ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা সেপ্তেম্বর ৮, ২০২৬তা গুজরাত অমসুং মহারাস্ত্রদা চৎকনি। নুমিৎ য়ুংবা পুং ১২ রোম তাবদা, প্রধান মন্ত্রীনা ভদোদরাদা লুপা করোর ৩৫,০০০ হেনবগী তোঙান তোঙানবা চাউখৎ-থৌরাংগী প্রোজেক্তশিং উরেপ উয়ুং তমগনি, শঙ্গাগনি অমসুং লৈবাক মীয়ামদা কত্থোক্কনি। থৌরম অসিদা মহাক্না মীয়ামদা ৱা ঙাংগনি।

প্রধান মন্ত্রীনা নুমিদাং ৱাইরম পুং ৫:৪৫ রোম তাবদা মুম্বাইদা গ্লোবেল ফিনতেক ফেস্ত (জি.এফ.এফ.) ২০২৬ হৌদোক্কনি অমসুং মীয়ামদা ৱা ঙাংগনি।

ভদোদরাদা পি.এম.

প্রধান মন্ত্রীনা ৱেস্তর্ন দেদিকেতেদ ফ্রৈৎ কোরিদোর (দবল্যু.দি.এফ.সি.) গী মরুওইবা সেক্সন অহুম লৈবাক মীয়ামদা কত্থোক্কনি, মসিনা কি.মি. ৩২৬ শাংবা রুত কবর তৌগনি অমসুং লুপা করোর ২০,৭০০ হেনবগী শেনফম থাদদুনা শেমগৎপনি। মসিগী মনুংদা সানন্দ (এন) – মকরপুরা, ন্যু অম্বরগাওন- ন্যু সাফেল অমসুং ন্যু সাফেল-জে.এন.পি.তি. সেক্সনশিং য়াওরি।

জৱাহরলাল নেহরু পোর্ত ওথোরিতী (জে.এন.পি.এ.) গী দাইরেক্ত কন্নেক্তিবিতী অসিনা এক্সিম কার্গোগী খোঙজেল য়াঙখৎহল্লগনি, ইন্দস্ত্রীএল সেন্তরশিং অমসুং পোর্তশিংগী মরক্তা কন্নেক্তিবিতী মপাঙ্গল কনখৎহল্লগনি, লোজিস্তিক্কী শেনফম হন্থহল্লগনি অমসুং মুম্বাইগী রেলৱেজ নেৎৱার্ক্কী কঞ্জেসন হন্থহল্লগনি।

সেক্সনশিং অসি কম্মিসন তৌরকপগা লোয়ননা দেদিকেতেদ ফ্রৈৎ কোরিদোর (দি.এফ.সি.) নেৎৱার্ক অসি মাগী অপুনবা অশাংবা অসিদা মপুং ফানা ওপরেস্নেল ওইগনি। দেদিকেতেদ ফ্রৈৎ ইনফ্রাস্ত্রকচর অসিনা লৈবাক অসিগী লোজিস্তিক ইকোসিস্তেমবু মল্তি মোদেল ক‌ন্নেক্তিবিতী ফগৎহন্দুনা, ত্রাঞ্জিৎ মতম হন্থহন্দুনা অমসুং তোঙান তোঙানবা লমদমশিংদা কার্গো চত্থোক চৎশিন তৌবদা মতেং পাংদুনা হেন্না মপাঙ্গল কনখৎহল্লগনি।

প্রধান মন্ত্রীনা ন্যু সানন্দ (নোর্থ), ন্যু মকরপুরা, ন্যু অম্বরগাওন অমসুং ন্যু জে.এন.পি.তি. মুম্বাইদগী ফ্রৈৎ ত্রেন সর্বিসশিংসু লমথাগনি। মসিগী মথক্তা, মহাক্না ভদোদরা অমসুং তান্দা রোদকী মরক্তা অনৌবা ত্রেন সর্বিস অমা লমথাগনি, মসিনা ভদোদরা, ছোতা উদেপুর অমসুং অলিরাজপুর জিলাগী মীয়ামদা কান্নবা ফংহল্লগনি।

প্রধান মন্ত্রীনা ছোতা উদেপুর-ধার প্রোজেক্তকী শরুক অমা ওইনা শেমগৎখিবা জোবৎ-তান্দা রোদ ন্যু রেল লাইন লৈবাক মীয়ামদা কত্থোক্কনি। অনৌবা রেল লাইন অসিনা আলিরাজপুরগী মনুং হঞ্জিনবা মফমশিং অমসুং ত্রাইবেলগী মফমশিংবু নেস্নেল রেল নেৎৱার্ক্কা শম্নহল্লগনি।

প্রধান মন্ত্রীনা কিলোমীতর ৩২৯ শাংবা অমসুং লুপা করোর ৯,৭০০ হেনবগী রেলৱে প্রোজেক্ত অহুমগী উরেপ উয়ুংসু তমগনি। মসিগী মনুংদা ভদোদরা-রতলামগী অহুমশুবা অমসুং মরিশুবা লাইনশিং, মিয়াগম কারজান-চোরন্দা-মালসার গেজ কনভর্সন অমসুং বিশ্বমিত্রি-দভোই দবলিং প্রোজেক্ত য়াওরি। প্রোজেক্তশিং অসিনা পেসেঞ্জর অমসুং ফ্রৈৎ কেপাসিতী হেনগৎহল্লগনি, কঞ্জেসন হন্থহল্লগনি অমসুং গুজরাত অমসুং মধ্য প্রদেশকী মরক্তা কন্নেক্তিবিতী মপাঙ্গল কনখৎহল্লগনি।

