ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা জুলাই ৯, ২০২৬দা মেলবোর্নদা ওস্ত্রেলিয়াগী প্রধান মন্ত্রী,  ইকাইখুম্নরবা এন্থোনী অলবেনিজ এম.পি.না য়ুম্বু ওইদুনা শিনখিবা ৩শুবা ভারত-ওস্ত্রেলিয়া এন্যুৱল সম্মিত্তা শরুক য়াখ্রে। গবর্নমেন্ত হাউস য়ৌরকপদা, প্রধান মন্ত্রী মোদীবু প্রধান মন্ত্রী অলবেনিজনা নুংশি-চান্ননা তরাম্না ওকখি অমসুং চৎনবীগী মতুং ইন্না মহাকপু তরাম্না ওকখি।

প্রধান মন্ত্রীশিংনা হকথেংননা শক-মাই উনদুনা ৱারী শানখি অমসুং মসিগী মতুংদা দেলিগেসনগী থাক্তা ৱারী শানখি। মখোয়না ভারত-ওস্ত্রেলিয়া কম্প্রিহেন্সিব স্ত্রেতেজিক পার্তনরশিপকী চহি তরুক মাইপাক্না মপুং ফারকপবু তরাম্না ওকখি। লুচিংবা অনিমক্না লৈবাক অনিগী মরীশিংগী মপুং ফাবা মওংদা চাউখৎলক্লিবা অদু য়েংশিনখি অমসুং ললোন-ইতিক অমসুং ইনভেস্তমেন্ত, ঙাকশেল অমসুং সেক্যুরিতী, মরুওইবা মিনরেলশিং, সাইবর অমসুং অনৌবা তেক্নোলোজীশিং, স্পেস, সিভিল ন্যুক্লিয়র, ক্লিন ইনর্জী, এজুকেসন অমসুং মীয়ামগী মরক্তা লৈনরিবা মরীশিং য়াওনা মরুওইবা লমশিংদা মখাতানা মতেং পীনবগী মতাংদা খন্নখি।

প্রধান মন্ত্রী অনিমক্না চাউখৎলক্লিবা ইকোনোমিক পার্তনরশিপ অদু পনখি অমসুং এম্বিসিয়স, বেলেন্স অমসুং ম্যুচেল বেনিফিসিয়েল ওইবা কমপ্রিহেন্সিব ইকোনোমিক কোওপরেসন এগ্রীমেন্ত (সি.ই.সি.এ.) অসিবু অথুবা মতমদা ৱারোইশিন অমা পুরক্নবগী মখোয়গী ফিরেপ অদুবু অমুক হন্না ফোংদোকখি। মখোয়না ওস্ত্রেলিয়া-ইন্দিয়া সি.ই.ও.শিংগী ফোরম অমসুং ঙসি অঙনবা মতমদা পাংথোকখিবা ইকোনোমিক বিজিনেস রোদমেপকী থৌরমদা খন্ন-নৈনখিবা অদুগী আউৎকমশিং অদুবু তরাম্না ওকখি অমসুং লৈবাক অনিমক্কী বিজিনেসশিংবু মরুওইবা সেক্তরশিংদা অনৌবা ইনভেস্তমেন্ত খুদোংচাবশিং থিদোক্নবা পুক্নিং থৌগৎখি। লৈবাক অনিগী মরক্তা এজুকেসন কোওপরেসন মখাতানা হেঙ্গৎলক্লিবা অদুসু মখোয়না ফোংদোকখি। মসিগী মতাংদা, মখোয়না ভারত্তা ওস্ত্রেলিয়াগী য়ুনিভর্সিতীশিং হেনগৎলকপা অমসুং তুংলমচৎকীদমক্তা শেম-শারবা ৱার্কফোর্স অমা শেমগৎনবা, ইন্নোবেসন পুক্নিং থৌগৎনবা অমসুং মীয়ামগী মরক্তা লৈনরিবা মরী অসি মপাঙ্গল কনখৎহন্নবা এজুকেস্নেল পার্তনরশিপকী থৌদাং অদু থাগৎপা ফোংদোকখি।

লুচিংবা অনিনা ওস্ত্রেলিয়াদা লৈরিবা ভারত মচাশিংনা ওস্ত্রেলিয়াগী খুন্নাইদা কান্নবা পীবগীদমক অমসুং লৈবাক অনিগী মরক্তা থোং অমা ওইনা থবক তৌবগীদমক থাগৎপা ফোংদোকখি। মখোয়না অমগা অমগা খঙমিন্নবা হেনগৎলক্লিবা কলচরেল একচেঞ্জশিং অদুসু পনখি অমসুং ওস্ত্রেলিয়াগী ইন্সতিত্যুসনশিংনা থম্লিবা কলচরেল আর্তিফেক্ত কয়া অমা ভারততা মশানা য়ানিংনা ভোলন্তরী ওইনা হল্লকপবু তরাম্না ওকখি। তামিল নাদুগী হৌরকফমগী পোৎলমশিং – শেংলবা নন্দিগী নুঙগী অহকপা শক্তম, ভদ্রাকালিগী মমি য়াওবা মেতল ত্রাইদেন্ত অমসুং নুঙগী মকোক তরুক্কী কার্তিকেয়াগী মীতম – হায়রিবশিং অসি অথুবা মতমদা ভারত্তা অমুক হন্না পুরক্লগনি।

প্রধান মন্ত্রী অনিমক্না মল্তিফেসেতেদ ভারত-ওস্ত্রেলিয়া কম্প্রিহেন্সিব স্ত্রেতেজিক পার্তনরশিপ মখাতানা চেৎশিলহন্নবা মখোয়গী অচেৎপা ফিরেপ অদু অমুক হন্না ফোংদোক্নখি। মখোয়না রিজনেল অমসুং গ্লোবেল দিবেলপমেন্তশিংগী মতাংদসু ৱাখল্লোনশিং ফোংদোক্নখি অমসুং ফ্রী, ওপন অমসুং প্রোসপরস ইন্দো-পেসিফিক অমগীদমক মখোয়গী ফিরেপ অদু অমুক হন্না ফোংদোক্নখি।

খোঙচৎ অদুদা নাকল অনিমক্না মেরিতাইম সেক্যুরিতী, সিভিল ন্যুক্লিয়র ইনর্জী, স্কিল দিবেলপমেন্ত, ইমর্জিং তেক্নোলোজী, সাইন্স অমসুং তেক্নোলোজী অমসুং ফিল্ম মেকিংগী লমশিংদা এম.ও.য়ু.শিং/ এগ্রীমেন্তশিং ফাইনেল তৌনখি। মসিগী মথক্তা, মখোয়না দিফেন্স অমসুং সেক্যুরিতী, ইনর্জী সিক্যুরিতী, এজুকেসন, কলচরেল প্রোপর্তীশিংগী রিপাত্রিয়েসন, সোলর ইনর্জী, ত্রেদিস্নেল নোলেজ অমসুং এজুকেসনগী লমশিংদা বাইলেতরেল দোক্যুমেন্তশিংসু লোইশিনখি। অপুনবা আউৎকমশিংগী লিস্তশিং অদু  [link] অসিদা  য়েংবা য়াগনি ।

প্রধান মন্ত্রী মোদীনা প্রধান মন্ত্রী অলবেনিসকী মফমদা মহাক অমসুং মহাক্কী দেলিগেসনবু তরাম্না ওকপগীদমক থাগৎপা ফোংদোকখি।

***