ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা হয়েং লখনৌদা নুমীৎ নিনী চৎথগদবা উত্তর প্রদেস ইনবেস্তর্স সমিৎ ২০১৮ হৌদোক্কনি । রাজনাথ সিংহ, অরুন জেতলী, নির্মলা সিতারাম, নিতিন গাদকরি, সুরেশ প্রভু, স্মিরিতী ইরানি, রবি শঙ্কর প্রসাদ, দা. হর্শ ভর্ধন, ভি কে সিংহ, ধর্মেন্দ্রা প্রধান য়াওনা মশিং য়াম্লবা কেন্দ্রগী মন্ত্রীশিংনা সমিৎ অসিদা শরুক য়াগনি অমসুং রাজ্য অসিগীদমক শেল থাদবশিংগী পুক্নিং চিংশিন্নবা ইন্দিভীজুএল সেসনশিং লুচিংগনি । প্রধানমন্ত্রীনা ফেব্রুৱারি ২১দা সমিৎ অসি হৌদোক্কনি অমদি রাষ্ট্রপতি রাম নাথ কোবিন্দনা লোইশিনবগী থৌরমদা শরুক য়াগনি ।

থৌরম অসি উত্তর প্রদেশ সরকারনা রাজ্য অসিদা ইনবেস্তমেন্তকী খুদোংচাবা অমসুং পোতেন্সিএল অদু খংহন্নবা শিনবনি । মসিনা মন্ত্রীশিং, কোর্পোরেত ৱার্ল্দগী লুচিংবশিং, মরু ওইবা পোলিসী মেকরশিং, ইন্তরনেস্নেল ইনস্তিত্যুসনশিংগী মকোকথোংবশিংবু রাজ্য অসিদা ইকোনোমীক দিব্লপমেন্ত পুরক্নবা অমসুং কোওপরেসন প্রমোত তৌনবা পুশিল্লক্তুনা গ্লোবেল প্লেতফোর্ম অমা ফংহল্লগনি ।  

থৌরম অসিগীদমক কন্ত্রী পার্তনরশিং ওইনা ফিন্দলেন্দ, নেদরলেন্দ, জপান, চেক রিপব্লিক, থাইলেন্দ, স্লোভাকিয়া অমসুং মোরিসিয়স হায়রিবা লৈবাক তরেৎ অসি মশক খংদোক্লে । সমিৎ অসিগী মনুংদা তোঙান তোঙানবা এমওয়ুশিং খুৎয়েক পিনরবা য়াই । মহাক্কী ৱাশক অদু ঙাক্লদুনা প্রধানমন্ত্রীনা চহি অসিগী ফেব্রুৱারি ৪দা গুৱাহাতীদা গ্লোবেল ইনবেস্তর্স সমিৎ অমসুং ফেব্রুৱারি ১৮দা মেগ্নেতিক মহারাষ্ট্রা হৌদোকখি ।