ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা ঙসি মহাক্কী হোম তাউন, বাদনগরদা মহাক্না প্রধানমন্ত্রীগী ওফিস পায়রবা মতুং অহানবা ওইনা ভিজিত তৌখ্রে ।

তাউন অদুগী মীয়াম্না স্ত্রিতশিংদা প্রধানমন্ত্রীবু তরাম্না ওকখি । মহাক্না হতকেশ্বর লাইশং চৎতুনা লাই খুরুমখি । মহাক্না অঙাং ওইরিঙৈদা তমলকপা স্কুল অদুদশু মতম খরগী ওইনা পন্থখি ।

প্রধানমন্ত্রীনা জিএমইআরএস মেদিকেল কোলেজ, বাদনগরদা চৎখি অমসুং মসিবু কৎথোকপগী খুদম ওইনবা প্লেক অমা মায়খুম হাংদোকখি । মহাক্না ছাত্রশিংগা লোয়ননা তেনতক্না ৱারি শান্নখি ।

মীয়ামগী মীফম অমদা, প্রধানমন্ত্রীনা ফুল ইম্মুনাইজেসন কোবর তৌনবগী পাম্দম অদুগী মায়কৈরোমদা খোংজং য়াংশিন্নবা ইন্তেনসিফাইদ মিসন ইনদ্রধনুস হৌদোকখি । মসিনা অর্বান এরিয়া অমসুং অতোপ্পা ইম্যুনাইজেসন নেম্না কোভর তৌরিবা পোকেতশিংদা অচৌবা মীৎয়েং থমগনি । প্রধানমন্ত্রীনা আইএমতিইসিঐচও হৌদোকপগী খুদম ওইনবা হেল্থ ৱার্করশিংদা ই-তেব্লেতশিং য়েনথোকখি- আশাশিংগী পর্ফোমেন্স হেঙ্গৎহন্নবা মোবাইল ফোন এপ্লিকেসনগী ইনোভেতিব অমা । মহাক্না দিবলপমেন্ত থবক খরশু হৌদোকখি ।

চাওনা মীয়াম পুনবা অমদা ৱা ঙাংলদুনা প্রধানমন্ত্রীনা হায়খি মদুদিহোম তাউন্দা অমুক হল্লকপদা হরাও তয়াম্না ওকপিরিবা অসি অখন্নবা অমনি । ঙসি ঐহাক্না ওইরিবা অসি মফম অসিগী লৈবাক লৈহাওগী, বাদনগরদা লৈরিবা নখোয়গী মগুন অদুননি হায়না প্রধানমন্ত্রীনা হায়খি ।

নকোয়গী থৌজালগা লোয়ননা ঐহাক অমুক হনখিগনি অমসুং জাতিগীদমক হেন্না কন্না থবক তৌগনি হায়না প্রধানমন্ত্রীনা বাদনগরগী মীয়ামদা ফোংদোকখি ।

প্রধানমন্ত্রীনা হরাওবা ফোংদোকখি মদুদি মহাক্না হকশেলগা মরি লৈনবা প্রোজেক্তশিং মরুওইনা ইন্তেনসিফাইদ মিসন ইনদ্রধনুস হৌদোকপা ফংলে । স্তেন্তশিংগী মমল মতৌ করম্না সরকারনা হন্থহনখিবগে হায়বদু মহাক্না পনখি অমসুং হায়খি মদুদি লাইরবশিংনা পুবা থাংবা ঙমগদবা হেল্থকেয়ার ওইহন্নবা সরকারনা লেপতনা হোৎনরি ।

মেদিকেল কোলেজকী ছাত্রশিংগা লোয়ননা মহাক্না ৱারি শান্নখিবা অদু পল্লদুনা প্রধানমন্ত্রীনা হায়খি মদুদি সমাজ অমা ওইনা মীয়ামগী শেবা তৌবা ঙম্বা অহেনবা দাক্তরশিং ঐখোয়না মথৌ তাই ।

***