ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি উত্তর প্রদেশকী মথুরাদা পাংথোকপা সন্ত মীরাবাইগী 525শুবা মপোক কুমওনগী নুংঙাইবা ফোংদোকপগী থৌরমদা শরুক য়াখ্রে। প্রধান মন্ত্রীনা সন্ত মীরাইবাইবু ইকায় খুম্নবা ওইনা মহাকপু নীংশিংনবা স্তাম্প অমসুং শেনয়েকসু ফোঙখি। মহাক্না একজিবিসন য়েংবগা লোয়ননা কলচরেল প্রোগ্রামসু মিৎয়েং তাখি। থৌরম অসিনা সন্ত মীরাবাইবু নীংশিংবা ওইনা চহি অমা চুপ্না চত্থগদবা প্রোগ্রাম্বুসু হৌদোকখি।

প্রধান মন্ত্রীনা তিনখিবা মীয়ামদা ৱা ঙাঙবদা, ব্রজ ভুমীদা লৈজদুনা ব্রজগী মীয়ামগা পুনবসিদা নুংঙাইবা ফাওই হায়না ফোংদোকখি। মহাক্না লমদম অসিনা লাই তিনগী মরমদা মরু ওইরিবা অসিবুসু ইকায় খুম্নখি। মহাক্না ভগ্বান কৃষ্ণ, রাধা রানী, মীরাবাই অমসুং ব্রজগী সন্ত পুম্নমক্কী মফমদা কোক নোনখি। প্রধান মন্ত্রীনা শ্রীমতি হেমা মালিনিনা মথুরাগী এম.পি. অমা ওইনা হোৎনরিবা কয়াবু ইকায় খুম্নরদুনা মহাক্না ভগ্বন কৃষ্ণবু নীংজবদা মশাবু কত্থোক্লে হায়না ফোংদোকখি।

প্রধান মন্ত্রীনা ভগ্বান কৃশন অমসুং মীরাবাইগা গুজরাতকা লৈনরিবা মরীদা মিৎয়েং চঙলদুনা, মহাক্কী মথুরাগী খোঙচৎ অসিবু মসিনা হেন্না অখন্নবা ওইহল্লে হায়খি। “মথুরাগী কনহৈয়ানা গুজরাত্তা চৎলুরবা মতুংদা দ্বার্কাদিশ ওনখিবনি”, মহাক্না হায়খি, অমসুং রাজস্থান্দগী হৌরকখিবী অমসুং মথুরাগী লৈরক খুল্লক খুদিংবু মীনুংশিনা থলহনখিবী সন্ত মীরাবাইজীনা মহাক্কী অরোইবা মতম্বু গুজরাতকী দ্বার্কাদা লেনখি হায়না মখা তাখি। গুজরাতকী মীয়াম্না উত্তর প্রদেশ অমসুং রাজস্থান শিনবা থুংবদা শন্দোক্লিবা ব্রজদা চৎপগী খুদোংচাবা ফংজবা খুদিংগী মসিবু দ্বার্কাদিশকী থৌজালনি খন্নরি হায়না মহাক্না হায়খি। শ্রী মোদীনা মখা তাখিবদা, মহাক্না ইং 2014দা ভরানসীদগী এম.পি. ওইনা খনখ্রবা মতুংদগীদি মহাক অসি উত্তর প্রদেশকী শরুক অমা ওইরবনি হায়খি।

“সন্ত মীরাবাইগী 525শুবা মপোক অসিদি পোকপগী নুমিৎ খক্তা নত্তনা ভারতপু নুংশিবগী নাৎ অমসুং চৎনবীগী নুংঙাইবা ফোংদোকপনি”, প্রধান মন্ত্রীনা হায়খি। নর অমসুং নরায়ন, জীব অমসুং শিব, ঈশ্বর অমসুং মহাকপু নিংজরিবা খুদিংমক অমত্তনি হায়না খনবা ৱাখল্লোনগী নুংঙাইবা ফোংদোকপনি।

