প্রধান মন্ত্রী, শ্রী নরেন্দ্র মোদীনা ওক্তোবর ১৫, ২০২৬ কী নুংথিল পুং ১২:৩০ রোম তাবদা ভীদিও কনফরেন্সিংগী খুত্থাংদা লাদাখতা চাউরাক্না লুপা করোর ৩,৩৫০গী চাউখৎ-থৌরাংগী প্রোজেক্ত মঙা শঙ্গারগনি অমসুং লৈবাক মীয়ামদা কত্থোক্লগনি। থৌরম অসিদা মহাক্না মীয়ামদসু ৱা ঙাংগনি। প্রোজেক্ত মঙা অসিনা কনেক্তিবিতী মপাঙ্গল কনখৎহনগনি, ইনর্জী ইনফ্রাস্ত্রকচর ফগৎহনগনি, কলচরেল হেরিতেজ ঙাক-শেনগনি অমসুং লমদম অসিগী ৱাতর সেক্যুরিতী ফগৎহনগনি।
প্রধান মন্ত্রীনা লুপা করোর ৬৪০ চংনা শাবা লেহগী কুশোক বকুলা রিম্পোচী এয়রপোর্ততা অনৌবা পেসেঞ্জর তর্মিনেল বিল্দিং শঙ্গারগনি। স্ক্ব্যার মিতর ২৩,৮০০ পাক-চাউবা, অনৌবা মতমগী ওইবা তর্মিনেল অসি চহি খুদিংগী পেসেঞ্জর লাখ ৩৫ পুথোক-পুশিন তৌবা ঙম্নবা শেম-শাবনি। ইনর্জী ইফিসিয়েন্সী হেনগৎহন্নবা অমসুং কার্বোন ফুতপ্রিন্ত হন্থহন্নবা জিওথর্মেল ইনর্জী হাপচিন্দ্রুনা, ফেসিলিতী অসিনা লাদাখকী ইকোলোজিকেলগী ওইনা সেন্সিতিব ওইবা ইনভাইরনমেন্ততা সস্তেনেবল ইনফ্রাস্ত্রকচরগী মরুওইবা অদু মমি তাহল্লি। মতম অসিগী ওইবা পেসেঞ্জরগী খুদোংচাবশিংগা লোয়ননা লাদাখকী ফজরবা কলচরেল হেরিতেজগী মশকশিং য়াওহন্দুনা, তর্মিনেল অসিনা পেসেঞ্জরশিংগী খুদোংচাবা ফগৎহনগনি অমসুং লৈবাক অসিগী অতৈ মফমশিংগা এয়র কনেক্তিবিতী মপাঙ্গল কনখৎহনগনি।
বোর্দর রোদস ওর্গানাইজেসন্না (BRO) শাবা কিলোমিতর ২৯৮ শাংবা নিম্মু-পদুম-দার্চা লম্বী অদু প্রধান মন্ত্রীনা লৈবাক মীয়ামদা কত্থোক্লগনি। লেহগী নিম্মুবু লাপ্না লৈবা জান্সকর ভেল্লীগী খুত্থাংদা হিমাচল প্রদেশকী দার্চাগা শম্নহন্দুনা, লম্বী অসিনা শ্রীনগর-লেহ অমসুং মনালি-লেহ হায়ৱেশিংগী মথক্তা লাদাখতা অনৌবা কনেক্তিবিতী কোরিদোর অমা পীরি। অৱাংবা অল্তিত্যুতকী শিংকুন লা পাস য়াওনা খুদোংচাদবা হিমালয়গী লম ফাওদুনা চৎলিবা লম্বী অসিনা মরুওইবা ইঞ্জিনিয়রিংগী মাইপাকপা অমা মমি তাহল্লি। মসিগী স্ত্রেতেজিক্কী ওইনা য়াম্না মরুওই মরমদি মসিনা ওপরেস্নেল মোবিলিতী হেনগৎহল্লি অমসুং আর্মদ ফোর্সেসকীদমক লোজিস্তিক্সকী শৌগৎপা মপাঙ্গল কনখৎহল্লি। মসিনা হকশেল, এজুকেসন, কৈথেলশিং অমসুং তঙাইফদবা সর্বিসশিং ফংবা ফগৎহন্দুনা জান্সকরগী মীয়ামদসু কান্নবা পীরগনি।
ইনর্জী সেক্যুরিতী মপাঙ্গল কনখৎহন্নবা অমসুং লাদাখকী রিন্যুৱেবল ইনর্জীগী মতিক অদু শিজিন্ননবা হোৎনবগী শরুক অমা ওইনা, প্রধান মন্ত্রীনা ৯ মেগাৱাতকী হনু স্মোল হাইদ্রোইলেক্ত্রিক প্রোজেক্ত অমসুং ৬৬ কে.ভি. দবল-সর্কিৎ দাহ-হনু-খাল্তসি ত্রান্সমিসন লাইন হৌদোক্কনি। প্রোজেক্তশিং অসিনা পাৱর ইভাক্যুৱেসন ইনফ্রাস্ত্রকচর মপাঙ্গল কনখৎহনগনি অমসুং লাদাখকী ইলেক্ত্রিসিতী নেতৱার্ক্কী থাজবা হেনগৎহনগনি। মখোয়না লমদম অসিগী হাইদ্রোপাৱর রিসোর্সশিং শিজিন্নবা অমসুং মসিগী ইনর্জী ইনফ্রাস্ত্রকচর মপাঙ্গল কনখৎহনবগী মাইকৈদা মরুওইবা খোঙথাং অমা লৌখৎলি।
