ভারতকী প্রধানমন্ত্রী

প্রধানমন্ত্রীনা ফুদ প্রোসেসিং সেক্তরগী গ্লোবেল সিইওশিংগা উন্নখ্রে

প্রধানমন্ত্রী শ্রী নরেন্দ্র মোদীনা ঙসি মালেমগী মফম কয়াদগী লাকপা ফুদ প্রোসেসিং অমসুং মরিলৈনবা সেক্তশিংদা এঙ্গেজ তৌরিবা মকোকথোংবা কম্পেনিশিংদা রিপ্রজেন্ত তৌরিবা সিইওশিংগা উন্নদুনা ৱারি শান্নখ্রে । উন্নদুনা ৱারি শান্নখিবা অদু হৌজিক চৎথরিবা ৱার্ল্দ ফুদ ইন্দিয়া থৌরমগী শরুক অমনি ।

অমাজোন (ইন্দিয়া), এমৱে, ব্রিতানিয়া ইন্দস্ত্রীজ, কার্গিল এসিয়া পেসিফিক, কোকা-কোলা ইন্দিয়া, দানফোস, ফ্যুচর গ্রুপ, গ্লেক্সোস্মিথক্লাইন, ইজ ফুদজ, আইতিসি, কিক্কোমেন, লুলু গ্রুপ, মেককেন, মেত্রো কেস এণ্ড কেরী, মোন্দেলেজ ইন্তরনেস্নেল, নেস্তলে, ওএসআই গ্রুপ, পেপ্সিকো ইন্দিয়া, সিল্দ এয়ার, শারাফ গ্রুপ, স্পার ইন্তরনেস্নেল, দি হেন সেলেস্তিয়েল গ্রুপ, দি হর্শে কম্পনী, ত্রেন্ত লিমিতেদ অমসুং ৱালমার্ত ইন্দিয়াগী মকোক থোংবা সিইওশিং অমসুং লুচিংবশিংনা মীফম অদুদা শরুক য়াখি ।

 ফুদ প্রোসেসিং ইন্দস্ত্রীজকী মন্ত্রী শ্রীমতি হর্সিমরত কোর বাদল, ফুদ প্রোসেসিং ইন্দস্ত্রীজকী রাজ্য মন্ত্রী সাধবি নিঞ্জন জ্যোতি, অমসুং কেন্দ্র সরকারগী মকোকথোংবা ওফিসিয়েলশিংশু শরুক য়াখি ।

হন্দক্তা ফোংখিবা ৱার্ল্দ বেঙ্ক দুয়িং বিজিনেস রিপোর্ততা ভারতকী রেঙ্কতা চাওনা ফগৎলকখিবা অদু তোঙান তোঙানবা সিইওশিংনা প্রধানমন্ত্রীদা পাওদমখি । সিইও কয়া অমনা ফোংদোকখি মদুদি মখোয়না প্রধানমন্ত্রীগী দব্লিং ফার্ম ইনকমশিংগী মীৎয়েং, অমসুং মহাক্কী লুচিং মখাদা হৌখিবা চহি অহুমদগী ইকোনোমীক রিফোর্মগী খোংথাং অমসুং প্রোগ্রেস অদুনা পুক্নিং থৌগৎলে । মখোয়না অখন্ননা স্ত্রকচরেল রিফোর্মশিং অমসুং জিএসতি অমসুং এফদিআই রেজিমগী লিবরেলাইজেসন অসিনচিংবা অচৌবা ইনিসিয়েতিবশিং অদু অপেনবা ফোংদোকখি ।

শরুক য়াখিবশিংনা য়াম্না কন্না ফোংদোকখি মদুদি ফুদ প্রোসেসিং সেক্তর অসি ফার্ম প্রদক্তিবিতী, ফুদ অমসুং ন্যুত্রিসন সেক্যুরিতী, থবক ফংহনবা, অমসুং এগ্রিকলচরগী ওইবা পোৎথোক্তা ভেলু হাপচিনবা হেঙ্গৎহন্নবা মচাক অমনি । সিইওশিং অদুনা ভারতকী ফুদ প্রোসেসিং, এগ্রিকলচর, লোজিস্তিক্স অমসুং রিতেল সেক্তরশিংদা চাওখৎপা পুরক্নবা মখোয়গী এঙ্গজমেন্ত অমসুং ইনিসিয়েতিবশিংগী হঙ্গৎনা য়েংবা অমা লানথোকখি । মখোয়না পোস্ত-হার্বেস্তিং ইনফ্রাস্ত্রকচর অদু হেঙ্গৎহন্নবগীদমক ওইরকপা য়াবা খুদোংচাবশিং অদুদা পুক্নিং চংবা উৎখি । ভারতকী গ্রোথ স্তোরীগী শরুক অমা ওইনবা মখোয়গী ৱাফম অদু মখোয়না অমুক হন্না শোয়দবনি হায়খি ।

সিইওশিংনা মখোয়গী মীৎয়েংশিং অদু ফোংদোকপগীদমক থাগৎপা ফোংদোক্লদুনা প্রধানমন্ত্রীনা হায়খি মদুদি মখোয়গী ওবজার্বেসনশিং অদুনা ভারতকী মরমদা অকিবগী মশক ওইনা থৱাই য়াওবা অদু উৎলি । সিইওশিং থমখিবা ৱাফমশিং অদুদা প্রধানমন্ত্রীনা অপেনবা ফোংদোকখি । 

লৌউ শিংউবগী পোৎথোক অমসুং লৌমীশিংগী শেন্থোক হেঙ্গৎহনবদা শরুক য়ারিবশিং অদুনা লৌখৎলিবা খোংথাং অদু প্রধানমন্ত্রীনা তরাম্না ওকখি । অকক্ননা মহাক্না হায়খি মদুদি ভারতকী হেঙ্গৎলক্লিবা মিদল ক্লাস, অমসুং সরকারগী পোলিসী-দ্রাইবন ইনিসিয়েতিবশিং অদুনা ফুদ প্রোসেসিং ইকোসিস্তেমদা স্তেকহোল্দর পুম্নমক্কীদমক মখল মখা য়াম্লবা ৱিন-ৱিন ওপোর্চুনিতীশিং হাংদোক্লে । লৌমীশিংগী ইনপুত কোস্ত হন্থহন্নবা, অমসুং ফার্মগী পোত্থোক্কী মাং তাকপা হন্থহন্নবা কেন্দ্র সরকারগী খোংথাংশিং অদু প্রধানমন্ত্রীনা অন্দরলাইন তৌখি । মহাক্না গ্লোবেল সিইওশিংবু ভারতকা লোয়ননা হেন্না চেৎপা অমসুং হেন্না প্রদক্তিব ওইবা এঙ্গেজমেন্ত অমগী বার্তন তৌখি ।

মমাংদা শ্রীমতি হর্সিমরত কোর বাদলনা ফুদ প্রোসেসিং সেক্তরদা শেল থাদবশিং প্রমোত তৌনবা সরকারগী পোলিসীশিংগী মতাংদা তেনতক্না ফোংদোকখি ।