ভারতকী প্রধানমন্ত্রী
আই এন এস ভি তারিনী ভেসেল হোন্দুনা মালেমবু ইশিং লম্বীদা মায় পাক্না কোয়না চৎখিবা ভারত নেভীগী নুপী ওফিসার তরুক্না ঙসি প্রধান মন্ত্রী নরেন্দ্র মোদীগা উনখ্রে।
নেভিকা সাগর পরিক্রমা হায়না খঙনবা এক্সপিদিসন অসি নুপী ক্র্যু ঙাক্তনা মালেমবু ইশিং লম্বীদা কোয়না চৎখিবা ভারতকী অহানবা এক্সপিদিসন্নি।
ৱারী শান্নখিবা অদুগী মনুংদা ক্র্যু মেম্বরশিংনা মিশনগী তোঙান তোঙানবা এস্পেক্তশিং, মখোয়গী প্রিপরেশন, ত্রেনিং অমদি এক্সপরিয়েন্সদা প্রজেন্তেসন অমা লানথোকখি।
প্রধান মন্ত্রীনা ক্র্যু মেম্বশিংবু মখোয়গী মিশন মায় পাক্লকপদা নুংঙাইবা ফোংদোকখি। খোংচৎ মনুংদা মখোয়না থেংনখিবা এক্সপরিয়েন্সশিংগী মরমদা সেয়র তৌনবা অমদি ইনবা মহাক্না পুক্নিং থৌগৎখি। থৌরম অদুদা নেভেল স্তাফকী মকোক, এদমিরেল সুনিল লানবাসু শরুক য়াখি।
ভেসেল অসি লেফতিনেন্ত কমান্দর বর্তিকা জোসীনা লুচিংখি অমদি ক্র্যু মেম্বরদা লেফতিনেন্ত কমান্দর প্রতিভা জামৱাল, পি স্বাতী অমদি লেফতিনেন্ত এস বিজয়া দেবী, বি আইশ্বরিয়া অমদি পায়ল গুপ্তসু য়াওরি।
