ভারতকী প্রধানমন্ত্রী

খুরুমজরি!!

মোরিসিয়সকী প্রধান মন্ত্রী শ্রী প্রবিন্দ কুমার জুগনাথজী, ৱর্ল্দ হেল্থ ওর্গনাইজেসনগী দিরেক্তর জেনরেল, দা. দেত্রোস, গুজরাতকী মুখ্য মন্ত্রী শ্রী ভিপেন্দ্র ভাই পতেল, কেন্দ্রগী মন্ত্রী-মন্দলগী ঐহাক্কী মরুপ শ্রী সর্বানন্দ সোনোৱালজী, দা. মনসুখ মন্দাবিয়া, শ্রী মুজপারা মহেন্দ্রভাই, মফম অসিদা তিনবীরিবা মশক নাইবা মীওইশিং, ইচিল-ইনাওশিং!

ঙসি ঐখোয় পুম্নমক্না মালেম পুম্বগী ওইবা হেল্থ অমসুং ৱেলনেসকী অচৌবা থৌরম অমা উবা ফংলি। ঐহাক্না দবল্যু,ঐচ.ও.গী দিরেক্তর জেনরেল দা. তেদ্রোসপু অখন্ননা থাগৎপা ফোঙদোকচরি। হৌজিক্তা দা. তেদ্রোসনা হায়খিবা ভারতকী থাগৎ ৱাহৈশিং অদুগীদমক ঐহাক্না ভারতমচা খুদিংমক্কী মহুৎ শিন্দুনা মহাকপু থাগৎচরি। অমসুং মহাক্না গুজরাতি, হিন্দী অমসুং ইংলিশ অসিবু ত্রিবেনি অমা ওইহন্দুনা ভারতমচা খুদিংমক্কী থমোয় পেলহনবগী মওং অসিগীদমক নুংঙাইবা ফোঙদোকচরি। ঐহাক্না দা. তেদ্রোসপু খঙবা কুইরে অমসুং ঐখোয়না থেংনবা খুদিংদা মহাক্না ভারতকী গুরুশিংনা মঙোন্দা করম্না তাকপীখিবা হায়বা অসিগী মতাংদা য়াম্না চাউথোকচনা অমসুং নুংঙাইবগা লোয়ননা ফোঙদোকপী অমসুং মখোয়না ভারতপু নুংশিজবা অদু ঙসি মফম অসিদা ইন্সতিত্যুসন অসিগী শক্লোন্দা উৎলরে অমসুং ঐহাক্না নখোয়দা শীন্নরি মসিবু য়েংশিনবগী থৌদাং নখোয়না লৌগদবনি। দা. তেদ্রোস অদোম্না ভারত্তা থাজবগা লোয়ননা শীন্নরিবা থৌদাং অসি ঐখোয়গী মুখ্য মন্ত্রী ভুপেন্দ্র ভাই পতেলনা মহাক্না পুম্নমক পুরগনি হায়না থাজবা পীজরি। অদোমগী অনীংবা অপাম্বগী মতুং ইন্না মসি ঐখোয়না শোইদনা থুংহনগনি।

ঐহাক্কী মরুপ অমসুং মোরিসিয়সকী প্রধান মন্ত্রী জুগনোথজীবু তৌবীমল খঙবা উৎচরি। দিকেদ অহুম হেন্না মহাক্কী ইমুং-মনুংগী ঐহাক্কা লোয়নদুনা লাকখি। ঐহাক্না মোরিসিয়সতা চৎপা খুদিং, মহাক্কী ময়ুমদা চৎলি অমসুং মহাক্কী মপাবুংগা উনৈ, চহি ৩০ হেল্লবা মরী লৈনবা অমসুং ঐহাক্না হায়জরুবদা ঐহাক্কী পোক্নফম রাজ্য গুজরাত্তা মহাক্না ঙসি লাকপীবা অসিগীদমক ঐহাক্না নুংঙাইবা পোকই। অমসুং মহাক্না গুজরাতি লোলগা লোয়ননা গুজরাতকা মরী থম্লিবা অসিনা মীপুম খুদিংগী থমোয় জয় তৌখি। ঐখোয়না বাংলাদেশকী প্রধান মন্ত্রী, ভুতানগী প্রধান মন্ত্রী অমসুং নেপালগী প্রধান মন্ত্রীগী ৱাখল্লোনসু তাবা ফংখ্রে। ময়াম্না দবল্যু.ঐচ.ও. – গ্লোবেল সেন্তর ফোর ত্রেদিস্নেল মেদিসিনগীদমক য়াইফ-মঙ্গোল পীনবীরকই। মসিগীদমক ঐহাক্না পুম্নমকপু তৌবীমল খঙবা উৎচরি।

