ভারতকী প্রধানমন্ত্রী

ঔরোভিলেগী গোল্দন জুব্লী ৱীক্কী তঞ্জা অসিদা ঙসি মফম অসিদা লাকপা ফংজবা অসিদা ঐহাক নুঙাইবা ফাওই । ঙসিশু শ্রী ঔরোবিন্দোগী ওইবা ভারতকী স্পিরিচুএল লিদরশিপকী মীৎয়েং অদুনা ঐখোয়বু মখা তানা পুক্নিং থৌগৎলি । থাঙ্গৈশেংনমক, ঔরোভিলেনা মীৎয়েং অদুমক উৎলি । হৌখিবা চহি য়াঙ্খৈগী মমাংদগী মফম অসি সোসিয়েল, কলচরেল, এজুকেস্নেল, ইকোনোমিক অমসুং স্পিরিচুএল ইনোবেসনগী হব অমা ওইদুনা লাক্লি ।

মরূপশিং,

ঙসিদি শ্রী ঔরোবিন্দোগী পাক চাওরবা এক্সন অমসুং ৱাখল্লোন অদু নিংশিংবা মরু ওইরে । এক্সন তৌবা মীওই অমা, ফিলোসোফর অমা, কবি অমা, মহাক্কী মশিং য়াম্লবা করেক্তর কয়া অমা লৈখ্রে । মদু পুম্নমক মহাক্না লৈবাক্কী অমসুং মীওইবা জাতিগী য়াইফনবা কৎথোকখি ।

রবিন্দ্রনাথ তেগোরগী ৱাহৈশিংদা:

রবিন্দ্রনাথ, ও ঔরোবিন্দো, নফমদা ইকোক নোনজরি!

ও মরূপ, ঐহাক্কী লৈবাক অসিগী মরূপ, ও খোঞ্জেলগী অবতার, লেম্না,

ভারতকী থৱাই!