প্রধান মন্ত্রীনা চাউরাক্না লুপা করোর ১,৭৮০ চংগদবা নেস্নেল হায়ৱে প্রোজেক্ত অহুমগীদমক উরেপ উয়ুং তমগনি। মসিগী মনুংদা এন.ঐচ.-৪৮গী কামরেজ-চলথান সেক্সনগী লেন তরুক শাবা; এন.ঐচ.-৪৮গী ভদোদরা-সুরাত সেক্সনদা তাপি অমসুং নর্মদাগী মথক্তা মরুওইবা থোংশিং য়াওনা অহেনবা স্ত্রকচরশিং শেমগৎপা; অমসুং এন.ঐচ.-৫৩দা অভাবা, মিন্ধোলা অমসুং খাজোদ জঙ্কন্দা গ্রেদ-সেপারেতেদ স্ত্রকচরশিং শেমগৎপা য়াওরি।

প্রধান মন্ত্রীনা গুজরাত সরকারগী চাউরাক্না লুপা করোর ২,৬০০গী প্রোজেক্ত কয়াগী উরেপ উয়ুংসু তমগনি অমসুং শঙ্গাগনি। উরেপ-উয়ুং তমগদবা মরুওইবা প্রোজেক্তশিং অদুদা ভদোদরা অর্বান দিবেলপমেন্ত ওথোরিতী রিং রোদ ফেজ II অমসুং কদানা দামদা মেগাৱাৎ 110গী ফ্লোতিং সোলর প্রোজেক্ত, ভদোদরা ম্যুনিসিপাল কোর্পোরেসনগী অনৌবা ওফিস শাগৎপা অসিনচিংবা য়াওরি। শঙ্গাগদৌরিবা প্রোজেক্তশিংগী মনুংদা প্রধান মন্ত্রী অৱাস য়োজনা (পি.এম.এ.ৱাই.) গী মখাদা লৈবা হাউজিং প্রোজেক্তশিং অমসুং নোংপোক থংবা ভদোদরাগী খুঙ্গং ১১গীদমক ৱাতর সপ্লাই প্রোজেক্ত অমা য়াওরি।

মুম্বাইদা পি.এম.

মালেমগী খ্বাইদগী চাউবা অমসুং ইথিল লৈবা চহিগী ফিনতেক কনফরেন্সশিংগী মনুংদা অমা ওইরিবা গ্লোবেল ফিনতেক ফেস্ত (জি.এফ.এফ.) ২০২৬ প্রধান মন্ত্রীনা হৌদোক্কনি।

গ্লোবেল ফিনতেক ফেস্তকী তরেৎশুবা এদিসন অসি ২০২৬কী সেপ্তেম্বর ৮দগী ১১ ফাওবা মুম্বাইদা পাংথোক্লগনি। ২০২০দগী হৌনা জি.এফ.এফ.না পোলিসী মেকরশিং, রেগ্যুলেতরশিং, সেন্ত্রেল বেঙ্কশিং, ফাইনান্সিএল ইন্সতিত্যুসনশিং, ফিনতেকশিং, তেক্নোলোজী কম্পেনীশিং, ইনভেস্তরশিং, একাদেমিয়া অমসুং অতোপ্পা মালেমগী স্তেকহোল্দরশিংবু ফাইনান্সকী তুংলমচৎকী মতাংদা খন্ন-নৈননবা পুনশিন্নবা ইন্তর্নেস্নেল থোৎ লিদরশিপ প্লেৎফোর্ম অমা ওইনা থোরক্লি।

২০২৬কী জি.এফ.এফ.গী থিমদি “পোতেন্সিএল তু ইম্পেক্ত: এজেন্তিক এ.আই., তোকনাইজেসন, ক্বান্তম – ত্রস্তেদ, কন্নেক্তেদ, গ্লোবেল সিস্তেমস ফোর ইনক্লুসিব ফাইনান্স” অসিনি।

জি.এফ.এফ. ২০২৬ অসি পোলিসী, রেগুলেসন, তেক্নোলোজী, কেপিতেল অমসুং ইন্দস্ত্রীগীদমক কম্মন প্লেৎফোর্ম অমদা কনভর্জেন্স পোইন্ত অমা ওইনা দিজাইন তৌখ্রে। মসিনা দিজিতেল পেমেন্তশিং অমসুং ফাইনান্সিএল ইনক্লুজনদা ভারতনা লুচিংদুনা পোতেন্সিএলদগী ইম্পেক্তকী মাইকৈদা চৎনবা শেমগৎনবা হোৎনরি। এজেন্তিক এ.আই., প্রোগ্রাম তৌবা য়াবা ফাইনান্স, ক্বান্তম তেক্নোলোজীশিং অমসুং অতৈ মরু ওইবা অমসুং অনৌবা তেক্নোলোজীশিংনা মালেমগী ওইনা নাগরিকশিং, ইন্তর্প্রাইজেসশিং অমসুং শেন্মিৎলোনগীদমক্তা মতৌ করম্না থাজবা য়াবা, ইনক্লুসিব অমসুং অচৌবা মহৈশিং পুথোকপা য়াবগে হায়বগী মতাংদা খন্ন-নৈনগনি।

****