ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা শগোলশেল নুমিত্তা পিএমজিএসৱাই, হাউসিং, কোল অমসুং পৱার য়াওনা মরু ওইবা ইনফ্রাস্ত্রকচরগী লমশিংদা পাইখৎপা থবক-থৌরমশিং য়েংশিনখ্রে। চাওরাক্না পুং অনি মখাইরোম চৎথখিবা য়েংশিনবগী মীফম অদুদা পিএমও, নীতি আয়োগ অমসুং ভারত সরকারগী ইনফ্রাস্ত্রকচর মন্ত্রালয়শিংগী মকোক থোংবা ওফিসিএলশিংনা শরুক য়াখি।

সিইও নীতি আয়োগনা পীখিবা প্রজেন্তেসনগদী মনুংদা, লম কয়াদা শিংনীংঙাই ওইবা মওংদা খোংজেল য়াংশিল্লি হায়না পন্নখি। প্রধানমন্ত্রী গ্রাম সরক য়োজনাগী মখাদা পান্দম থমখিবা খুঙ্গং লাখ ১.৪৫গী মনুংদা চাওরাক্না চাদা ৮১ হৌজিক ফাওবগী মনুংদা শম্নহনখ্রে। ওফিসরশিংনা হায়খি মদুদি অরেপ্পা মতমগী মনুংদা লেমহৌরিবা শম্নদ্রিবা খুঙ্গংশিং পুম্নমক শম্নহন্ননবা থবক পাইখৎলি। প্রধানমন্ত্রীনা হায়খি মদুদি থবক অসিগীদমক্তা ফংলিবা পাম্বৈ পুম্নমক চহি অসিগী মনুংদা হেন্না ফবা মওংদা শিজিন্নগদবনি। মহাক্না কেন্দ্রগী বজেৎ ঙনখৎপনা মরম ওইদুনা থবক-থৌরমশিং হেন্না খুমাং চাওসিল্লগনি হায়নসু থাজবা থমখি। মেরী সরক এপতা ফংবা ৱাকৎ খুদিংমক অথুবা মতমদা লোইশিনবগা মরি লৈনবা ৱাফম প্রধানমন্ত্রীদা খঙহনখি। ৱাকৎশিং অদু মুন্না নৈননবা মহাক্না ফোংদোকখি, মদুনা মরম ওইদুনা মথৌ তাবা মফম অদুদা মতম চানা মথৌ তাবা পাম্বৈশিং পাইখৎপা ঙমহনগদবনি।

২০১৯ ফাওবগী মনুংদা খুঙ্গংগী লমদা য়ুম কোতি ১ পীননবা রোদ মেপ শেম্বগী খোংজেল অদুবু য়েংশিল্লদুনা প্রধানমন্ত্রীনা হায়খি মদুদি কান্নবা ফংলবশিংগী পুন্সিদা য়ুমগী অফবা ৱাখল্লোন অদু মতিক চানা য়েংশিনগদবনি অমসুং মখোয়গী পুন্সি অদু ফগৎহনবদা মিয়েং থমগদবনি।

কোইলাগী লমদা য়েংশিল্লদুনা প্রধানমন্ত্রীনা হায়খি মদুদি খ্বাইদগী নৌবা তেক্নোলোজী ইনপুৎশিংগী থোংদা অন্দর্গ্রাউন্দ মাইনিং অমসুং কোইলা গ্যাসিফিকেসনগীদমক্তা মকোক্তগী হৌনা থবক তৌগদবনি। খুঙ্গংগী লমদমদা মৈ ফংহনবগী পান্দম অদুগী মরমদা চংসিল্লিবা খোংজেল অসিগী মতাংদসু প্রধানমন্ত্রীদা খঙহনখি।