মরূপশিং,

ইমাগী মীৎয়েংখাদা লৈবনা ঔরোভিলে অসি য়ুনিবর্সেল তাউন অমা ওইরি । ঔরোভিলেগী পান্দম অসি মীওইবা জাতিগী অপুনবা শক্তম শাগৎপনি । ঙসি মফম অসিদা মশিং য়াম্লবা মীয়াম্না পুল্লিবা অসি অদুগুম্লবা ৱাখল্লোন অদুগী মমিনি । চহি কয়াদগী, ভারত অসি মালেমগী স্পিরিচুএল দিস্তিনেসন অমা ওইদুনা লাক্লি । নালন্দা অমসুং তক্সিলাগী অচৌবা য়ুনিবর্সিতীশিংনা মালেমগী মফম কয়াদগী লাকপা মহৈরোইশিংবু হোস্ত তৌরি । মালেমগী অচৌবা রিলিজন কয়া অমা মফম অসিদগী হৌখি । হন্দক্তা, য়ুনাইতেদ নেসন্না জুন ২১বু ইন্তরনেস্নেল যোগ দে হায়না লাওথোক্তুনা ভারতকী চাওরবা ত্রেদিসন অমা শকখংবিরে । ঔরোভিলেনা নুপা অমসুং নুপী, নহা অমসুং অহল, ঙমখৈ লৈহন্দনা অমত্তা ওইহল্লে । ওরোভিলেগী চার্তর অসি শেংলবা ইমা মশামক্কী মখুৎমক্না ফ্রেন্স লোন্দা ইবিরম্মী হায়বা ঐহাক খংজৈ । চার্তর অসিগী মতুং ইন্না, ঔরোভিলেগীদমক ইমানা থাক ৱাংলবা প্রিন্সিপল মঙা থম্বিরম্মী । ঔরোভিলেগী থাক ৱাংলবা অহানবা প্রিন্সিপল অদু মীওইবা জাতী পুম্নমক্কী মনুং চল্লি । মসি ঐখোয়গী অরিবা ৱাহৈ বাসুধৈবাকুতুম্বকম- মালেম অসি ইমুং অমনি হায়বদুগী রিফ্লেক্সন্নি । ইং ১৯৬৮দা ঔরোভিলে হৌদোকপগী থৌরমদা লৈবাক ১২৪দগী লাকপা মীহুৎশিংনা শরুক য়াখি হায়না ইফমদা তাকপিরে । মসিদা লৈবাক নিফুমাপলদগী লাকপা মীওইশিংনা য়ুম লিশিং অনি চামরি হেনবদা লৈরি হায়বা ঙসি ঐহাক্না তাবা ফংজরে । মসিনা ঔরোভিলেগী অনিশুবা খ্বাইদগী ৱাংবা প্রিন্সিপল অদু তাক্লি । ঔরোভিলেগী অহুমশুবা ফাউন্দিং প্রিন্সিপল অদুদি মসিনা হৌখ্রবা অমসুং লাক্কদৌরিবা অনিগী মরক্তা থোং অমা লৈগনি হায়বনি । ঔরোভিলে লিংখৎখিবা মতম ইং ১৯৬৮দা পৃথীবি অমসুং ভারত অসি করম্বা ফিভমদা লৈখিবগে হায়না কনাগুম্বা অমনা হঙ্গৎনা য়েংলকপা মতমদা, পৃথীবি অসি কাখল নাইনা অমসুং কোল্দ ৱারগী ফিভমদা লৈরম্মী । ঔরোভিলেগী ৱাখল্লোন অদুনা ত্রেদ, ত্রাভেল অমসুং কমুনিকেসননা মালেম অসি অমত্তা ওইনা পুন্সিনবা লম্বী উৎপিরম্মী । ঔরোভিলেগী মরিশুবা ফাউন্দিং প্রিন্সিপল অদুদি মসিনা পৃথীবি অসিগী মতম মতমগী ওইবা স্পিরিচুএল অমসুং মেতরিয়েলগী নক্নবা মরী অদু শম্নহল্লগনি । ঔরোভিলেগী মঙাশুবা ফাউন্দিং প্রিন্সিপল অদুদি মসিনা তম্বা লোইবা নাইদবা মহৈ অমসুং হোংবা নাইদবা প্রোসেস অদুগী মফম ওইগনি, মদুনা মরম ওইরগা মসিনা কৈদৌনুংদা তুংদুনা লৈরোই । মখা তানা খন্থবা অমসুং অমুক হন্না খন্থবগী থৌওংশিং অদুনা মীওইবগী পুক্নিং অসি ৱাখল্লোন অমখক্তদা ফমজিন্দুনা লৈরোই । ভারত অসি চহি কয়াদগী গুরুকুলগী ত্রেদিসন চৎনদুনা লাক্লি, মফম অদুদা মহৈ তম্বা অসি ক্লাস রুম খক্তদা অক্নবা থম্দে, মফম অদুদা পুন্সি অসি অহিংবা চাংয়েংশং অমনি । ঔরোভিলে মশামকশু লোইবা নাইদবা অমসুং পুন্সি চুপ্পগী ওইবা মহৈগী মফম অমগুম দিব্লপ তৌরি । ঔরোভিলেদা লোইবা নাইদবা এজুকেসন ফংবগা লোইননা এনভাইরোনমেন্ত রিজেনরেসন, রিন্যুয়েবল ইনর্জী, ওর্গানিক এগ্রীকলচর, এপ্রোপ্রিয়েৎ বিলদিং তেক্নোলোজিশিং, ৱাতর মেনেজমেন্ত নত্রগা ৱেস্ত মেনেজমেন্তদশু লমজিং লমতাকপা অমা ওইরি । লৈবাক অসিদা ক্বালিতী এজুকেসন প্রমোৎ তৌনবা নখোয়না খোংথাং কয়া অমা পায়খৎখ্রে । ঔরোভেলিগী চহি ৫০ শুরকপা তঞ্জা অসিদা, মায়কৈ অসিদা নখোয়না হেন্না হোৎনরক্কনি হায়না ঐহাক্না আশা তৌরি । এজুকেসনগী খুত্থাংদা নহা ওইরিবশিংবু সর্ব তৌবনা শ্রী ঔরোবিন্দো অমসুং ইমাগী মফমদা চাওনা ইকায় খুম্নবা ওইগনি । মীওই কয়া অমনা শ্রী ঔরোবিন্দো অমসুং ইমাগী থৱাই য়াওনা তুংইনবা অমা ওইরিবা, শক্নাইরবা এজুকেস্নেলিস্ত অমা ওইরিবা শ্রী কিরীত ভাই জোশিবু খংলমখিরোই, অদুবু ঐহাক ইশামক অদোম্না এজুকেসন্দা হোৎনরিবা অদুগী তুংইনবা ওইজরি । ঐহাক্না গুজরাতকী মুখ্যমন্ত্রী ওইবা মতম অদুদা মহাক মশাকশু এজুকেসন এদভাইজর ওইরম্মী । অদুম ওইনমক ভারত্তা এজুকেসনগী লমদা মহাক্কী থৌদাং অদুনা হেন্না নিংশিংনিঙাই ওইরি ।

মরূপশিং,

রিগ বেদনা হায়রি: “আনো ভদ্রা: ক্রতবো য়ন্তূ বিশ্বৎ”; মায়কৈ খুদিংদগী অচৌবা ৱাখল্লোনশিং ঐখোয়দা য়ৌরকপা ওইরশনু । ঔরোভিলেনা লৈবাক অসিগী মীচম প্রজাশিংবু শক্তী পীনবা ৱাখল্লোনশিং অদু মখা তানা ফংহনবা ওইরশনু । ঔরোভিলেনা মালেমদা খুদম অমগুম্না লৈবা ওইরশনু । শ্রী ঔরোবিন্দো অমসুং দিভাইন মাদরগী স্পিরিৎ অদুনা ঔরোভিলেবু মখা তানা লমজিং লমতাকপিদুনা মসিগী পান্দম অদু ফংবা ওইরসনু ।

ময়াম্বু থাগৎচরি ।

 ***