জোহার!
লৈবাক অসিগী মফম খুদিংদগী শরুক য়ারিবা ময়াম পুম্নমকপু জনজাতিয়া গৌরব দিবস অসিদা থম্মোয় শেংনা য়াইফ-পাউজেল পীজরি। ঐহাক্না ধরতী আবা ভগবান বিরসা মুন্দাগী মপোক কুমওন্দা মহাক্কী মফমদা ইকায় খুম্নবা উৎচরি। জনজাতিয়া গৌরব দিবস অসি ত্রাইবেল কম্ম্যুনিতীগী চাউথোকচবা অমসুং ভগবান বিরসা মুন্দাগী ইথিল উৎলিবা থৌরম অমনি। অসিগুম্বা ৱাখল্লোন অসিগা লোয়ননা জনজাতিয়া গৌরব দিবসকী থৌরমশিং ঙসি লৈবাক শিনবা থুংনা পাংথোক্লি। লৈবাক অসিনা ত্রাইবেল অথৌবা অমসুং অথৌবীশিংবু চাউথোকচবা পোকপগা লোয়ননা নীংশিংলি। মরু ওইনা, মহারাস্ত্রগী গরচিরোলীদা অচৌবা থৌরম অমা পাংথোক্লি। ঐহাক্না মফম খুদিংমক্তা য়েংবদা য়াম্লবা মীয়াম অমা ঐহাক্না উরি। গরচিরোলী অসি মতম কয়াগী মমাংদগী ফজরবা ত্রাইবেল কলচরগী লমফমনি। রাঘোজী ভাঙ্গরে, ভাগোজী নায়ক, অমসুং বীর বাবুরাও শেদমাকেগুম্বা মীওইশিংগী অথৌবশিংগী ৱারীশিং অসি লমদম অসিদা মরা চেৎনা লৈরি। মসিগী থৌরম অসিদা, ঐহাক্না ত্রাইবেল হেরো পুম্নমক্তা ইকায় খুম্নবা উৎচরি। থৌরম অসিদা শরুক য়ারিবা রাজ্যপালশিং, ইকাই খুম্নরবা মুখ্য মন্ত্রীশিং, উপ মুখ্য মন্ত্রীশিং অমসুং লৈবাক শিনবা থুংনা লৈরিবা মীয়ামগী মীহুৎ খুদিংমকপু ঐহাক্না য়াইফ-পাউজেল পীজরি।
মরুপশিং,
নবেম্বর ১৫, ২০২১দা হৌখিবা জনজাতিয়া গৌরব দিবস অসি হৌজিক্তি লৈবাক শিনবা থুংনা পাংথোকপা থৌরম অমা ওইরে। হৌখিবা চহিদা ভগবান বিরসা মুন্দাগী ১৫০শুবা মপোক কুমওন্দা লৈবাক শিনবা থুংনা মীওই মিলিয়ন কয়া শরুক য়াদুনা থৌরম ২০০,০০০ হেন্না পাংথোকখি। ঐখোয়গী লৈবাক অসিদা পাংথোকপা নুমিৎ অমসুং কুহ্মৈ কয়া অমা মপানগী মীৎয়েংগী খুত্থাংদা মশক তাকপা মতম অমা লৈরম্মি। অদুম ওইনমক ঙসিদি, ভারতনা মাগী হেরিতেজ, মাগী পুৱারৌ, অমসুং মাগী অথৌবশিং অসি মশাগী ইকায় খুম্নবা অমসুং চাউথোকচবগী ইথিলগা লোয়ননা নীংশিংলি। মসিনা ঐখোয়গী নেস্নেল কন্সয়স্নেসতা অচৌবা অহোংবা অমা পুরকখি।
মরুপশিং,
তিরোত সিংহনা খাসি হিল্সতা লান্থেংনখিবা, চোতা নাগপুরদা কোল অপরাইজিং, নৎত্রগা সিধু অমসুং কানহূগী লুচিংবা সান্থল রিভোলুসন ওইরবসু নীংতম লান্থেং অসিদা ত্রাইবেল কম্ম্যুনিতীশিংনা মতম পুম্নমক্তা অরানবগী মায়োক্তা ৱা ঙাংখি। মানগরগী লৈমাইদা গোবিন্দ গুরুগী তুং ইনবশিংনা চাউনা থৱায় থাখি। রানি গাইদিনলিয়ু অমসুং তান্তিয়া ভিলগুম্বা অথৌবশিং অমসুং অথৌবীশিংনা মখোয়গী অচৌবা থৌনাগী খুত্থাংদা লৈবাক অসিবু