ভারতকী প্রধানমন্ত্রী
প্রধানমন্ত্রীনা শ্রী নরেন্দ্র মোদী সেপ্তেম্বরগী ২২ অমসুং ২৩দা মহাক্কী পার্লিয়ামেন্তরী কোন্সতিত্যুএন্সী ওইরিবা বারাণসীদা চৎকনি।
খোংচৎ অসিদা প্রধানমন্ত্রীগী থবক-থৌরম ওইনা ইনফ্রাস্ত্রকচর, রেলৱেজ, তেক্সতাইল, ফাইনান্সিয়েল ইনক্লুজন, ইনভাইরন্মেন্ত অমসুং সেন্তিসন, এনিমেল হজবেন্দরী, কলচর অমসুং স্পিরিচুএলিতী য়াওরি।
প্রধানমন্ত্রীনা বাড়া লালপুরদা লৈবাক অসিদা দীনদয়াল হস্তকলা সংকুল – হেন্দিক্রাফকী ললোন-ইতিক্কী খুদোংচাবা সেন্তর অমা কৎথোক্কনি। শ্রী নরেন্দ্র মোদীনা ভিদিও লিঙ্ক অমগী থোংদা মহামনা এক্সপ্রেস লমথাগনি। ত্রেন অসি বারাণসীবু গুজরাৎতা সুরৎ অমসুং বডোদরাগা লোইননা শম্নহনগনি।
মফম অসিদা, প্রধানমন্ত্রীনা শহরদা চাওখৎ-থৌরাং কয়ামরুমগী উরেপ উয়ুং তমগনি অমসুং শহর অসিদা চাওখৎ-থৌরাং কয়ামরুম কৎথোক্কনি। প্রধানমন্ত্রীনা উৎকর্শ বেঙ্ককী বেঙ্কিং সর্বিসশিং হৌদোক্কনি, লোইননা বেঙ্ককী হেদক্বাতরশিংগী বিল্দিংগী উরেপ-উয়ুং তম্বগী প্লেক মাইখুম হাংদোক্কনি। উৎকর্শ বেঙ্ক অসি মাইক্রো ফাইনান্সকী লমদা অখন্নবা ফিদা ফংলি।
প্রধানমন্ত্রীনা ভিদিও লিঙ্ক অমগী থোংদা বারাণসীগী মীয়ামদা জল এম্বুলেন্স সর্বিস অমসুং জল শব ৱাহন সর্বিস অমা কৎথোক্কনি।
সেপ্তেম্বর ২২গী নুমিদাংৱাইরমদা, প্রধানমন্ত্রীনা বারাণসীগী পুৱারী ওইরবা তুলসী মানস মন্দিরদা চৎকনি। মহাক্না “রামায়ণ”দা পোস্তেল স্তাম্প অমা পুথোক্কনি। মতুংদা, মহাক শহরগী দুর্গা মাতা মন্দিরদা চৎকনি।
সেপ্তেম্বর ২৩দা, প্রধানমন্ত্রীনা চাওরাকপা মওংদা শহনশাহপুর খুঙ্গংগী হকশেলগা মরি লৈনবা থৌরম অমদা শরুক য়াগনি। মসিগী মতুংদা মহাক পশুধন আরোগ্য মেলা অমদা চৎকনি। প্রধানমন্ত্রীনা, খুঙ্গং অমসুং শহরগী লমদমদা প্রধানমন্ত্রী আৱাস য়োজনাগী কান্নবা ফংলবশিংদা সর্তিফিকেৎশিং য়েন্থোক্কনি, অমসুং মীফম অমদা ৱা ঙাংগনি।
