ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি য়সোভুমী দ্বার্কা সেক্তর ২৫দা দ্বার্কা সেক্তর ২১দগী অনৌবা মেত্রো স্তেসন ‘য়সোভুমী দ্বার্কা সেক্তর ২৫’ ফাওবগী দিল্লী এয়রপোর্ত মেত্রো এক্সপ্রেস লাইন এক্সতেন্সন শঙ্গাখ্রে‍। অনৌবা মেত্রো স্তেসন অসিদা সবৱে অহুম লৈগনি – স্তেসন অসিগা একজিবিসন হোল, কনভেন্সন সেন্তর অমদি, সেন্ত্রেল এরেনা শম্নহনবা  মিতর ৭৩৫ শাংবা সবৱে অমা; দ্বার্কা এক্সপ্রেসৱে ৱাংমদা লৈরিবা চঙফম/থোকফমগা শম্নহল্লিবা অতোপ্পা সবৱে অমা; অদুগা অহুমসুবসিনা মেত্রো স্তেসন অসিবু ‘য়সোভুমী’গী তুংদা শেমগৎলক্কদবা একজিবিসসন হোলগী চঙফমগা শম্নহল্লি‍।

দিল্লী মেত্রোনা এয়রপোর্ত এক্সপ্রেল লাইন্দা চেল্লিবা মেত্রো ত্রেনশিংগী মথৌ তৌবগা খোঙজেল পুংদা কিলোমিতর ৯০ দগী ১২০দা হেনগৎহন্দুনা খোঙচৎকী মতম তেনশিনহনগনি‍। ‘নই দিল্লী’দগী ‘য়সোভুমী দ্বার্কা সেক্তর ২৫’ ফাওবগী খোঙচৎ মিনৎ ২১ রোম চঙগনি‍।

প্রধান মন্ত্রী য়সোভুমী দ্বার্কা সেক্তর ২৫ মেত্রো স্তেসন্দা ধৌলা কৌন মেত্রো স্তেসনগী খুত্থাঙদা য়ৌরকখি‍।

প্রধান মন্ত্রীগী ওফিসনা X তা থাগৎলকখিবদা:

“দিল্লী মেত্রোদা পুম্নমক মোমোন মিনোক তম্লে! পি.এম. নরেন্দ্র মোদীনা, য়সোভুমী কন্ভেন্সস সেন্তরগী ফেজ-১ শঙ্গানবগীদমক দ্বার্কাদা লাকপগী খোঙচত্তা তোঙান তোঙানবা শিন্ফমগী মীওইশিংগা ৱারী ৱাতায় শানখি‍।”

All smiles on the Delhi Metro!

PM @narendramodi interacted with people from various walks of life during his journey to Dwarka, to inaugurate Phase-1 of Yashobhoomi convention centre. pic.twitter.com/MuGuBeTqPt

— PMO India (@PMOIndia) September 17, 2023

প্রধান মন্ত্রীনা X তা থাগৎলকখিবদা:

“দ্বার্কাগী হঙ্গৎ হন্দাগী নীংশিংনিংঙাই ওইরবা খোঙচৎ অমা, পুন্সিগী তোঙান তোঙানবা শিন্ফমদগী মীওইশিংনা খোঙচৎ অসিবু হেন্না মশক থোকহনখি‍।”

A memorable Metro journey to Dwarka and back, made even more special by the amazing co-passengers from different walks of life. pic.twitter.com/Q86f4YPNVL

— Narendra Modi (@narendramodi) September 17, 2023

***