মরুপশিং,

মসিগী দবল্যু.ঐচ.ও.না সেন্তর ফোর ত্রেদিস্নেল মেদিসিনগী শক্লোন্দা ভারতনা অনৌবা পার্তনরশিপ অমা চংশিল্লি। মসি ভারতনা ত্রেদিস্নেল মেদিসিনগী লমদা শরুক তমখিবা অমসুং ভারতকী তৌবা ঙম্বশিং অদুবু শকখঙবীবনি। ভারতনা পার্তনরশিপ অসি অপুনবা মীওইবা খুন্নাইগী শেবা তৌনবা অচৌবা থৌদাং অমা ওইনা লৌরি। সেন্তর অসিনা লৈবাক শিনবা থুংবগী ত্রেদিস্নেল মেদিসিনগা চুংশিন্নদুনা মালেমগী মীয়ামদা হেন্না ফবা মেদিকেল সোল্যুসনশিং পীবদা মতেং পাংলগনি। অমসুং জামনগরগী লমদম অসিদা দা. তেদ্রোস অমসুং প্রবিন্দজীগৌ মমাংদা ঐহাক্না হায়জনীংবদি মসি শুপ্নগী বিল্দিং অমগী উরেপ-উয়ুং তম্বা নত্তে, মসি ইন্সতিত্যুত অমগী উরেপ-উয়ুং তম্বা খক্তা নত্তে অদুবু মসি মালেম পুম্বগী নেচরোপেথীদা ঐহাক্না থাজবা থম্মি। ত্রেদিস্নেল মেদিসিন্দা থাজবা থম্বা মীওইশিংদা ঐহাক্না হায়জনীংবদি ঙসি ভারতনা আজাদী কা অমৃত মহোৎসব পালন তৌরিবা মতম অসিদা মসিগী উরেপ-উয়ুং তম্লি, মালেম শিনবা থুংবগী ত্রেদিস্নেল মেদিসিনগী চহিচা অমগীদমক মথংগী চহি ২৫ অসিগীদমক উরেপ-উয়ুং তম্লি।

হেনগৎলক্লিবা হোলিস্তিক হেল্থকিয়র অসিনা মরম ওইরগা মথংগী চহি ২৫ অসিদা লৈবাক অসিনা নীংতম্বগী পালন তৌবা মতমদা ত্রেদিস্নেল মেদিসিন অসিনা মালেমগী ইমুং খুদিংমক্কী খ্বাইদগী মরু ওইবা সেন্তর অমা ওইরগনি। অমসুং আয়ুর্বেদতা অমৃত কলশকী য়াম্না মরু ওইবা য়াওই অমসুং প্রোগ্রাম অসি অমৃত কালগী মতমদা হৌরি, ঐহাক্না অনৌবা থাজবা অমগা লোয়ননা কান্নগদবা শাফু অমা উবা ফংলি অমসুং ঐখোয়গী জামনগরদা গ্লোবেল সেন্তর অসি লিংখৎকদৌরিবা অসিদা ঐহাক্না তশেংনা নুংঙাইবা পোকচৈ। জামনগরগা আয়ুর্বেদকী মরক্তা অখন্নবা মরী অমা লৈনৈ। চহি ৫০গী মমাংদা মালেমগী অহানবা আয়ুর্বেদ য়ুনিভর্সিতী জামনগরদা লিংখৎখি। মফম অসিদা খ্বাইদগী ফবা আয়ুর্বেদ ইন্সতিত্যুত – ইন্সতিত্যুত ওফ তীচিং এন্দ রিসর্চ ইন আয়ুর্বেদ লৈ। হৌজিক ৱর্ল্দ হেল্থ ওর্গনাইজেসনগী গ্লোবেল সেন্তর অসিনা জামনগরবু মালেমগী থাক্তা ৱেলনেসকী লমদা মশক তাক্নবা অনৌবা পনখৈ তম্না পুখৎলগনি। লাইনা-তিন্না চেনদবা হায়বা অসি পুন্সি খোঙচৎকী মরু ওইবা শরুক অমনি, অদুবু ৱেলনেস হায়বা অসি খ্বাইদগী মরু ওইনা লৌগদবনি।

