ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচীংদুনা ঙসি ফমখিবা কেন্দ্রগী মন্ত্রী মন্দলগী মীফম্না পোস্ত দিপার্তমেন্তগী গ্রামীন দাক সেবক (জি সি এস)শিংগী খুৎশুমল অমসুং এলাৱেন্সশিং শেমদোকপদা  অয়াবা পীখ্রে।

শেমদোক্লবা খুৎশুমল অদুনা ২০১৮-১৯দা লুপা কোতি ১২৫৭.৭৫ (নন-রেকরিং এক্সপেন্দিচর-লুপা কোতি ৮৬০.৯৫ অমসুং রেকরিং এক্সপেন্দিচর-লুপা কোতি ৩৯৬.৮০) চাদিং তৌগনি।

শেমদোক্লবা খুৎশুমল অসিনা গ্রামীন দাক সেবক লাখ ৩.০৭তা কান্নবা ফংহল্লগনি।

অকুপ্পা ৱারোলশিং:

1. তাইম রিলেতেদ কন্তিন্যুতী এলাৱেন্স (তি আর সি এ)গী মওং শেমদোক্লে। জি দি এসশিং কাংলুপ অনি থোক্না হায়বদি, ব্রাঞ্চ পোস্ত মাস্তর (বি পি এম) অমসুং এসিস্তেন্ত ব্রাঞ্চ পোস্ত মাস্তর (এ বি পি এম) হায়না খাইদোক্লে।
2. হৌজিক লৈরিবা তি আর সি এগী স্লেপ ১১ অসি শুপ্নগী স্লেপ ৩দা বি পি এমগী লেবেল অমমমগা পুনশিল্লে।
3. অনৌবা চৎনরবা তাইম রিলেতেদ কন্তিনুইতি এলাৱেন্স (তি আর সি এ)গী মওং মখাদা পীরি:

1. দিয়ারনেস এলাৱেন্স মখা তানা তোখাইবা শরুক অমা ওইনা পীগনি অমসুং মতম মতমগী মতুংইন্না শেমদোক্কনি।
2. অনৌবা স্কিম অমা চৎনদ্রি ফাওবা লুপা ৭০০০না বেসিক তি আর সি এ অমসুং দি এ ওইরগা এক্স-গ্রেসিয়া বোনস খোৎপা মখা তানা চৎথনবা ৱারেপ লৌরে।
3. ১-১-২০১৬গী মতমগী এরিয়রশিং য়াওনা চৎনবা হৌদ্রি ফাওবগী এরিয়র অসি ফেক্তর ২.৫৭না বেসিক তি আর সি এ হেনগৎলগা পীগনি। এরিয়রশিং অমুক্তদা পীথোক্কনি।

• vii. জি দি এসশিংনা হায়জরকপদা য়ুমফম ওইরগা চহিগী হেনগৎপা চাদা ৩ ওইগনি অমসুং হেনগৎলিবা অদু চহি খুদিংগী জনৱারী ১ নৎত্রগা জুলাই ১ পীগনি।

1. অনৌবা রিক্স এন্দ হার্দসিপ এলাৱেন্স হৌদোক্লে। অতোপ্পা এলাৱেন্সশিং হায়বদি, ওফিস মেনতিনেন্স এলাৱেন্স, কম্বাইন্দ দ্যুতী এলাৱেন্স, কেস কনবিয়েন্স চার্জ, সাইকল মেনতিনেন্স এলাৱেন্স, বোদ এলাৱেন্স অমসুং ফিক্স স্তেসনরী চার্জশিং নৌনা শেমদোক্লে।

থবক ওইনা পাংথোক্নবা লাল্লোং অমসুং পান্দমশিং:

শেমদোকপা অসিনা খুৎশুমলশিং, এলাৱেন্সশিং অমসুং অতৈ কান্নবশিং গ্রাম দাক সেবকশিংনা ফংলগনি। মসিনা খুঙ্গংগী লমদা পোস্তগী খুদোংচাবশিং ফজনা ফংহনা ঙম্লগনি। হেনগৎনবা থৌরাং তৌরিবা শেলফম অসিনা মখোয়গী পুন্সি মহিং ফগৎলগনি।

ইথিল :

খুঙ্গং অমসুং মনুং হুনজিনবা মফমশিংদা পাউ ফাওননবা অমসুং শেল-থুমগী থবকশিংদা ব্রাঞ্চ পোস্ত ওফিসশিংনা মরুওইবা থৌদাং লৌরি। কস্তমরশিংদা শেল পীনবা পোস্ত মাস্তরশিংনা  য়াম্লবা শেলফম পায়রি, মরম অসিনা মখোয়না মরম চানা থবক তৌদবা য়াদে। খুৎশুমল হেনগৎপা অসিনা মখোয়না থৌদাং লৈনা থবক তৌবা হেনগৎকনি। মরুওইনা, ইন্দিয়া পোস্ত পেমেন্ত বেঙ্ক (আই পি পি বি )না থবক হৌরকপদগী সি দি এসগী মশাশিংনা খুঙ্গংগী মীয়ামদা শেল-থুমগী খুদোংচাবা ফংহনবদা মরুওইবা থৌদাং লৌরক্কনি।

বেকগ্রাউন্দ :

লিগুলর এম্প্লোয়ী হাপ্পদা মরম চাদবা খুঙ্গংগী মফমশিংদা পোস্তকী মরুইবা থবকশিং ফজনা ফংহন্নবা পান্দমদা চহি ১৫০গী মমাংদগী পোস্ত দিপার্তমেন্তনা অহেনবা দিপার্তমেন্তগী সিস্তেম অমা চৎনদুনা লাক্লি। গ্রামীন দাক সেবক ব্রাঞ্চ পোস্ত মাস্তরশিংনা এক্সত্রা দিপার্তমেন্তেল ব্রাঞ্চ পোস্ত ওফিস ১,২৯,৩৪৬ থবক তৌদুনা লাক্লি। গ্রামীন দাক সেবকশিং অসি নোংমগী মনুংদা পুং ৩দগী ৫ ফাওবা থবক তৌরি অমসুং মশাগী অমসুং মখোয়গী ইমুং-মনুংগী অহেনবা ইনকম তাল্লি। মখোয় চহি ৬৫ ফাওবা থবক তৌগনি।