ইথিল পীখি। অল্লুরী সিতারাম রাজু অমসুং রানি দুর্গাৱতীগুম্বা অথোইবা মীওইশিংনসু ত্রাইবেল মুভমেন্তশিংদা ইনর্জী পীখি। অমসুং হায়রিবা ৱারীশিং অসিগী মথক্তা, ভগবান বিরসা মুন্দাগী “উলগুলান” অমসুং মহাক্কী নহা ওইরিঙৈ মতমগী লান্থেং অসি ঙসি ঐখোয়গী ইরৈবাকচা লাখ কয়াগী পুক্নিং থৌগৎপগী অচৌবা ইথিলগী হৌরকফম অমা ওইরি।
মরুপশিং,
ঙসি ‘জনজাতিয়া গৌরব দিবস’গী থৌরমদা ত্রাইবেল দিবেলপমেন্তকা মরী লৈনবা প্রোজেক্ত ১৭০ হেন্না শঙ্গাখ্রে অমসুং লৈবাক অসিগী তোঙান তোঙানবা রাজ্যশিংদা অতোপ্পা ৭০ হেন্না উরেপ-উয়ুং তমখ্রে। মিজোরামদা নীংতম লান্মী রোপুইলিয়ানিগী মফমদা কত্থোকপা ম্যুজিয়ম অমা শঙ্গাখ্রে। অরুনাচল প্রদেশতা ত্রাইবেল রিসর্চ ইন্সতিত্যুৎকী অনৌবা বিল্দিং অমসু শঙ্গাখ্রে। মসিগী মথক্তা, শঙ্গাখিবা অমসুং নৌনা হৌদোকখিবা প্রোজেক্তশিং অসিদা এজুকেস্নেল ইন্সতিত্যুসনশিং, হেল্থকেয়র সর্ভিসশিং, ত্রাইবেল প্রদক্তশিংগী মার্কেতিং সেন্তরশিং, অমসুং খুঙ্গংশিংদা বেসিক ইনফ্রাস্ত্রকচর পাকথোক চাউথোকহন্নবা পান্দম থম্লিবা তোঙান তোঙানবা ইনিসিয়েতিবশিং য়াওরি। লৈবাক অসিগী তোঙান তোঙানবা রাজ্যশিংদা চাউরাক্না লুপা করোর ৩০,০০০গী প্রোজেক্তশিং শঙ্গাখ্রে নৎত্রগা হৌদোকখ্রে। প্রোজেক্তশিং অসি হৌদোকপদা ঐহাক্না ময়াম পুম্নমকপু অমসুং ঐহাক্কী ইরৈবাকচা পুম্নমকপু থম্মোয় শেংনা নুংঙাইবা ফোংদোকচরি।
মরুপশিং,
ঙসিগী থৌরম অসি মফম পুম্নমক্তা মরুওইবা নেস্নেল এচিবমেন্ত অনিগী মতাংদা খন্ন-নৈনরিবা মতম অসিদা পাংথোক্লি। অহানবদা, মীওই মিলিয়ন ৫০০ (করোর ৫০) রোমনা কা হেন্না লায়রবা মায়থিবা পীবা ঙমখ্রে – মসিদগী মখোয় মশাবু থোরকপা ঙমনখ্রে। অনিশুবদা, নক্সলিজম অমসুং মাওইস্ত তেরোরিজম মুত্থৎপা, খুদোংথীবা অসিদগী লৈবাক অসিবু নীংতম্বা ফংহনবা। মসিগী মায়পাকপা অনিমক অসি ঐখোয়গী ত্রাইবেলগী ইচিল-ইনাওশিংগী পুন্সিগা য়াম্না মরী লৈনৈ। চয়োল খরগী মমাংদা ফোংখিবা ৱার্ল্দ বেঙ্ককী রিপোর্ত অমনা তাক্লি মদুদি হৌখিবা চহি ১২-১৩ অসিদা চাউরাক্না মীওই মিলিয়ন ৫০০ – তশেংনা য়াম্না য়াম্বা মশিং অমা ওইরিবা – কা হেন্না লায়রবা ফিবমদগী থোরকপা ঙমখ্রে। ঐহাক্না মসি নীংতম্লবা মতুংদগী লৈবাক অসিনা ফংখিবা খ্বাইদগী চাউবা মায় পাকপা অমনি হায়না লৌই। মসি লৈবাক পুম্বগী মায় পাকপা অমনি। মসি সরকার অমা খক্তনা মায় পাকপা ঙম্লোই। মসিদা খুন্নাইগী অপুনবা মপাঙ্গল, লোয়ননা নাগরিক খুদিংমক্কী হোৎনবা