ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ভারতকী নহারোলশিংগী পুক্নিং চিংশিন্নিংঙাই ওইবা ৱারী ৱাতাই শাবা অমসুং অপুনবা ৱাখল্লোন অসি মীৎয়েং তানবগীদমক ২০২৬গী ফেব্রুৱারী ৬তা পেরিক্ষা পে চর্চাগী অখন্নবা ইপিসোদ য়েংনবা নাগরিকশিংদা হায়খ্রে।

পরিক্ষাগী মতম য়ৌরকপগা লোয়ননা প্রধান মন্ত্রীনা অমুক্কা হন্না পরিক্ষা পে চর্চাগী থোংদা নহা ওইরিবা মহৈরোইশিংগা ৱারী শানখি। চহি অসিদা, একজাম ৱারিয়রশিংগা লোয়ননা ইন্তরেক্তিব সেসনশিং দেবমোগ্রা, কোইম্বতুর, রাইপুর, গুৱাহাতি অমসুং দিল্লীগী ৭, লোক কল্যান মার্গতা পাংথোকখি। প্রধান মন্ত্রীনা মহৈরোইশিংগী থৱায় য়াওবা অমসুং ৱাখল ওপননেসকী মতৌ অদু পল্লদুনা এক্সপরিয়েন্স অসিবু নুংঙাইবা অমসুং ইথিল পীবা অমনি হায়না ফোঙদোকখি। মহাক্না স্ত্রেস য়াওদনা পরিক্ষা থাবগী মরুওইবা অদু পনখি অমসুং শিংনবশিং মায়োক্নবদা, বেলেন্স থম্বা অমসুং থাজবা হেনগৎহন্নবগী মতাংদা প্রেক্তিকেল ওইবা ৱাখল্লোনশিং পনখি।

Xকী পোস্ত অমদা, শ্রী মোদীনা হায়খি:

“পরিক্ষা লাকপগা লোয়ননা #ParikshaPeCharchaসু হল্লক্লে!

মসিগী থৌরম অসি দেভমোগ্রা, কোইম্বতুর, রাইপুর, গুৱাহাতি অমসুং দিল্লীগী ৭ এল.কে.এম.দা পাংথোকখি। মতম পুম্নমক্তা, ঐহাক্কী নহা ওইরিবা মরুপশিংগা ৱারী শাবা অমসুং স্ত্রেস ফ্রী ওইবা একজামিনশিং অমসুং অতোপ্পা হিরম কয়া খন্ন-নৈনবদা নুংঙাইবা ফাওই।

ফেব্রুৱারী ৬তা পি.পি.সি.গী ইপিসোদ য়েংবিয়ু!”

As the Parikshas are approaching, #ParikshaPeCharcha is back too!

This time, the Charcha happened with #ExamWarriors in Devmogra, Coimbatore, Raipur, Guwahati and at 7, LKM in Delhi. As always, it is refreshing to interact with my young friends and discuss stress free exams… pic.twitter.com/HOEmDZIR7B

— Narendra Modi (@narendramodi) February 3, 2026

***