ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ন্যু দিল্লীদা লৈবা ৭ লোক কল্যান মার্গতা অহানবা ফিলিপ কোতলর প্রসিদেন্সিয়েল এৱার্দ লৌখ্রে। এৱার্দ অসিনা পিপল, প্রোফিৎ অমসুং প্লানেৎকী ত্রিপল বোত্তম-লাইনদা মীৎয়েং থম্লি। মসি লাবাক অমগী লুচিংবদা চহী খুদিংগী লানথোক্কনি।

এৱার্দ সাইতেসন অসিদা হায়রি:

“শ্রী নরেন্দ্র মোদী অসি লৈবাক অসিগী ওইবা মহাক্কী থোইদোক হেন্দোকপা লিদরশিপকীদমক খল্লে। মহাক্না ভারতকীদমক মশাগী খন্দনা চোকথবা নায়দনা থবক তৌবনা, লৈবাক অসিদা থোইদোক হেন্দোকপা ইকোনোমিক, সোসিয়েল অমসুং তেক্নোলোজিকেল এদভান্সশিং ফংবা ঙমখি।”

“মহাক্কী লুচিং মখাদা, ভারত অসি হৌজিক ইনোবেসন অমসুং ভেল্যু এদেদ মেনুফেকচরিং (মেক ইন ইন্দিয়া)গী কেন্দ্র অমগুম লোয়ন লোয়ননা ইনফোর্মেশন তেক্নোলোজী, একাউন্তিং অমশুং ফাইনান্সগুম্বা প্রোফেস্নেল সর্বিসশিংগীদমক গ্লোবেল হব অমগুম শকখংলে।” হায়না সাইতেসন অসিনা মখা তারি।

“মহাক্কী খংগন উগনবা লিদরশিপনা সোসিয়েল বেনিফিৎ অমসুং ফাইনান্সিয়েল ইনক্লুজনগীদমক য়ুনিক আইদেন্তিফিকেসন নম্বর, আধার য়াওনা দিজিতেল রিভোলুসন (দিজিতেল ইন্দিয়া)দা অহোংবা পুরকপা ঙমখি। মসিনা এন্তরপ্রিনরশিপ, ইজ ওফ দুইং বিজিনেস অমসুং ভারতকীদমক ২১শুবা চহীচাগী ইনফ্রাস্ত্রকচর অমা শেমগৎপা ঙমহল্লে।” হায়নসু সাইতেসন অদুদা মখা তারি।

সাইতেসন অদুনা মেক ইন ইন্দিয়া, স্তার্ত অপ ইন্দিয়া, দিজিতেল ইন্দিয়া অমসুং স্বচ্ছ ভারতকুম্বা ইনিসিয়েতিবশিং পনখি। “মদুনা ভারতপু মালেমদা খ্বাইদগী শেন্দোং লৈবা মেনুফেকচরিং অমসুং বিজিনেস দেস্তিনেসন অমগুম লৈহল্লে।”
প্রোফেসর ফিলিপ কোতলর অসি নোর্থৱেস্তর্ন য়ুনিবর্সিতী, কেল্লোগ স্কুল ওফ মেনেজমেন্তদা মার্কেতিংগী মালেমনা শকখংলবা প্রোফেসর অমনি। মহাক্কী হকচাংগী ফীভম ফত্তবনা মরম ওইদুনা ফিলিপ কোতলরনা ইমোরী য়ুনিবর্সিতী, জোর্জিয়া, য়ু.এস.এ,গী দাক্তর জগদিশ শেথপু এৱার্দ অদু লান্থোক্লুনবা থারকখি।

***