ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা ঙসি মহাক্কী ২৩রক শুবা প্রগতি – আইসিতিদা য়ুম্ফম ওইবা, প্রো-এক্তিব গোবর্নেন্স অমসুং মতম চানা থবক পাইখৎপগী থোংদা ৱারি ৱাতাই পাংথোকখ্রে।

প্রগতিগী মমাংগী মীফম কুন্নিথোইদা লুপা কোতি লাখ ৯.৩১গী শেনফমগী পুন্না প্রোজেক্ত ২০০গী মপৈ অমা য়েংশিনখ্রে। লম ১৭তা মীয়ামগী ৱাকৎকী ৱারেপশিংসু য়েংশিনখি।

ঙসি, কুলহুমদোই শুবা মীফমদা, প্রধানমন্ত্রীনা কঞ্জুমরশিংগা মরি লৈনবা মীয়ামগী ৱাকৎ অমসুং ৱারেপকী খোংজেলগী মতাংদা য়েংশিনখি। কঞ্জুমরশিংগী ৱাকৎশিং খোংজেল য়াংনা লোইশিন্নবা লৌখৎলিবা মশক থোকপা থবকশিংগী মরমদা প্রধানমন্ত্রীদা পাউদমখি। মশিং য়াম্না লাকখিবা ৱাকৎ অদুদা নুংনাংবা ফোংদোক্লদুনা প্রধানমন্ত্রীনা কঞ্জুমরশিংনা কান্নবা ফংগদবা লৈঙাক্কী থৌরাং ফগৎহনবদা শাফু পীখি।

প্রধানমন্ত্রীনা উত্তরাখন্দ, উরিশা, ৱেস্ত বেঙ্গল, কর্নাতকা, তমিল নাদু, কেরলা, নাগালেন্দ, অসম, মহারাষ্ট্র, তেলঙ্গনা অমসুং অন্ধ্র প্রদেশ য়াওনা রাজ্য কয়া মরুমদা রেলৱে, রোদ, পাৱর অমসুং রিন্যুএবল ইনর্জীগী লমদা পাইখৎলিবা ইনফ্রাস্ত্রকচর মাপলগী খোংজেলগী মতাংদা য়েংশিনখি। প্রোজেক্তশিং অসিগী অপুনবা শেনফম অসি লুপা কোতি ৩০,০০০ হেনবনি।

প্রধানমন্ত্রীনা খনীজ ক্ষেত্র কল্যান য়োজনা (পিএমকেকেকেৱাই)গী পাইখৎলিবা থবক্কী খোংজেল য়েংশিনখি। মহাক্না হায়খি মদুদি দিস্ত্রিক্ত মিনরেল ফাউন্দেসন্স (দিএমএফ)দা থাদবা ফন্দ অদু মরু ওইবা চাওখৎ-থৌরাংশিংদা নত্রগা জিলাশিংনা হৌজিক হৌজিক মায়োক্নরিবা শেল্লেপ মাংবগী লমশিংদা লাল্লোং অমগুম্না শিজিন্নগদবনি। মহাক্না হায়খি মদুদি মসি মিয়েং অমগী মখাদা পাংথোক্কদবনি, মদুনা নীং খা তম্বগী চহি ৭৫ শুরকপগী খুদম অমা ওইরিবা ২০২২ ফাওবগী মনুংদা খ্বাইদগী চাওবা মাই পাকপা অদু ফংহনগদবনি।