ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা ঙসি তেব্লোক্সকী আর্তিস্তশিং, ত্রাইবেল গেস্তশিং, এনসিসি কেদেৎশিং অমসুং এনএসএস ভোলুন্ত্যারশিংগা নই দিল্লীদা রিপাব্লিক দেগী থৌরমগা মরি লৈননা ৱারি শানখ্রে।

তীন মুর্তীগী শুমাংদা তিনখিবা এনসিসি কেদেৎশিংগী মরক্তা চৎতুনা মহাক্না ভারতকী মখল-মখাগী মতাংদা ৱা ঙাংখি। মহাক্না হায়খি মদুদি মফম অসিদা অমনা অমদগী তমজনীংঙাই ময়াম অমা লৈরি। মহাক্না শাফু পীদুনা হায়খি মদুদি ঐখোয়গী অকোইবদা ওইরক্লিবা অহোংবশিং অসি লৌশিঞ্জবা অসি মরু ওই। মহাক্না ফংদোকখি মদুদি ভারতকী নহারোলশিংনা লৈবাক অসিদা ত্রান্সফোর্মেতিব চেঞ্জেস পুরকপা ঙমগনি।

প্রধানমন্ত্রীনা হায়খি মদুদি লৈবাক অসিনা ঐখোয়গী লান্মীশিংদা তশেংনা চাওথোকচবা পোকচৈ। মসিগী ৱাখল্লোন অসিদা মহাক্না মসিসু পনখি মদুদি ঐখোয়না লৈবাক্কী সেবা তৌরিবা অদুগুম্বা থৌনা ফবা লান্মীশিং অদুগী মরমদা হেন্না খঙনবা হোৎনগদবনি।

শ্রী নরেন্দ্র মোদীনা হায়খি মদুদি ঐখোয়গী লৈবাক অসিগীদমক্তা পুলিসকী মীওই কয়ামরুম্না মপুন্সি কৎখ্রে, অমসুং মখোয়না কৎথোকপীখিবা অদুগী মরমদা খঙজিনবা অসি মরু ওই।

প্রধানমন্ত্রীনা লুবা নানবগী মরু ওইবশিংগী মতাংদা পনখি। মহাক্না হায়খি মদুদি মহাত্মা গান্ধীনা মংজরম্বা তরু-তনানবা ভারত অমগী মংলান অদু মপুং ফাহনবা হাবসি ঐখোয়গী থৌদাংনি।

প্রধানমন্ত্রীনা হায়খি মদুদি হন্দক্কী রিপাব্লিক দে অসি অখন্নবা অমনি, মরমদি থৌরম অসিদা লৈবাক ১০গী লুচিংবশিংনা ঐখোয়গা শরুক য়ামিন্নরি।