ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীদা সেচেলগী রাষ্ট্রপতি দোক্তর পেত্রিক হরমিনিনা প্রসিদেন্সিএল দিষ্টিঙ্কসন অমা- ‘গার্জিয়ান ওফ ব্লু হোরাইজন’ পীদুনা ইকায়খুম্নবা উৎখ্রে। মহাক্কী গ্রিন লিদরশিপ অমসুং চাউখৎলক্লিবা লৈবাকশিংগী য়াইফনবা পায়খৎলিবা থবকশিং অমসুং ব্লু ইকোনোমি, ক্লাইমেত এক্সন অমসুং সমুদ্রগী লনশিং তুংকোইনা চৎনগদবা মওংদা শীজিন্নবা অমসুং অপীকপা চাউখৎলক্লিবা ইথৎ লৈবাকশিংগী য়াইফনবা মহাক্না পায়খৎলিবা থবকশিংগীদমক মনা অসি পীবনি। হন্দক্কী অসিনা মনা অসি পীবা অহানবনি।

প্রধান মন্ত্রীনা মনা অসি মহৌশাগী অকোয়বগী ফিবম ঙাক-শেন্নবা অমসুং অইং-অশাগী খল হোংলকপা মায়োক্নরিবা লৈবাকশিংদা কৎথোকখি। মহাক্না হায়খি মদুদি লৈবাক অনি কুতনিতিগী মরী লৈনরকপা চহি ৫০ মপুংফারকপা মতম অমদা মনা অসি পীরি, মসিনা মখা তানা অখন্নবা মরুপ-মপাংগী মরী অসি লৈহৌরগনি। ইন্তরনেসনেল সোলার এল্লাইন্স, মিসন লাইফ, এক পের মা কে নাম, ইন্তরনেসনেল বিগ কেত এল্লাইন্স য়াওনা অশং-অমান্না থল্লবা মালেম অমা ওইহন্নবা মতম শাংনা প্রধান মন্ত্রীনা পায়খৎলক্লিবা থবকশিং মনা অসিনা মশক খঙলে। তুংকোইনা চৎনবা য়াবা চাউখৎ-থৌরাংগী থবকশিং পায়খৎপগীদমক এফ.এ.ওগী  এগ্রিকোদা মেদল, সোল পিছ প্রাইজ অমসুং য়ু.এন চেম্পিয়ন ওফ আর্থ এৱার্দ য়াওনা ইকায়খুম্নবা কয়া মথং মথং পীরকপদা মসিনা খ্বাইদগী নৌবা ইকায়খুম্নবনি।

কেপাসিতি বিল্দিং, মহৌশাগী অকোয়বগী ফিবম ঙাক্নবা থবক, তুংকোইনা চৎনবা য়াবা চাউখৎ-থৌরাংগী থবকশিং অমসুং ভারত মহাসাগর লমদম শীনবা থুংনা মরুওইবা থবকশিং শরুক য়ামিন্নবা হেনগৎহন্নবা থাজবা য়ারবা মরুপ অমা ওইনা ভারতনা থৌদাং লৌবা হেনগৎলকপা অসিগী মরুওইবা সেচেলনা খঙদুনা মনা অসি পীবনি।

***