অমসুং কন্না হোৎনবগী থৌদাং য়াওরি। হৌখিবা চহি খরা অসিদা ত্রাইবেল কম্ম্যুনিতীশিংগী য়াইফনবা কেন্দ্র সরকারনা লৌখিবা ৱারেপশিং অমসুং শেমখিবা স্কিমশিং অসিনা মসিগী মায়পাকপদা অচৌবা থৌদাং অমা লৌখি। ঐহাক্না ঐহাক্কী লৈবাক মীয়াম পুম্নমকপু, অমসুং মরুওইনা ঐখোয়গী ত্রাইবেলগী ইচিল-ইনাওশিংবু, অখন্নবা মাইলস্তোন অসিগীদমক্তা থম্মোয় শেংনা নুংঙাইবা ফোংদোকচরি।
মরুপশিং,
অসিগুম্বা মীওই মশিং য়াম্লবা মীওই কয়া অমা লায়রবদগী থোরকপা ঙমহনবসিমক অসি য়াম্না চাউবা অহোংবা অমনি। অহোংবা অসি অচৌবা ৱারেপ অমা ফংবা ঙম্নবগীদমক চত্থখিবা অশাংবা খোঙচৎ অমগী মপুং ওইবা তাঙ্কক্নি। ভারতনা – অমসুং ভারত মচা খুদিংমক্না – অসিগুম্বা ৱারেপ অসি তশেংনা ফংবা ঙম্মি হায়বা উৎনবগীদমক হৌজিক্তি মশাদা থাজবা লৈরে। ঐখোয়না চাউখৎ-থৌরাংগী কান্নবশিংদগী চহি তরাগী খুজিং কয়াগী মমাংদা খুদোংচাবা ফংখিদ্রবশিংবু মরুওইনা লৌনবা অচেৎপা ফিরেপ লৌখি। ঐখোয়গী ৱারেপ অদু তশেংনা ওইরকপা হৌরকপগা লোয়ননা, অফবা অহোংবা কয়া অমা লাকখি। ঐখোয়গী সরকারনা লৈবাক অসিগী ত্রাইবেল রিজনশিং, খ্বাইদগী শোত্থরবা অমসুং পুন্সিগী খ্বাইদগী মরুওইবা খুদোংচাবশিং ফংলমদ্রবা মফমশিংদা মপুং ফানা মতেং পাংলি। ঐখোয়না ‘পি.এম.-জনমান’ স্কিম অমসুং ‘ধরতী আবা জনজাতিয়া গ্রাম উতকার্শ অভিয়ান’গীদমক লুপা করোর লাখ অমা হেনবা বজেৎ এলোকেৎ তৌখি। নীংতম্বা ফংখ্রবা মতুংদগী চাউখৎপগী কান্নবা খ্বাইদগী অরোইবদা ফংলম্বা ইমুংশিং অদু হৌজিক অসিগুম্বা খুদোংচাবশিং অসি ফংহনবদা অহানবা ওইহন্নবা ঐখোয়না হোৎনরি।
মরুপশিং,
শোত্থরবশিংবু মরুওইনা লৌবা – মসি ঐখোয়গী খ্বাইদগী মরুওইবা থৌদাংনি। ঐখোয়না লৈবাক শিনবা থুংনা লায়রবা ইমুংশিংগীদমক য়ুম মিলিয়ন ৪০ (করোর মরি) হেন্না শাখ্রে। ঐখোয়না নীংতম্বা ফংলবা মতুংদগী দিকেদ কয়াদগী মৈ ফংদ্রিবা খুঙ্গং ১৮,০০০দা মৈ ফংহনখি। আয়ুশ্মান ভারত স্কিমগী খুত্থাংদা ঐখোয়না লুপা ৫০০০০০ ফাওবগী ওইবা মেদিকেল ত্রিৎমেন্ত ফংহনখি। লৈবাক শিনবা থুংনা ‘আয়ুশ্মান আরোগ্য মন্দির’ (হেল্থ অমসুং ৱেলনেস সেন্তর) ১৭৫,০০০ হেন্না লিংখৎখ্রে। মসিনা মনুং হঞ্জিনবা ত্রাইবেল লমদমশিংদা হকশেলগী কান্নবা ফংহল্লে। মসিগী মথক্তা, লায়রবা ইমুংশিংনা তোইলেৎশিং অমসুং হেন্না ফবা সেনিতেসন ফেসিলিতীশিং ফংলকপগা লোয়ননা, তোঙান তোঙানবা লায়না কয়াগী রিস্কসু হন্থরক্লি।
মরুপশিং,
