ভারতকী প্রধানমন্ত্রী

প্রধান মন্ত্রি শ্রী নরেন্দ্র মোদীনা ঙশি লৈবাক শিনবা থুংনা লৈরিবা দোক্তরশিংদা নেস্নেল দোক্তর দেগী থৌরমদা মহাক্কি য়াইফ-পাওজেল পিরদুনা মখোয়গী লেমহৌরিবা শেবা, ​​মীনুংশি অমসুং জাতিগী মায়কৈরোমদা থম্লিবা ৱাশক অদুগীদমক থাগৎপা ফোঙদোকখি।

শ্রী মোদীনা হায়খি মদুদি দোক্তরশিংগী কন্না হোতনবা, মীনুংশি অমসুং কত্থোকপা অসিনা ভারতকি হেল্থকেয়র সিস্তেমগী মকোক থোঙবা ওইরি। মহাকনা নোৎ তৌখি মদুদি অয়াম্বানা খ্বাইদাগী শিংনাবা ফিভমশিংদা মখোয়না লেপ্পা লৈতনা হোৎনরিবা অসিনা লৈবাক শিনবা থুংনা মশিং থিঙমদ্রবা মীওইশিংগী থাজবা অমসুং থাগৎপা ফংহল্লে।

হৌখিবা চহি তরাগী খুজিং কয়াদা হেল্থকেয়র সেক্তরদা পুরকপা প্রোগ্রেশ অদু ফোঙদোক্লদুনা প্রধান মন্ত্রিনা হায়খি মদুদি ভারতনা মসিগী হেল্থকেয়র ইকোসিস্তেম অসি মপাঙ্গল কনখৎহনবদা মশক থোকপা খোঙথাং কয়া লৌখৎলে। মহাকনা য়েংশিনখি মদুদি লৈবাক অসিদা মেদিকেল কোলেজশিংগী মশিং শরুক অনি হেন্না হেনগৎলে, অদুগা অনদরগ্রেজুএৎ অমসুং পোস্তগ্রেজুএৎ মেদিকেলগী শিৎশিং চাওনা পাকথোক চাওথোকখ্রে। মহাক্না হায়খি মদুদি মসিগী মমাঙদা অমুক্তা ওইখিদ্রিবা মওংদা গ্রোথ অসিনা অপাম্বা দোক্তরশিংগীদমক্তা হেন্না খুদোংচাবশিং শেমগৎলি, হেল্থকেয়র ৱার্কফোর্স মপাঙ্গল কনখৎহল্লি অমসুং মতিক-ময়াই লৈবা মেদিকেল কেয়র অসি লৈবাক অসিগী কাচিন খুদিংদা য়ৌহনবা ঙম্লি।

শ্রী মোদীনা ওপরেসন অমীস্তাদকি শরুক অমা ওইনা ভেনিজুয়েলাদা থবক তৌরিবা ভারতকি দোক্তরশিং অমসুং মেদিকেল প্রোফেস্নেলশিংগী কত্থোকপা অদুসু থাগৎপা ফোঙদোকখি। মহাক্না হায়খি মদুদি শিংননিংঙাই ওইরিবা মতমসিদা মখোয়গী ওইজবা থিদ্রবা সর্ভিশ অসিনা মখোয়গী খুন্নাইনা অৱাবা মায়োক্নরকপা মতম খুদিংদা হেল্থকেয়র প্রোফেস্নেলশিংনা মতৌ করম্না লেপ্তনা থৌরম অসিদা লাকপা ঙম্বগে হায়বদু উৎলি।

প্রধান মন্ত্রিনা Xতা পোস্ত তৌখি:

দোক্তরশিংগী নুমীত্তা ঐখোয়গী কত্থোক্লবা দোক্তরশিংদা য়াইফ-পাওজেল পিজরি, মখোয়গী হোৎনবা কনবা, মীনুংশি অমসুং ৱাশক অসিনা ভারতকি হেল্থকেয়র সিস্তেমগী মকোক থোঙবা ওইরি। অয়াম্বনা খ্বাইদগী শিংনবা ফিভমশিংদা মখোয়না লেপ্পাা লৈতনা হোৎনরিবা অসিনা মশিং থিঙমদ্রবা মীওইশিংগী থাজবা অমসুং থাগৎপা ফোঙদোকখ্রে।

হৌখিবা চহি তরাগী খুজিং কয়াদগী ভারতনা ঐখোয়গী হেল্থকেয়র ইকোসিস্তেম্ মপাঙ্গল কনখৎহনবদা মশক থোকপা খোঙথাং কয়া লৌখৎলে। মেদিকেল কোলেজশিংগী মশিং অসি শরুক অনি হেন্না হেনগৎলে, অদুগাা অনদরগ্রেজুএৎ অমসুং পোস্তগ্রেজুএৎ মেদিকেলগী শিৎশিংদি য়াম্নাা চাওখৎলে। মশিগী মমাঙদা অমুক্তা ওইখিদ্রিবা মওংদা গ্রোথ অসিনা অপাম্বা দোক্তরশিংগীদমক্তা হেন্না খুদোংচাবশিং শেমগৎলি, হেন্না মপাঙ্গল কনবা হেল্থকেয়র ৱার্কফোর্স অমা শেমগৎলি অমসুং মতিক-ময়াই লৈবা মেদিকেল কেয়র অসি লৈবাক অসিগী কোনুং খুদিংদা য়ৌহনবা ঙম্লি।

ঐখোয়না বিকসিত ভারত অমা শেমগৎনবা থবক পায়খৎলিবা অসিদা ঐখোয়গী দোক্তরশিংনা প্রিভেন্তিব হেল্থকেয়র প্রমোত তৌবা, মেদিকেল রিসর্স অসি মাংলোমদা পুখৎপা, ইনোবেসন য়াওহনবা অমসুং মীপুম খুদিংমক্কিদমক মমল হোঙবা, য়ৌবা ঙম্বা হেল্থকেয়র ফংহনবদা মখা তানা মরুওইবা থৌদাং লৌগনি।

#NationalDoctorsDay

On Doctors’ Day, greetings to our dedicated doctors, whose hard work, compassion and commitment form the backbone of India’s healthcare system. Their tireless efforts, often in the most challenging circumstances, have earned the trust and gratitude of countless people.

Over the…

— Narendra Modi (@narendramodi) July 1, 2026

ঙসি ঐখোয়না দোক্তরশিংগী নুমীৎ পাঙথোক্লিবা অসিদা, #OperationAmistad গী শরুক অমা ওইনা ভেনিজুয়েলাদা লেপ্পা লৈতনা থবক তৌরিবা ভারতকি দোক্তর অমসুং মেদিকেল প্রোফেস্নেল পুম্নমকপু ঐহাক্না থাগৎপা ফোঙদোকচরি। অসিগুম্বা শিংনবা মতম অসিদা, মথৌ তাবশিংগী সেবা তৌনবা মখোয়না হোৎনরিবা অসি ঐখোয়গী খুন্নাই অসিনা শিংনবা অমা মায়োক্নরকপা খুদিংদা মতৌ করম্না মেদিকেল প্রোফেস্নেলশিংনা থৌরম অসিদা ৱাংখৎলকপগে হায়বগী মঙাল পিবগী খুদমশিংনি।

Today, as we mark Doctors’ Day, I would like to appreciate all the doctors and medical professionals from India who are tirelessly working in Venezuela, as a part of #OperationAmistad. In such a challenging time, their efforts to serve those in need are shining examples of how… https://t.co/IXhEse64ev

— Narendra Modi (@narendramodi) July 1, 2026

***