মীরাবাইনা রাজস্থান কৌবা কত্থোকপগী লমদমদগী হৌরকপনি হায়না প্রধান মন্ত্রীনা নৌহৌননা নীংশিংখি। 84 ‘কোস’ ব্রজ মন্দল অসিদি উত্তর প্রদেশ অমসুং রাজস্থান অনিমক্কী শরুক অমনি হায়বসু মহাক্না পনখি। “মীরাবাইনা ভারতকী কনসিয়সনেসপু থৱাই চেৎপা অমসুং স্পিরিচুএলিজমগা লোয়ননা য়োকখৎপীখি। মহাক্কী মসিগুম্বা থৌদোক অসিনা রাজস্থানগী মীয়াম্না ভারতকী নাৎ অমসুং কন্সিয়সনেসপু ঙাকথোক্তুনা ফক্লাংগুম্না লেপ্লিবা অসিগা লোয়ননা ভারতকী ভক্তি চৎনবীগা লোয়ননা ভারতকী মথৌনা অমসুং কত্থোকপশিংবু ঐখোয়দা নীংশিংহল্লি”, মহাক্না মখা তাখি।

“ভারতনা ইওন কয়াদগী নারী শক্তিবু নীংজদুনা লাক্লি”, প্রধান মন্ত্রীনা হায়খি, অমসুং মসিবু অতৈদগী হেন্না নীংথিনা খঙলিবদি ব্রজবাসীশিংনি হায়না মখা তাখি। কনহৈয়াগী লমদম অসিদা, মীওই অমবু ইকায় খুম্নবা, তরাম্না ওকপা অমসুং ৱারি শাবা খুদিংদা “রাধে রাধে” হায়দুনা হৌই হায়না প্রধান মন্ত্রীনা হায়খি। “কৃষ্ণগী মিংলেন অসি মমাংদা রাধা হাপ্লবখক্তদা মপুং ফাই”, শ্রী মোদীনা হায়খি। মসিগুম্বা ৱাখল্লোন অসিদি নুপীশিংনা লৈবাক শেম্বগী থৌওংদা য়াবা থৌদাং অমসুং খুন্নাইনা তুংলমচত্তা চঙশিন্নবা লম্বী য়াৎলিবা অসিনা মরম ওইরগনি হায়না মহাক্না পাউদমখি। মীরাবাইনা মসিগী চুনরবা খুদম অমা ওইরে হায়না মখা তারদুনা, প্রধান মন্ত্রীনা মহাক্না লেংলম্বা শৈরেং মতেক অমা থীখি অমসুং অতিয়া অমসুং মালেম লৈবাক্কী মরক্তা তাবা খুদিংমক মমৈথংদা লিবা নাই হায়বনি হায়না শৈরেং মতেক অদুগী ৱাহন্থোকসু হন্দোকখি।

নুপীগী নুংগী পাঙ্গলনা মালেম পুম্ববু লমজিংবগী মতিক লৈ হায়না মীরাবাইনা মতমদুগী লুরবা মতমশিংদা উৎখি হায়না প্রধান মন্ত্রীনা হায়খি। সন্ত রবিদাস অসিদি মহাক্কী গুরুনি। সন্ত মীরাবাইদি খুন্নাইবু শেমদোকপী অথোইবী মীওই অমসু ওইরম্মি। মহাক্কী ৱারোলশিংনা ঐখোয়দা ঙসিসু লম্বী তাকপীরি হায়না মহাক্না হায়খি। মহাক্না ঐখোয়না ইশাগী ভেল্যুগা মরী তৎনদনা লৈগদবনি, স্তেরিওতাইপ্তা ঐখোয়না পুন্দুনা লৈগদবা নত্তে হায়না মহাক্না ঐখোয়দা তাকপীরম্মি।