লাদাখকী অরিবা আর্কিওলোজিকেল হেরিতেজ ঙাক-শেনবগী মরুওইবা অদু শকখঙলদুনা, প্রধান মন্ত্রীনা লেহগী সিন্ধু ঘাত্তা ভারতকী অহানবা পেত্রোগ্লিফ কঞ্জরবেসন পার্ক হৌদোক্কনি। লাদাখতা শা-উচেকশিং, মীওইবগী মশকশিং অমসুং খুদম ওইবা মশকশিং হক্তুনা থম্বা প্রীহিসতোরিক রোক আর্ত সাইত চা কয়া অমা লৈ, মদুনা মীওইবগী চহি লিশিং কয়াগী পুৱারীগী মতাংদা মরুওইবা ৱাফমশিং পীরি। পেত্রোগ্লিফশিং অসি লমদম অসিগী কলচরেল অমসুং সিভিলাইজেসনগী পুৱারীগী মহুৎ শিনবা য়াদবা রিকোর্দ অমনি। কঞ্জর্বেসন পার্ক অসিনা ভলনরেবল আর্কিওলোজীগী ওইবা অরেমখাকশিং অসি ঙাক-শেন্নবা, মীয়ামগী ওইবা এৱেয়রনেস হেনগৎহন্নবা অমসুং থৌদাং খঙবা হেরিতেজ ত্যুরিজম শৌগৎনবা অখন্নবা মফম অমা পীরী।
প্রধান মন্ত্রীনা মিসন অমৃত সরোবরগী পান্দমশিংগা চুননা, ৱাতর কঞ্জরবেসনগী খুত্থাংদা লাদাখকী তোপ-তোপ্পা জিওগ্রাফিকেল অমসুং ক্লাইমেতকী ওইবা চেলেঞ্জশিং থেংননবা পান্দম থম্বা খোঙথাং অমা ওইরিবা প্রোজেক্ত হিম সরোবরগী মখাদা খুঙ্গং ৪০দা শেমগৎপা ৱাতর বোদী ৪০সু হৌদোক্কনি। লাদাখতা লৌউ-শিংউবদা ঈশিং ফংবা অমসুং মথৌ তাবা অসিগী মরক্তা পন্থাগী ওইবা খল মান্নদবা অমা মায়োক্নরি। অতৈ মতমশিংদা উন তাবা অমসুং গ্লেসিয়র তারকপনা ঈশিং কয়া ফংহল্লবসু, মরু-মরাং হুনবগী মরুওইবা মতমদা লৌমীশিংনা ঈশিং ৱাৎপগী অৱাবা মায়োক্নৈ। প্রোজেক্ত হিম সরোবরনা ঈশিং ফংবা মতমদা মদু য়োকখত্তুনা অমসুং মথৌ তাবা মতমদা ফংহন্দুনা, শিংনবা অসিবু থেংননবা হোৎনরি, মসিগী খুত্থাংদা ইরিগেসনদা মতেং পাংবা, লৌউ-শিংউবগী খুন্নাই অমসুং শেন্মিৎলোনগী ফিবম ঙাক-শেন্দুনা থম্মি অমসুং লমদম অসিদা মতম শাংনা ৱাতর সেক্যুরিতী লৈহল্লগনি।
***
Tomorrow, 15th October, I will inaugurate and dedicate to the nation development projects worth around ₹3,350 crore in Ladakh via video conferencing. These include: New Passenger Terminal Building at Kushok Bakula Rimpochee Airport, Leh. The Nimmu-Padum-Darcha Road, strengthening connectivity and strategic mobility. 9 MW Hanu Hydroelectric Project and power transmission infrastructure. India's first Petroglyph Conservation Park in Leh. 40 water bodies across 40 villages under Project Amrit Him Sarovar. These projects will strengthen connectivity, boost development, preserve the rich heritage and improve the quality of life of the people. https://t.co/lxu5A83SId
— Narendra Modi (@narendramodi) October 14, 2026