মরুপশিং,

ঐখোয়গী পুন্সিদা ৱেলনেস হায়বা অসি করিগী মরু ওইরিবনো হায়বা ঐখোয়না কোবিদ লাইচৎকী মতমদা খঙবা ঙমখ্রে। মরম অসিনা মালেম্না ঙসি হেল্থকিয়রগী অনৌবা দাইমেন্সন অমদা মীৎয়েং থম্লি। ভারতকী “ৱান আর্থ, ৱান হেল্থ” হায়বা বিজন অসি মাংদা পুখৎলদুনা দবল্যু.ঐচ.ও.না চহি অসিগী স্লোগান “অৱর প্লানেৎ অৱর হেল্থ” ওইহল্লিবা অসিদা ঐহাক্না নুংঙাইবা পোকই।

মরুপশিং,

চহি লিশিং কয়াগী মমাংদা শেমখিবা অথর্ববেদদা অসুম্না হায়রমখি – জীবেম শরদা শতম। হায়বদি চহি ১০০ শুনবা হিংঙু! ঐখোয়গী চৎনবীদা চহি ১০০গী মপোক কুমওন্দা য়াইফ-পাউজেল পীবা অসি য়াম্না অরাইবা ওই মরমদি চহি ১০০ য়ৌবা হায়বা অসি ঙকনীংঙাই ইদে। অমসুং মসিদা ঐখোয়গী ত্রেদিস্নেল মেদিসিন্না অচৌবা থৌদাং অমা লৌখি। ভারতকী ত্রেদিস্নেল মেদিসিন অসি শুপ্নগী লায়েংবা খক্তা ওইদে, অদুবু মসি পুন্সিগী হোলিস্তিক সাইন্স অমনি। আয়ুর্বেদনা অনবা ফহনবা অমসুং লায়েংবগী মথক্তা অমৃত কলশ অসিদা সোসিএল হেল্থ, মেন্তেল হেল্থ, হরাও-নুংঙাইবা, এনভাইরনমেন্তেল হেল্থ, কমপেসন, এম্পেথীম সেন্সিতিবিতী অমসুং প্রদক্তিবিতী অসি য়াওই। মরম অসিনা ঐখোয়গী আয়ুর্বেদ অসি পুন্সিগী ওইবা লৌশিং ওইনা লৌনৈ অমসুং আয়ুর্বেদ অসি ঐখোয়গী বেদ মরিগুম্না ইকাই খুম্নবগা লোয়ননা মঙা শুবা বেদ ওইনা লৌই।

মরুপশিং,

ঙসি ঐখোয়গী ত্রেদিস্নেলগী ওইবা লৌশিং অসি অনৌবা মালেমগী পুন্সিমহিং অসিদগী, অনৌবা লাইনাশিংদগী ঙাকথোক্নবা য়াম্না মরু ওইরি। খুদম ওইনা, হকচাং ফবা হায়বা অসি বেলেন্দ দাইৎকা হকথেংননা মরী লৈনৈ। ঐখোয়গী ইপা-ইপুশিংনা লাইনা অমা হেক্তা লায়েংবদা শরুক তঙ্খাই অমদি বেলেন্দ দাইৎনা ওই হায়না থাজনরম্মি। ঐখোয়গী ত্রেদিস্নেল মেদিসিনগী থৌওং অসিদা ঐখোয়না করি চাগনি অমসুং করম্বা পন্থাদা করি চারোই হায়বগী মপুং ফাবা ৱারোল য়াওরি। অমসুং ৱারোল অসি চহি কয়াগী এক্সপরিয়েন্সতা য়ুম্ফম ওই অমসুং মসি চহি কয়াগী অপুনবা অমনি। মতম অমদা ঐখোয়গী অহল-লমনশিংনা মিল্লেৎশিং অসি য়াম্না মরু ওইনা লৌনরমখি। মতমগা ইরোইননা মসি হন্থরকখি অমসুং হৌজিক অমুক হন্না মিল্লেৎকী মতমদা খন্নবা হেনগৎলক্লি। ভারতনা মিল্লেৎ শীজিন্নবা হেনগৎহন্নবা য়ুনাইতেদ নেসন্সতা থাংগৎখিবা অদুবু তরাম্না ওকখিববু ঐহাক্না অপেনবা পোকই। ২০২৩ অসিবু ইন্তর্নেস্নেল মিল্লেৎ ইয়র হায়না লাউথোকখিবা অসি মীওইবা খুন্নাইগী য়াম্না অফবা খোঙথাং অমনি।