লায়রবা কোকহন্নবা লায়রবা ইমুংসিংগীদমক শেন্থোক লৈবা খুদোংচাবশিং হেন্না পাকথোক চাউথোকহনবা হায়বা অসি চপ মান্ননা মরু ওই। মুদ্রা য়োজনাগী খুত্থাংদা ঐখোয়না কোল্লাতরেল য়াওদবা লোন ফংহনখি। লুপা ত্রিলিয়ন কয়াগী শেলগী তেংবাং ফংহনখি। অসিগুম্বা স্কিমশিংগী কান্নবা অসি লায়রবশিং, দলিতশিং, শোত্থরবা কাংলুপশিং অমসুং ঐখোয়গী ত্রাইবেলগী ইচিল-ইনাওশিংদা ফংহনখি। মসিনা মখোয়দা মাংলোমদা চংশিনবা ঙম্নবগী অনৌবা থাজবা অমা পোকহল্লি।
মরুপশিং,
ঐখোয়না চাউখৎ-থৌরাংগী লমদা মতম শাংনা শোত্থনা লৈরুরবা মফমশিংদা অখন্নবা মীৎয়েং থম্লি। ঐখোয়না চাউখৎ-থৌরাং, খুদোংচাবশিং ফংহনবা অমসুং নাগরিকশিংগী হকশিং ঙাক-শেনবদা মীৎয়েং থম্লিবা অখন্নবা ইনিসিয়েতিবশিং লৈবাক শিনবা থুংনা ‘এস্পিরেস্নেল দিস্ত্রিক্ত’ ১০০ হেনবদা অমসুং ‘এস্পিরেস্নেল ব্লোক’ ৫০০দা হৌদোক্লে। মসিগী মনুংদা মশিং য়াম্লবা ত্রাইবেল পোপুলেসন লৈবা মফমশিং য়াওরি। মসিগী মথক্তা, ‘পি.এম. কৃশি ধন ধন্যা য়োজনা’গী মখাদা, এগ্রিকলচর সেক্তরদা পুৱারীগী ওইনা শোত্থনা লৈরম্বা জিলা ১০০দা অখন্নবা মীৎয়েং থম্লি। ঐখোয়গী পান্দমদি লৌমীশিং, লায়রবা ইমুংশিং অমসুং লমদমসিগী ত্রাইবেল কম্ম্যুনিতীশিংদা চাউখৎনবা অনৌবা খুদোংচাবা পীবনি। ‘সবকা সাথ, সবকা বিকাস’ হায়বা মন্ত্র অসিনা লমজিংদুনা পাংথোকপা অপুনবা থবকশিং অসিনা লৈবাক অসিগী লায়রবশিংগী মরক্তা অনৌবা মশাগী থাজবা অমা পোকহল্লে। মসিনা লায়রবশিংবু লায়রবা অসিদগী মায় পাক্না থোরকপা ঙমহল্লে।
মরুপশিং,
ঐহাক্না পনখিবা লৈবাক অসিনা ফংখিবা অনিশুবা মায় পাকপা অদুদি নক্সলিজম অমসুং মাওইজমদগী নীংতম্বা হায়বসিনি। ঐখোয়গী ত্রাইবেল লমদমশিংদা লৈরিবা মীওইশিংনা – গরচিরোলীদা লৈরিবা মীওইশিং য়াওনা – নক্সলাইৎকী হিংসা অসিনা ঐখোয়গী ত্রাইবেল কম্ম্যুনিতীশিংদা খ্বাইদগী হেন্না শোকহল্লিবা অসি মখোয়না ফজনা খঙই। ২০১৪দা, লৈবাক শিনবা থুংনা দিস্ত্রিক্ত ১২৫রোম মাওইজম অমসুং নক্সলিজম্না শোকহল্লম্মি। চহি খুদিংগী, হিংসাগী থৌদোক চা কয়া থোকই, মসিদা মীওই লিশিং কয়াগী পুন্সি মাংখি। মখোয়শিং অসিদগী অয়াম্বদি ঐখোয়গী ত্রাইবেলগী ইচিল-ইনাওনি।
অদুবু মরুপশিং,