প্রধান মন্ত্রীনা ভারতকী শিব নাইদ্রবা ইথিলবু মীয়ামদা পাউদম্বগী খুদোংচাবা লৌরদুনা, ভারতকী কন্সিয়সনেসনা মপাঙ্গল শোন্থরকপা অমসুং মসিদা লান্দারকপা খুদিংদা, লৈবাক্কী শরুক অমদগী শাফোংলকপা ইনর্জী সোর্স অমনা মতম পুম্বদা লমজিংবগী চৎনবী লৈদুনা লাকখি হায়না ফোংদোকখি। মঙাল পীবা মীওই খরনা লান্মী ওইখি অমসুং অতোপ্পা খরনা লাইনীংবা ওইখিবা ঙাক্তনি হায়না মহাক্না হায়খি। খা ভারতকী অলাবর অমসুং নায়নর সন্ত অমসুং অচার্য় রামানুজাচার্য়; অৱাং ভারতকী তুলসিদাস, কবির্দাস, রবিদাস অমসুং সুর্দাস; পঞ্জাবতগী গুরু নানক দেব, নোংপোক মাইকৈদগী বেঙ্গলগী চৈতন্ন্য মহাপ্রভু; নোংচুপ মাইকৈদগী গুজরাতকী নরসিনহ মেহতা অমসুং মহারাস্ত্রগী তুকারাম অমদি নামদেবকুম্বা সন্তশিংগী খুদমসু মহাক্না পীখি। মখোয়না য়ানীংদবা ফোংদোকপগী লম্বী য়াৎলম্বগা লোয়ননা ভারতপুসু নৌনা শেমদোকখি হায়না মহাক্না মখা তাখি। মখোয়গী লোল অমসুং চৎনবীনা অতোপ্পশিংদগী খেন্নজরবসু, মখোয়গী পাউজেলদি অমত্তনি অমসুং মখোয়না লৈবাক পুম্ববু মখোয়গী থাজবা অমসুং লৌশিংনা পুন্সিন্দুনা থমখি হায়না প্রধান মন্ত্রীনা হায়খি।

“মথুরা অসিদি “ভক্তি আন্দোলন”গী মশা কয়াগী পুনফম অমা ওইদুনা লাক্লি”, প্রধান মন্ত্রীনা হায়রদুনা লৈবাক্কী মফমদা অনৌবা কন্সিয়সনেস হাপ্পীরম্বা মালুকদাস, চৈতন্ন্য মহাপ্রভু, মহাপ্রভু বল্লবচার্য়া, স্বামী হরিদাস অমসুং স্বামী হিথ হরিবন্স মহাপ্রভুগী খুদমসু পীখি। “মসিগী ভক্তী জৈগ্য অসিবু ঙসিদি ভগ্বান কৃষ্ণগী থৌজালদগী মকা চত্থদুনা লাক্লি”, মহাক্না মখা তাখি।

ভারতকী অরিবা মতমগী নীংথিরবা চৎনবীগী মতাংদা খঙদ্রবা মীওইশিংনা মীখা পোনবগী ৱাখল্লোন্দগী মপান থোক্লকপা ঙমদবনা মরম ওইদুনা মথুরাদা মিৎয়েং চঙফম থোকপা চঙবা ঙমদবা অমসুং ব্রজবু চাউখৎপগী মঙাল ফংহনবা ঙমদনা লাকখিবা অসিদা প্রধান মন্ত্রীনা নুংঙাইতবা ফোংদোকখি। হৌজিক চৎলিবা অমৃত কালগী মতমসিদা, লৈবাক অসিনা মীখা পোনবগী ৱাখল্লোন্দগী অহানবা ওইনা মপান থোক্লক্লে হায়না প্রধান মন্ত্রীনা হায়খি। লাল কিলাগী ফম্বাক্তগী পাঞ্চ প্রনগী ৱাশক কয়াসু শক্নখ্রে হায়না মহাক্না হায়খি। অনৌবা শক্তম পীরবা কাশী বিশ্বানাথ ধাম, কেদার নাথ ধাম, শ্রী রাম মন্দির অমা শঙ্গারক্কদৌরিবা অসিগী মতাংদা পল্লদুনা, প্রধান মন্ত্রীনা হায়খি, “মথুরা অমসুং ব্রজবু চাউখৎ থৌরাংগী ইচেলদগী কৈদৌনুংদা লাপথোকহল্লোই”। ব্রজগী চাউখৎ থৌরাংগীদমক্তা “উত্তর প্রদেশ ব্রজ তীর্থ বিকাস পরিশদ” শেমখিবা অসিদা মহাক্না নুংঙাইবা ফাওই হায়খ্রে। “কাউন্সিল অসিনা লাইনীংবশিংগী নুংঙাইনবা অমসুং লাইনীংফমশিংগী চাউখৎনবগীদমক্তা থবক কয়া অমসু পাংথোক্লি”, মহাক্না হায়খি।

