ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা মহাক্না ওফিস পায়রকপা মতমদগী হৌজিক ফাওবদা ফংখিবা মেমেন্তোশিং নিলাম লাওবগী চয়োল অনি চংনা চত্থরকপা থৌওং অদু থাংজ নুমীৎকী নুমিদাংৱাইরমদা লোইশিনখ্রে।
নিলাম লাওবগী থৌওং অদুদা ভারতকী মীয়ামদগী অকিবা ফংনা রেস্পোন্স ফংখি। থৌওং অদুদা শরুক অনি লৈখি– নুমীৎ নিনিগী ওইনা নেস্নেল গেল্লরী ওফ মোদর্ন আর্ততা পাংথোকপা ফিজিকেল ওক্সন অমা, অমসুং pmmementos.gov.in ৱেবসাইতকী থোংদা ই–ওক্সন অমনি।
মতম অসিগী মনুংদা মেমেন্তো ১৮০০ হেনববু খ্বাইদগী ৱাংবা বিদ্দরদা মায় পাক্না নিলাম লাওথোকখি।
নিলাম লাওবা অসিদগী ফংলকপশিং অদু নমামী গঙ্গাগী অচৌবা মরমশিংদা মতেং ওইনবগী মায়কৈদা শিজিন্নগনি।
নিলাম লাওবা অসিগী শম্লকপা ৱাফম খরা
নেস্নেল গেল্লরী ওফ মোদর্ন আর্ত্তা পাংথোকপা নিলাম লাওবা অদুগী মনুংদা, থোইদোক হেন্দোক্না হেন্দিক্রাফ তৌরবা উগী বাইক অমা, লুপা লাখ মঙাগী মায়পাক্লবা বিদ অমা ফংবা ঙমখি। মদুগা মান্নবা বিদ অমসু অখন্নবা অয়েকপা লাই অমদগী ফংবা ঙমখি, মদুদা প্রধান মন্ত্রী মোদীবু রেলৱে প্লেৎফোর্ম অমদা য়েক্তুনা উৎলি।
ই–ওক্সগী মনুংদসু য়েংবা য়াবা বিদ খরা ফংবা ঙমখি।
অতোপ্পা মেমেন্তো কয়া অমা মখোয়গী বেজ প্রাইজতগী শরুক কয়া হেন্না নিলাম লাওথোকখি।
প্রধান মন্ত্রী মোদীনা গুজরাতকী মুখ্য মন্ত্রী ওইরিঙৈ মতমদসু মহাক্না ফংলকপা মেমেন্তোশিং নিলাম লাওথোক্তুনা নুপীমচাশিংগী এজুকেসনগীদমক শিজিন্নখি। চপ মান্নবা থৌওং অদু মখা চত্থরদুনা শেংলবা তুরেল গঙ্গা শেংদোকপদা মতেং ওইনবা ফন্দ খোমজিনবা ঙমহল্লে।
