ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা হয়েং ওক্তোবর ২২, ২০১৭তা গুজরাত্তা চৎকনি।

ঘোঘাদা মীয়ামগী মীফম অমদা, প্রধানমন্ত্রীনা ঘোঘা অমসুং দহেজগী মরক্তা আরও আরও (রোল ওন, রোল ওফ) ফেরী সর্বিস ফেজ ১ শঙ্গাগনি। ফেরী সর্বিস অসিনা সৌরাষ্ট্রদা ঘোঘা, অমসুং দহেজগী মরক্তা চৎপা খোংচৎতা পুং তরেৎ নত্রগা নিপাল চংলম্বা অদু পুং অমরোমদমক চংহল্লগনি। মসিনা মপুং ফানা মথৌ তৌবা হৌবগা ভেহিকলশিং পুথোক-পুশিন তৌবসু য়ারগনি। নোংমাইজিং নুমিত্তা প্রধানমন্ত্রীনা ফেজ ১ হৌদোক্কনি মসি মী চৎথোক-চৎশিন তৌনবগীনি। প্রধানমন্ত্রীনা সর্বিস অসিগী অহানবা খোংচৎতা ঘোঘাদগী দহেজ ফাওবা চৎকনি । খোংচৎ অদু লোইরবা মতুংদা প্রধানমন্ত্রীনা দহেজদা মীয়ামদা ৱা ঙাংগনি।

লোইননা গোঘাদা মীয়ামগী মীফমদা, প্রধানমন্ত্রীনা শ্রী ভবনাগর দিস্ত্রিক্ত কোওপরেতিব মিল্ক প্রদ্যুসর্স য়ুনিয়ন লিমিতেদকী সর্বোত্তম কেতল ফীদ প্লান্তসু শঙ্গাগনি।

প্রধানমন্ত্রীনা দহেজদগী বদোদরাদা চৎকনি। বদোদরাদা পাংথোকপা মীয়ামগী মীফম অমদা মহাক্না বদোদরা সিতী কমান্দ কন্ত্রোল সেন্তর, ৱাঘোদিয়া রিজনেল ৱাতর সপ্লাই স্কিম অমসুং বেঙ্ক ওফ বদোদরাগী হেদ ওফিসকী বিল্দিং জাতিদা কৎথোক্কনি।

প্রধানমন্ত্রীনা প্রধানমন্ত্রী অৱাস য়োজনা (খুঙ্গং লোইননা শহর)গী মখাদা কান্নবা ফংলবশিংদা য়ুমগী শোশিং শিন্নগনি। মহাক্না ইন্তিগ্রেতেদ ত্রান্সপোর্ত হব অমা, রিজনেল ৱাতর সপ্লাই স্কিমশিং, হাউশিং প্রোজেক্তশিং অমসুং ফ্লাইওভর অমা য়াওনা ইনফ্রাস্ত্রকচর অমসুং দিব্লপমেন্ত প্রোজেক্ত কয়ামরুমগী উরেপ-উয়ুং তমগনি। মহাক্না বদোদরাদা মুন্দ্রা-দিল্লী পেত্রোলিয়ম প্রদক্ত পাইপ্লাইনগী কেপাসিতী এক্সতেন্সন অমসুং ঐচপিসিএলগী গ্রীনফিল্দ মার্কেতিং তর্মিনেল প্রোজেক্ত অমগীসু উরেপ-উয়ুং তমগনি।