অরুবা সমস্যাদা এৱের্নেস পীনবা অমসুং লোকেল লোলশিংদা কন্তেন্ত ক্রিএসন তৌবদা মীৎয়েং চংনবা হায়খি। প্রধান মন্ত্রীনা চহি তরামঙাগী মমাংদা য়েংখিবা ইসু অসিগী শোর্ত ফিল্ম অমবুসু থাগৎখি। প্রধান মন্ত্রী মোদীনা অঙাংশিংগা কন্নেক্ত তৌদুনা পরিক্ষাগী মমাংদা মখোয়দগী ৱাফমশিং তাবা ফংবা পরিক্ষা পে চর্চা প্রোগ্রামগী মতাংদসু ফোঙদোকখি। শ্রী মোদীনা নহারোলদা দ্রগনা পীবা অমাংবগী মতাংদা কন্তেন্ত শেম্ববু থাগৎখি অমসুং হায়খি, “ঐখোয়না হায়গদবা অসি – দ্রগস আর নোৎ কুল”।

প্রধান মন্ত্রীনা লাক্কদৌরিবা লোক সভা মীখলশিংদা পুক্নিং চীংশিল্লদুনা মথংগী চহিদসু কন্তেন্ত ক্রিএতরশিংগা লোয়ননা উনবগী থাজবা ফোঙদোকখি। “মসি মোদীগী গরেন্তী নত্তে মসি ভারতকী প্রজা করোর 140গী গরেন্তীনি”। মহাক্না মখোয়দা নহারোল অমসুং লৈবাক অসিগী অহানবা ওইনা ভোৎ থাদগদৌরিবা ভোত্তরশিংদা ভোৎ থাদবা হায়বা অসি মীখলদা থোইবা অমসুং পোবা লাউথোকপা খক্তা নত্তনা মসি দিসিজন-মেকিং প্রোসেসকী শরুক অমনি হায়বগী ইথিল পোকহন্নবা এৱের্নেস পীনবা হায়খি। মহাক্না হায়খি মদুদি লৈবাক কয়ানা তোঙান-তোঙানবা মওংশিংদা চাউখৎলবসু মখোয়না দেমোক্রেসী অদুমক পাম্মি। “ভারতনা দেমোক্রেসী চাদা চামা লৈবগী চাউথোকচাবা পোকপগা লোয়ননা চাউখৎপা লৈবাক অমা ওইনবগী ফিরেপ লৌখি” হায়না পি.এম.না ফোঙদোকখি। মহাক্না নহারোলদগী থাজবা থম্মি অমসুং মালেমগী মোদেল অমা ভারতপু ওইহন্নবা মখোয়না শরুক তমগনি হায়খি অমসুং সোসিএল মেদিয়াগী শক্তিগা লোয়ননা ভারতকী মীমান্নদ্রবা মীওইশিংগী য়াওজরক্লবা শক্তি অদু পুথোকপা মথৌ তাই হায়খি।

মালেমদা ভারতকী ইথিল পীবা হেনগৎলক্লিবা অসিগী মতাংদা পল্লদুনা প্রধান মন্ত্রীনা তিরঙ্গাগী শক্তি অসি য়ুক্রেনদা মহৈরোয়শিং হোন্দোরকপদা উবা ফংখি হায়খি। মালেমনা ভারত্তা য়েংলিবা মীৎয়েংদা অহোংবা লাকচরগসু প্রধান মন্ত্রীনা লৈবাক্কী হোংলক্লিবা ইমেজ অসিদা হেন্না মীৎয়েং চংনবা হায়খি। পি.এম.না মহাক্কী মীরমদা চৎপা খোঙচৎ অমদা কম্প্যুতর ইঞ্জিনীয়র অমা ওইনা সরকারগী ইন্তরপ্রিতর ওইনা মথৌ তৌরিবা মীশক অমগা ৱারী শাখিবা অদু নীংশিংখি অমসুং মঙোন্দা ভারতকী স্নেক চার্মর অমসুং কলা-জাদুগী মতাংদা হংলকখি। প্রধান মন্ত্রীনা হায় হৌজিক ভারতনা য়াম্না শক্তি লৈরগসু মাগী শক্তি অসি হৌজিক মালেমগী মাইকৈ তাক্লিবা কম্প্যুতর মাউস অমগা মান্নরি।

“নখোয়না মালেম শিনবা থুংবগী ভারতকী দিজিতেল এম্বেসেদরশিংনি। নখোয়না ভোকেল ফোর লোকেলগী ব্রান্দ এম্বেসেদরনি” হায়না ফোঙদোকখি। মহাক্না ঙরাং শ্রীনগরদা চৎখিবা মাগী খোঙচৎ অদু নীংশিংখি অমসুং দিজিতেল ইন্দিয়াগী শক্তিগা লোয়ননা গ্লোবেল ব্রান্দ অমা শেমখিবা খোই য়োকপা ওন্তপ্রিনোর অমগা মহাক্না ৱারী শাখিবা অদু পনখি।

