ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা ঙসি, হৌজিক হৌজিক মালেম শিনবা থুংনা চৎপগী মিশন অমদা লৈরিবা ইন্দিয়ন নেভেল সেল্লিং ভেসেল (আইএনএসভি) তরীনিগী ক্র্যুশিংদা ভিদিও কোল অমা তৌখ্রে।

প্রধানমন্ত্রীনা আইএনএসভি তরীনিগী ক্র্যুশিংদা, লৈবাক মীয়ামগী মাইকৈদগী ‘নুংঙাইরবা দীৱালী’গী নুংঙাইবা ফোংদোকখি। মহাক্না মখোয়গী মিশন অসিবু মাই পাকপা ওইরসনু হায়নসু ফোংদোকখি।

প্রধানমন্ত্রীনা হান্ননা ওগস্ত ১৬, ২০১৭তা, মখোয়না নাউতিকেল মাইল ২২,১০০গী খোংচৎ চৎত্রিঙৈগী মমাংদা আইএনএসভি তরীনিগী ক্র্যুশিংগা উনখি। আইএনএসভি তরীনি অসি হৌজিক হৌজিক ওস্ত্রেলিয়াগী ফ্রেমেন্তলদা মখোয়গী অহানবা লমথুং ওইগদৌরি অমসুং মফম অদুদা মখোয় ওক্তোবর ২২দা নাউতিকেল মাইল ৪৭৭০ চৎলবা মতুংদা থুংগনি হায়না পানরি।

প্রধানমন্ত্রীনা মাংজৌননা ইকুই কুইদনা মখোয়গী মপোক নুমিৎ লাক্লগদবা ক্র্যু অনি – লেফ. কমান্দর ভর্তিকা জোশি অমসুং লেফ. পায়ল গুপ্তদা মখোয়গী মপোক নুমিৎকী য়াইফ-মঙ্গল পীখি।