মতম অদুদা, মাওইজম-নক্সলিজম্না শোকহল্লবা মফমশিংদা লৈবা মীওইশিং অদু মতম অদুগী সরকারশিংনা মখোয়না থোকপা তৌজৌ হায়না য়েংবীখিদে; মখোয়গী হকশিং অদু মুনখি। মীপুম খুদিংমক তুমিন্না লৈখি, মখোয়না মখোয়গী মচিন অদু শো লোন্দুনা থম্বগা পাংখক ওইখি। ঐখোয়গী ত্রাইবেল কম্ম্যুনিতীশিংগী মীহুৎশিংনা মখোয়গী ভোৎ থাদবা ফাওবা অয়াবা পীখিদে হায়বসি খঙবদা অদোম অঙকপা পোক্কনি। মতম অদুগী লৈঙাকশিংনা তুমিন্না য়েংদুনা লৈখি, মখোয়না উশন্নখিদে। মাওইস্তশিং অমসুং নক্সলিস্তশিংনা লায়রবা মমাশিংগী পীক্লিবা অঙাংশিংবু মাংহনখি, অমসুং মখোয়বু থিংনবা কনা অমত্তনা করিগুম্বা অমত্তা তৌবা ঙমখিদে। নক্সলাইৎশিংনা ঐখোয়গী ইমুংশিংগী ইচানুপীশিংবু ফাবিখি, মীপুম খুদিংমকপু করিসু তৌবা ঙমদবা ফিভম অমদা থমখি।
মরুপশিং,
ঙসি, মাওইজম অমসুং নক্সেলিজম লোইশিল্লকপগা লোয়ননা, ঐখোয়গী ত্রাইবেল কম্ম্যুনিতীশিংগী মমাশিং অমসুং ইচিল-ইনাওশিংনা ঐখোয়দা মশিং থিঙমদ্রবা ময়ামগী য়াইফ-পাউজেল পীরি। হৌজিত্তি মশাগী থাজবা লৈরবা নুপীশিং অসিনা ঐখোয়দা মখোয়গী য়াইফ পাউজেলশিং পীরি। অঙাং ওইরিঙৈদা অঙাং ওইবগী মতম মুনবিখ্রবা নহাশিংদি হৌজিক্তি মখোয়না অহল ওইরকপগা লোয়ননা ঐখোয়গা লোয়ননা লেপ্পী। মখোয়না মহৈ তম্বগী অমসুং থবক ফংনবগী খুদোংচাবা ফংলি। ছত্তিসগরগী বস্তরগুম্বা মফমশিংদা – মফমশিং অসিদদি মতম অমদা মীশিংনা চৎপা ফাওবা অকিবা পোক্নরম্মি – ঐহাক্না হন্দক্তা লমদম অসিগী ময়াইদা ঐখোয়গী সেক্যুরিতী ফোর্সশিংগা লোয়ননা দিৱালী পাংথোকখি। গরচিরোলী য়াওনা, মমাংদা নক্সেলিজম্না শোকহল্লম্বা মফম পুম্নমক্তা লৈরিবা মীওইশিংদা চহি অসিগী দিৱালীনা দিয়াশিংগী মঙাল পীবতা নত্তনা অনৌবা আশাগী মঙাল অমসু পীরি।
মরুপশিং,
ঙসিদি, ঐখোয়গী আদিভাসি কম্ম্যুনিতী – ঐখোয়গী ত্রাইবেল সোসাইতীনা লৈবাক অসিগী চাউখৎ থৌরাংদা চাউনা কন্ত্রিব্যুৎ পীরি। মসিগী মথক্তা, লৈবাক অসিগী লুচিংবা অসি হৌজিক্তি আদিভাসি কম্ম্যুনিতীগী মচানুপী অমগী খুৎতা লৈরি। ঐখোয় পুম্নমক রাস্ত্রপতি দ্রৌপাদি মুর্মুগীদমক চাউথোকচরি।
মরুপশিং,
হৌজিক অসি ভগবান বিরসা মুন্দাদগী ইথিল লৌনবা অমসুং ‘বিক্সিত ভারত’কী মঙলান অদু মঙফাওনহন্নবা ঐখোয়গী থৌনা পুম্নমক কত্থোক্নবা মতম ওইরে। থবক পায়খৎনবা ঐনা হায়জবগা লোয়ননা, ভগবান বিরসা মুন্দাদা ইকায় খুম্নবা উৎচরি। ঐনা অমুক্কা হন্না ময়াম পুম্নমকপু ‘জনজাতিয়া গৌরব দিবস’ অসিদা য়াইফ-পাউজেল পীজরি। চহি খুদিংগী নবেম্বরগী তাং ১৫গীদমক অদোমবু হন্না হন্না থাগৎচরি। ভগবান বিরসা মুন্দাগী মপোক কুমওন অমসুং, হেন্না মরুওইনা, ‘জনজাতিয়া গৌরব দিবস’ অসি লৈবাক পুম্বগীদমক্তা চাউথোকচনীংঙাই অমসুং ইকায় খুম্ননিংঙাই ওইবা থৌরম অমনি। নবেম্বরগী তাং ১৫ খুদিংগী ঐখোয়না নুমিৎ অসিবু