প্রধান মন্ত্রীনা হায়, “লাক্লো ঐখোয়না ইন্দিয়া মুফমেন্ত অমা হৌদোক্লসি। ঐখোয়না ভারতকী ৱারীশিং, নাৎ, হেরিতেজ অমসুং চৎনবী অসি মালেম শিনবা থুংবদা শিয়র তৌরসি। ঐখোয়না ভারত্তা শারসি অমসুং মালেমগীদমক শারসি”। মহাক্না মখোয়দা ক্রিএতরগীদমক মেক্সিমম লাইক ফংবা খক্তা নত্তনা লৈবাক্কীদমক্তসু গ্লোবেল ওদিয়ন্স এঙ্গেজ তৌনবা কন্তেন্ত শেম্নবা হায়খি। মালেমনা ভারতকী মরমদা খঙনীংবা পোক্লিবা অসিগী মতাংদা মহাক্না কন্তেন্ত ক্রিএতরশিংদা জর্মন, ফ্রেঞ্চ, স্পেনিশ অসিনচিংবা UN লোলশিংদা ৱার্ক দিবেলপ তৌদুনা মখোয়না য়ৌশিনবা অদু হেনগৎহনবা হায়খি। শ্রী মোদীনা বিল গেৎসকা লোয়ননা AIগী মতাংদা হন্দক ৱারী শাখি অমসুং মন্ত্রী মন্দলনা ইন্দিয়াAI মিসন অয়াবা পীখিবগী মতাংদসু ফোঙদোকখি। ভারতকী নহারোল অমসুং মখোয়গী তেলেন্তপু থাগৎলদুনা প্রধান মন্ত্রীনা সেমিকন্দক্তর মিসনগী মতাংদা পনখি অমসুং ভারতনা 5G তেক্নোলোজী এদোপ্ত তৌবদা চপ মান্নবা মওংদা লমজিংগনি হায়বগী থাজবা ফোঙদোকখি। মহাক্না য়ুমলোন্নরিবা লৈবাকশিংদা লৈরিবা লোলশিং শিজিন্নদুনা মরী ফগৎহন্নবসু হায়খি। প্রধান মন্ত্রী মীয়ামদা অতেনবা মতমগী মনুংদা তোঙান-তোঙানবা লোলশিংদা ঙাংলিবা ৱা অদু AI শিজিন্নদুন হন্থদোকপা ঙম্বা অমসুং নমো এপ্তগী ফোতোগ্রাফ লৌথোকপা ঙম্বা অদু পাউদমখি।

প্রধান মন্ত্রীনা হায়খি মদুদি কন্তেন্ত ক্রিএতরশিংগী তৌবা ঙম্বনা ভারতকী ব্রান্দিং আসি জাতি অমসুং মালেমগী থাকশিংদা অনৌবা পনখৈশিং তম্না পুখৎলি। মহাক্না ক্রিএতিবিতীগী শক্তিগী মতাংদা পনখি অমসুং এক্সকাবেৎ তৌবা আর্তিফেক্তশিং বিজু্‌এলাইজ তৌবা ঙম্বা অদু খুদম ওইনা পীখি। ৱারোল পীবা লোইশিনবদা প্রধান মন্ত্রীনা চাউখৎ-থৌরাংগীদমক ভারতকী ক্রিএতিবিতীনা কেতলাইতিক এজেন্ত ওইবা ঙম্বগী শক্তি অদু ফোঙদোকখি। মহাক্না থৌরম অসিগীদমক মীয়ামদা নুংঙাইবা ফোঙদোকখি অমসুং অতেনবা মতমগী মনুংদা এপ্লিকেন্ত লাখ অনি হেন্না য়েংখিবা জরীবুসু থাগৎখি।

থৌরম অসিদা ইলেক্ত্রোনিক্স অমসুং ইনফোর্মেসন তেক্নোলোজীগী কেন্দ্র মন্ত্রী, শ্রী অস্বিনি বৈশ্নোসু শরুক য়াখি।

বেকগ্রাউন্দ

নেস্নেল ক্রএতর এৱার্দ অসিদা অচৌবা পব্লিক এঙ্গেজমেন্ত উবা ফংখি। অহানবা রাউন্দদা কেতগোরী 20দগী নোমিনেসন লাখ 1.5 লাকখি। মতুংদা ভোতিং রাউন্দদা ভোৎ লাখ তরা তোঙান-তোঙানবা এৱার্দ কেতগোরীশিংদা দিজিতেল ক্রিএতরশিংগীদমক থাদরকখি। মসিগী মতুংদা ৱিন্নর 23, ইন্তরনেস্নেল ক্রিএতর অহুম য়াওনা ৱারেপ লৌখি। মসিগী অচৌবা পব্লিক এঙ্গেজমেন্ত অসিনা এৱার্দ অসিদা তশেংনা মীয়ামগী অপাম্বগী মমি তাই তাক্লি।

এৱার্দ অসি বেস্ত স্তোরীতেল্লর এৱার্দ; দি দিসরপ্তর ওফ দি ইয়র; সেলেব্রেতী ক্রিএতর ওফ দি ইয়র; গ্রীন চেম্পিয়ন এৱার্দ; বেস্ত ক্রিএতর ফোর সোসিএল চেঞ্জ; মোস্ত ইম্পেক্তফুল এগ্রি ক্রিএতর; কলচরেল এম্বেসেদর ওফ দি ইয়র; ইন্তরনেস্নেল ক্রিএতর এৱার্দ; বেস্ত ত্রেবেল ক্রিএতর এৱার্দ; স্বচ্ছতা এম্বেসেদর এৱার্দ; দি ন্যু ইন্দিয়া চেম্পিয়ন এৱার্দ; তেক ক্রিএতর এৱার্দ; হেরিতেজ আইকন এৱার্দ; মোস্ত ক্রিএতিব ক্রিএতর (মেল অমসুং ফিমেল); বেস্ত ক্রিএতর ইন ফুদ কেতগোরী; বেস্ত ক্রিএতর ইন এজুকেসন কেতগোরী;বেস্ত ক্রিএতর ইন গেমিং কেতগোরী; বেস্ত মাইক্রো ক্রিএতর; বেস্ত নেনো ক্রিএতর; বেস্ত হেল্থ এন্দ ফিৎনেস ক্রিএতর য়াওনা কেতগোরী  কুনদা পীখি।।

***