মসিগী অপুনবা মফম অসি কানহাগী “লীলা”গা মরী লৈনৈ হায়না শ্রী মোদীনা হায়রদুনা তোঙান-তোঙানবা রাজ্যশিংদা তাবা মথুরা, বৃন্দাবন, ভারতপুর, করোলী, আগ্রা, ফিরোজাবাদ, কসগঞ্জ, পলৱাল, বল্লবগরগুম্বা মফমশিংগী খুদম পীখি। ভারত সরকারনা মসিগী অপুনবা মফমশিংবু তোঙান-তোঙানবা রাজ্যশিংগা খুৎশম্নদুনা চাউখৎহন্নবা হোৎনরি হায়না মহাক্না পাউদমখি।

প্রধান মন্ত্রীনা মহাক্কী ৱারোল লোইশিনবা ওইনা, ব্রজগী লমদম অমসুং লৈবাক অসিদা লাক্লিবা চাউখৎ থৌরাংগী অহোংবা অসিদি পথাপ্তা লাকপা অহোংবখক নত্তনা ভারতকী মীকপ থোক্লক্লিবা কন্সিয়সনেসকী অহোংবা নাইবা মতৌগী খুদম অমনি হায়না পাউদমখি। “ভারতনা অনৌবা মপোক অমা পোকপা খুদিংগী, মদুগী মরুমদা ভগ্বান কৃষ্ণগী থৌজাল লৈবা হায়বগী মহাভারতনা খুদম অমা ওইরিবনি”, মহাক্না হায়খি অমসুং লৈবাক অসিনা মশাগী ৱারেপ ফংদুনা চাউখৎপা ভারত অমা শোইদনা ওইহনগনি হায়না পাউদমখি।

উত্তর প্রদেশকী রাজ্যপাল, শ্রীমতি অনন্দিবেন পতেল, মুখ্য মন্ত্রী, শ্রী য়োগী অদিত্যনাথ, দেপ্যুতী মুখ্য মন্ত্রী, শ্রী কেশব প্রসাদ মাউর্য় অমসুং শ্রী ব্রজেশ পাথক অমসুং মথুরাগী এম.পি., শ্রীমতি হেমা মালিনিসু ঙসিগী থৌরমদা শরুক য়াখি।

भगवान श्री कृष्ण की अनन्य भक्त संत मीराबाई का जीवन हम सभी के लिए प्रेरणाशक्ति है। मथुरा की पावन धरा पर संत मीराबाई की 525वीं जन्म-जयंती के उत्सव में शामिल होना मेरे लिए सौभाग्य की बात है! https://t.co/KYhXHoMyoT

— Narendra Modi (@narendramodi) November 23, 2023

भगवान कृष्ण से लेकर मीराबाई तक, ब्रज का गुजरात से एक अलग ही रिश्ता रहा है। pic.twitter.com/rw4cKyZkzY

— PMO India (@PMOIndia) November 23, 2023

मीराबाई का 525वां जन्मोत्सव केवल एक संत का जन्मोत्सव नहीं है।

ये भारत की एक सम्पूर्ण संस्कृति का उत्सव है। pic.twitter.com/19p8FTbSw2

— PMO India (@PMOIndia) November 23, 2023

हमारा भारत हमेशा से नारीशक्ति का पूजन करने वाला देश रहा है। pic.twitter.com/ydd1sXwWzh

— PMO India (@PMOIndia) November 23, 2023

मीराबाई जैसी संत ने दिखाया कि नारी का आत्मबल, पूरे संसार को दिशा देने का सामर्थ्य रखता है। pic.twitter.com/lrtfvviMGn

— PMO India (@PMOIndia) November 23, 2023

आज आज़ादी के अमृतकाल में पहली बार देश गुलामी की मानसिकता से बाहर आया है। pic.twitter.com/5cGpynps65

— PMO India (@PMOIndia) November 23, 2023

***