এক্সিলেন্সীশিং, চহি খরগী মমাংদা হৌদোকখিবা ‘নেস্নেল ন্যুত্রিসন মিসন’ অসিদা ঐখোয়গী অরিবা অমসুং ত্রেদিস্নেলগী ওইবা মহৈ অসি য়াওহল্লি। ঐখোয়না কোবিদ ১৯ লাইচৎ মনুংদা আয়ুশ সিস্তেম পাকশন্না শীজিন্নখি। “আয়ুশ কারা” হায়না আয়ুর্বেদকী ওইবা মহি অসি মমিং চৎখি। আয়ুর্বেদ, সিদ্ধা, য়ুনানী ফোর্ম্যুলেসনশিং অসি মালেমগী ওইনা দিমান্দ হেগৎলক্লি। ঙসি লৈবাক কয়ানা লাইচৎশিং ঙাকথোক্নবা ত্রেদিস্নেল হরবেল সিস্তেমশিং শীজিন্নবদা মীৎয়েং চংনরক্লি।

মরুপশিং,

আয়ুর্বেদ অমসুং ইন্তিগ্রেতিব মেদিসিনগী লমদা ভারত্তা লৈরিবা লৌশিং অসি মালেমদা শিয়র তৌবা হায়বা অসি ভারতকী থৌদাংনি হায়না লৌজৈ। ভারতকী য়োগগী চৎনবী অসিনা মালেমদা দাইবেতিস, ওবেসিতী, দিপ্রেসন অসিগুম্বা লাইনা কয়া মায়োক্নবদা চাউনা মতেং পাংলি। য়োগ অসি ইন্তর্নেস্নেল য়োগগী নুমিৎকী খুত্থাংদা য়োগনা মালেমদা লৈরিবা মীওই কয়াগী স্ত্রেস, বেলেন্স মাইন-বোদী-কন্সিয়নেস হন্থহনবদা মতেং পাংলি। অনৌবা ইন্সতিত্যুসন অসিনা য়োগবু হেন্না চাউখৎহনবদা মরু ওইবা থৌদাং লৌরগনি, মসি য়াম্না তঙাই ফদবনি।

এক্সিলেন্সীশিং, ঙসিগী থৌরম অসিদা ঐহাক্না গ্লোবেল সেন্তর অসিগী পান্দম মঙা থমজনীংই। অহানবা পান্দম অসিনা তেক্নোলোজী শীজিন্নদুনা চৎনবীগী ওইবা লৌশিং খোমজিন্দুনা মখোয়গী ওইবা দেতাবেজ অমা শেম্বা। তোঙান-তোঙানবা লৈবাকশিংদা ত্রেদিস্নেল মেদিসিনগী তোঙান-তোঙানবা চৎনবীশিং লৈ। চৎনবীশিং অসি পুনশিন্নবা সেন্তর অসিদা গ্লোবেল রিপোজিতরী অমা শেমগদবনি। সেন্তর অসিনা চৎনবীশিং অসিগী হৌরকফমশিং, হৌরকফমশিং অসিগী তশেংবা থৌওংশিং নৈনরবা মতুংদা পুনশিনবসু য়াগনি। মসি পাঙথোকপা য়াম্না তঙাই ফদে মরমদি তোঙান-তোঙানবা লৈবাকশিংদা লৈরিবা ত্রেদিস্নেল মেদিসিনগী লৌশিং অসিনা তুংগী মীরোলশিংদা মখা তানা কান্নবা পীখিগনি।

মরুপশিং,

জি,সি.তি.এম.না ত্রেদিস্নেল মেদিসিনশিং তেস্ত তৌনবা অমসুং সর্তিফিকেসন তৌনবা মালেমগী থাক্কী স্তেন্দর্দশিং থমগদবনি। মসি নখোয়গী ওর্গনাইজেসনগী অতোপ্পা পান্দম অমা ওইবা য়াই। হীদাকশিং অসিগী মতাংদা লৈবাক খুদিংদা মীয়াম্না থাজবা হেনগৎলক্লগনি। ঐখোয়না ভারতকী ত্রেদিস্নেল মেদিসিন কয়া অসি ফোরেনর ফাওবদা য়াম্না কান্নবা উবা ফংখি। অদুবু মসিদা গ্লোবেল স্তেন্দর্দকী অৱাৎপা লৈবনা মখোয়গী রিগ্যুলর বিজিনেস অসি কান্নবা ঙমদ্রি। মরম অসিনা মখোয় অসি ফংবা য়াম্না হন্থৈ। ঐহাক্না খনবদা অতোপ্পা লৈবাকশিংদসু মসিগী চপ মান্নবা খুদোংচাদবশিং অসি মায়োক্নরমগনি। গ্লোবেল সেন্তর অসিনা মসিগী সোল্যুসনশিং পুথোক্নবা মাইকৈদা চংশিনগদবনি। দবল্যু,ঐচ.ও.না হন্দক্তা আয়ুর্বেদ, পঞ্চাকর্ম অমসুং য়ুনানীগী বেঞ্চমার্ক দোক্যুমেন্তশিং শেমখি।

