ভারতকী প্রধানমন্ত্রী

প্রধানমন্ত্রীনা শোত্থরিবা জিলাশিংগী কলেক্তরশিংগা উন্নখ্রে

প্রধানমন্ত্রী শ্রী নরেন্দ্রমোদীনা ঙসি ন্যু দিল্লিদা দা. অম্বেদকর ইন্তরনেস্নেল সেন্তরদা নীতি আয়োগনা শিন্দুনা পাংথোকপা  থৌরমদা শোত্থরিবা জিলাশিংগী কলেক্তরশিং অমসুং ওফিসার–ইন–চার্জগা লোইননা উন্নখ্রে ।

থৌরম অসি ২০২২ ফাওবদা ত্রান্সফোর্মিং ইন্দিয়াগী ওইবা প্রধানমন্ত্রী নরেন্দ্র মোদীগী ভিজন অদুগী শরুক্নি । কেন্দ্র সরকারনা অকক্নবা দিবেলপমেন্ত পেরামিতরদা শোত্থনা চৎলিবা জিলা ১১৫ গী রেপিদ ত্রান্সফোর্মেসনগীদমক অচৌবা পোলিসি অমা পায়খৎলি ।

ওফিসারশিংগী কাংলুপ তরুক্না ন্যুত্রিসন, এদুকেসন, বেসিক ইনফ্রাস্ত্রকচর, এগ্রিকলচর অমসুং ৱাতর রিসোর্সেস, লেফ্ত ৱিং এক্সত্রিমিজম অমসুং ফাইনান্সিএল ইনক্লুজন অমসুং স্কিল দিবেলপমেন্তকী থিমশিংদা প্রজেন্তেসন লানখৎখি ।

য়ুনিয়ন মিনিস্তর কয়া অমসুং কেন্দ্র সরকারগী মথকথোংবা ওফিসারশিং য়াওনা তিনখিবশিং অদুদা ৱা ঙাংলদুনা প্রধানমন্ত্রীনা হায়খি মদুদি মসিনা দা, অম্বেদকর ইন্তরনেস্নেল সেন্তরদা পাংথোকপা অহানবা ওফিসিএল ওইবা প্রোগ্রামনি মরম অদুনা অখন্নবা আর্থ অমা লৈরি । 

মহাক্না হায়খি মদুদি মফম খরগা চংদম্নবদা শোত্থরিবা মফমশিংদা লৈরিবা মীওইশিং অদুদা ইনজজস্তিজ অমনি । মদুগা মরি লৈননা মহাক্না মখা তাখি মদুদি শোত্থনা লৈরিবা জিলা ১১৫ বু চাওখৎহন্নবা হোৎনরিবা অসি শোত্থনা লৈরিবশিংবু ৱাংনা পুখৎনবা হোৎনরম্বা দা. অম্বেদকরগী পান্দম অদুগী মখাদনি ।

জন ধন য়োজনা, লেত্রিনশিং শেমগৎ শাগৎপা অমসুং রুরেল ইলেক্ত্রিফিকেসনগী খুদমশিং পিরদুনা, প্রধানমন্ত্রীনা হায়খি মদুদি করিগুম্বা ঐখোয়না অচেৎপা ৱাশক অমগা লোয়ননা থবক তৌরগদি লৈবাক অসিদা ওইথোক্তবা লৈতে । মহাক্না লৈবাক লৈহাও চাংয়েং তৌবগুম্বা অনৌবা খোংথাংশিংনা পুরক্লিবা মায়পাকপশিংগী খুদমশু পিখি ।

হৌজিক ভারত্তা লোইবা নাইদবা পোতেন্সিয়েল, লোইবা নাইদবা পোসিবিলিতীশিং অমসুং অরেপ্পা লৈতবা খুদোংচাবশিং লৈরে হায়না মহাক্না কন্না হায়খি । মসিগী মনুং চন্না মহাক্না ইজ ওফ দুইং বিজিনেসতা ফগৎলক্লিবা অদু পনখি । মসিগী মাই পাক্লকপা অসিগীদমক মহাক্না সরকারগী ওফিসিএলশিং অমসুং তিম ইন্দিয়াবু থাগৎখি