হান্নদগী হেন্না পুক্নিং থৌগৎপা, হরাও-তয়াম্বা অমসুং চাউনা শরুক য়াবগী মওংদা পাংথোক্কনি। ‘জনজাতিয়া গৌরব দিবস’ অসিদা অনৌবা অচেৎপা ৱারেপশিং লৌরসি অমসুং পান্দম থম্মিবা মতমগী মনুংদা মখোয়শিং অসি মপুং ফাহন্নবগীদমক ঐখোয়গী ইপাঙ্গল পুম্নমক কত্থোক্লসি। ঐখোয়না নীংতম্বা ফংলবা মতুংদগী চহি কয়াদগী তৌদ্রিবা অদু অতেনবা মতমগী মনুংদা পাংথোক্কদবনি। স্ক্রীনশিংদা য়েংবদা, মফম কয়াদা মীয়াম তিনবা অদু ঐনা উবা ফংই, অমসুং নখোয়গী নরক্তা চাউরবা থৌনা অদু ঐনা ফাওবা ফংই। শক্তম অসিমক্না ‘জনজাতিয়া গৌরব দিবস’কী মশক ওইরক্লি। ত্রাইবেল কম্ম্যুনিতীগী ঐহাক্কী ইচিল-ইনাওশিং, অসিগুম্বা মায়পাকপা থবক অসিগীদমক অদোমবু থাগৎপা ফোংদোকচরি। ঐহাক্না ময়াম পুম্নমকপু থম্মোয় শেংনা নুংঙাইবা ফোংদোকচরি অমসুং ময়াম পুম্নমকপু থাগৎচরি।
জোহার।
***
Janjatiya Gaurav Diwas celebrates the rich heritage, culture and contributions of India's tribal communities. https://t.co/jaafdnMJ6n
— Narendra Modi (@narendramodi) November 15, 2026
15 नवंबर 2021 से जनजातीय गौरव दिवस मनाने की जो शुरुआत हुई, आज वो एक राष्ट्रीय उत्सव बन चुका है: PM @narendramodi
— PMO India (@PMOIndia) November 15, 2026
एक समय था, जब हमारे देश में अनेक दिवस और उत्सव विदेशी दृष्टिकोण से तय होते थे। लेकिन आज भारत अपनी विरासत को, अपने इतिहास को, अपने नायकों को स्वदेशी स्वाभिमान के साथ याद कर रहा है। ये हमारी राष्ट्रीय चेतना में आए एक बड़े परिवर्तन का प्रतीक है: PM @narendramodi
— PMO India (@PMOIndia) November 15, 2026
देश की दो बड़ी उपलब्धियों की चर्चा हर जगह हो रही है। पहली उपलब्धि है देश के करीब 50 करोड़ लोगों की भीषण गरीबी को परास्त करना। और दूसरी उपलब्धि है, देश का नक्सलवाद...माओवादी आतंक से मुक्ति पाना: PM @narendramodi
— PMO India (@PMOIndia) November 15, 2026
हमने उन क्षेत्रों पर भी विशेष ध्यान दिया, जो लंबे समय तक विकास में पीछे रह गए थे। देश के 100 से अधिक आकांक्षी जिलों और 500 से अधिक आकांक्षी ब्लॉकों में विशेष अभियान चलाया। इनमें बड़ी संख्या में जनजातीय आबादी वाले क्षेत्र शामिल हैं। अब पीएम कृषि धन धान्य योजना के तहत कृषि के क्षेत्र में पिछड़े 100 जिलों पर भी विशेष ध्यान दिया जा रहा है: PM @narendramodi
— PMO India (@PMOIndia) November 15, 2026