মরুপশিং,

জি.সি.তি.এম.না মালেমগী ত্রেদিস্নেল মেদিসিনগ সিস্তেমশিংগী এক্সপর্তশিং পুনশিন্নবা, অমত্তা ওইহন্নবা, মখোয়গী এক্সপরিয়েন্স শিয়র তৌনবা ফম্পাক অমা ওইগদবনি। গ্লোবেল সেন্তর অসিনা মসিবু মখোয়গী অহুমশুবা পান্দম ওইহনগদবনি। ইন্সতিত্যুত অসিনা চহিগী থৌরম পাঙথোকপা য়াগনি, ত্রেদিস্নেল মেদিসিনগী কুহ্মৈ পাঙথোকপা য়াগনি মসিদা মালেমগী লৈবাক কয়ামরুমদগী এক্সপর্তশিংনা য়াওদুনা মখোয়গী এক্সপরিয়েন্স শিয়র তৌবা য়াগনি।

মরুপশিং,

সেন্তর অসগী মরিশুবা পান্দম অসি ঐহাক্না খঞ্জবদা রিসর্চ তৌবা ইনভেস্ত তৌহন্নবা হোৎনবা অসিনা ওইগনি। জি.সি.তি.এম.না ত্রেদিস্নেল মেদিসিনগী লমদা রিসর্চ তৌনবা ফন্দিং মোবিলাইজ তৌগদবনি। ঐখোয়না মোদর্ন ফার্মা কম্পনীশিংগী রিসর্চকী লমদা দোলর বিলিয়ন কয়া লৈবা উবা ফংই। ঐখোয়না ত্রেদিস্নেল মেদিসিন্দা রিসর্চ তৌনবা অসিগুম্বা মান্নবা রিসোর্সশিং লৈহনদগদবনি। মঙাশুবা পান্দম অসিনা লায়েবগা মরী লৈনবা প্রোতোকোল শেম্বনা ওইগদবনি। জি.সি.তি.এম.না অনাবা মীওই অদুদা মোদর্ন অমসুং ত্রেদিস্নেল মেদিসিন অনিক্কী কান্নবা ফংগবা অখন্নবা লাইনা খরগী ওইনা হোলিস্তিক ত্রীৎমেন্তধ প্রোতোকোলশিং দিবেলপ তৌগদবনি। অদোম্না হেক্থকিয়র সিস্তেমশিংদা অরিবা দিসিপ্লিনশিংগী ইফেক্তিব ইন্তিগ্রেসন তৌদুনা লাইনা কয়া মায়োক্নবদা মতেং ওইগনি।

মরুপশিং,

ভারত মচা ঐখোয়না বসুতৈব কুতুম্বকম অমসুং সর্বে সন্তু নিরাময়গী ৱাখল্লোনগা লোয়ননা হিংলিবা মীওইশিংনি। মালেম পুম্বা অসি ইমুং অমত্তনি অমসুং ইমুং অসি মতম চুপ্পদা হকচাং ফনা লৈহনগনি হায়বা অসিনা ঐখোয়গী ফিলোসোফী ওইদুনা লাকখি। ঙসি ভারতকী চৎনবী আসি দবল্যু.ঐচ.ও.-জি.সি.তি.এম. লিংখৎতুনা মগুন হাপ্লরে। মালেম শিনবা থুংবদা লৈরিবা মীওইশিংগী হকশেল অসি দবল্যু.ঐচ.ও.গী সেন্তর অসিনা ফগৎহনবা ওইরসনু হায়না য়াইফ-মঙ্গোল প[ঈজরি। অমসুং ঐহাক্না থৌরম অসিদা মতম কাইথোক্তুনা থৌরম অসিবু মগুন হাপ্পীদুনা শরুক য়াবীখিবা মীথুংলেনশিংবুসু থমোয় শেংনা তৌবীমল খঙবা উৎচির। ঐহাক্না পুম্নমকপু অমুক্কা হন্না থাগৎপা ফোঙদোকচরি, খুরুমজরি!

*****