ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা ঙসি ফিলিপ্পিনগী লোস বনাওসতা লৈবা ইন্তরনেস্নেল রাইস রিসার্স ইনস্তিত্যুত (আইআরআরআই) চৎখ্রে । আইআরআরআই অসি রাইস সাইন্সকী খুথাংদা লাইরবা অমসুং চাবা ফংদবা হন্থহল্লিবা; রাইস ফার্মর অমসুং কঞ্জুমরশিংগী হেল্থ অমসুং ৱেলফেয়র ফগৎহল্লিবা; অমসুং তুংগী মীরোলগীদমক রাইস গ্রো তৌবগী এনভাইরোনমেন্ত অদু ঙাক শেল্লিবা কৎথোক্লবা লময়ানবা ওর্গনাইজেসন অমনি ।

ইচাও খাংবা ঙম্বা ফৌ মখলশিং; ইকং খাংবা ঙম্বা ফৌ মখলশিং; সেলাইনিতী খাংবা ঙম্বা ফৌ মখলশিং; অমসুং ৱুমেন ফার্মিং কোওপরেতিবশিংগা লোয়ননা আইআরআরআইগী থবকশিং উৎলিবা ফোতো একজিবিসন অমা প্রধানমন্ত্রীনা য়েংশিনখি ।

পুম্নমকপু কুপশিন্দুনা খাংবা ঙম্বা ফৌ মখলশিংগীদমক অনৌবা প্লোত অমগী সিম্বোলিক গ্রাউন্দ ব্রেকিং অমা প্রধানমন্ত্রীনা অন্দরতুক তৌখি । শ্রী নরেন্দ্র মোদী রেসিলিয়েন্স রাইস ফিল্দ লেবোরেতোরি অদু শঙ্গাবগী খুদম ওইনবা প্লেক অমা মহাক্না মায়খুম হাংদোকখি । আইআরআরআই জিন বেঙ্কতা মহাক্না ভারতকী ফৌ মরু মখল অনি খুদোল তমখি ।

খোংচৎ মনুং অদুদা, প্রধানমন্ত্রীনা আইআরআরআইদা থবক তৌরিবা তোঙান তোঙানবা ভারতকী সাইন্তিস্তশিংগা লোয়ননা ৱারি শান্নখি ।

প্রধানমন্ত্রীনা মনিলাদা মহাভীর ফিলিপ্পিন ফাউন্দেসনদশু চৎখি । মসি ভারত অমসুং ফিলিপ্পিনগী মরক্তা মতম শাংনা চৎথরক্লবা হ্যুমেনিতরিয়ান কোওপরেসন প্রোগ্রাম অমনি, অমসুং মসি মনিলাগী ইন্দিয়ান ওরিজিন মেয়োর দা. রামোন বগতসিংহনা হৌদোকখি । মহাভীর বিক্লাং সাহিত্য সমিতীগী মতেংগা লোয়ননা লিংখৎখিবা অসিনা লৈত লাইরবা এম্পুতীশিংদী জয়পুর ফুতকী য়ুমগী লৈতেং ওইবা পোৎলমশিংদা মতেং ওইরি । জয়পুর ফুতনা কান্নবা ফংহল্লবা মীওইশিং অদুগা লোয়ননা প্রধানমন্ত্রীনা উন্নদুনা ৱারি শান্নখি ।