ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি পুৱারী ওইরবা আর্তিকল ৩৭০ অমসুং ৩৫(এ) মুথৎখিবা চহি তরেৎ মপুং ফারকপা নীংশিংলদুনা ২০১৯গী ওগস্ত ৫ অসি ভারতকী ইনক্লুসিব দিবেলপমেন্তকী মায়কৈদা চংশিল্লিবা খোঙচৎকী মরুওইবা মাই পাকপা নুমিৎ অমনি হায়না ফোঙদোকখ্রে।

শ্রী মোদীনা হায়খি মদুদি হৌখিবা চহি তরেৎ অসিদা জম্মু অমসুং কাশ্মীর অমসুং লদাখকী মীয়াম্না সেক্তর খুদিংমক্তা চাউনা অহোংবা লাক্লি। ইনফ্রাস্ত্রকচর চাউনা পাকথোক চাউথোকহনখ্রে, এজুকেসন, হেল্থকেয়র, ওন্ত্রপ্রেন্যুরশিপ অমসুং স্পোর্তসতা অনৌবা খুদোংচাবশিং থোরক্লে। “চহী কয়াগী মমাংদগী সংবিধান্না পীবা হক কয়া ফংবা ঙমদ্রবা নুপীশিং অমসুং লায়রবা কাংলুপকী মীওইশিং হৌজিক্তি ভারতকী সংবিধান মপুং ফানা শীজিন্নবগী খুত্থাংদা মপাঙ্গল কনখৎহল্লে।”

প্রধান মন্ত্রীনা ফোংদোকখি মদুদি চহি অসিগী কুমওন অসি হেন্না মরু ওই মরমদি লৈবাক অসিনা দোক্তর শ্যাম প্রসাদ মুকর্জীগী ১২৫শুবা মপোক কুমওন পালন তৌরি। মহাক্না হায়খি মদুদি দোক্তর মুকরজীনা মতম পুম্নমক্তা নেস্নেল য়ুনিতীগীদমক হোৎনখিবা অসিনা ঙসিসু মীরোল কয়াগী পুক্নিং থৌগৎলি। মহাক্না মঙজখিবা মঙলান অসি ২০১৯গী ওগস্ত ৫দা পুৱারী ওইরবা মওংদা মঙফাওনখি।

জম্মু অমসুং কাশ্মীর অমসুং লদাখকী চাউখৎ-থৌরাংগীদমক সরকারনা লেপ্পা লৈতনা হোৎনরি হায়না প্রধান মন্ত্রীনা ফোংদোকখি। মহাক্না হায়খি মদুদি নাগরিক খুদিংমক্না অচৌবা মঙলান , মখোয়গী অপাম্বা মঙফাওনবা অমসুং বিক্সিত ভারতকী মঙলানদা শরুক য়ানবা খুদোংচাবা ফংগদবনি।

প্রধান মন্ত্রীনা এক্সতা পোস্ত তৌখি:

চহি তরেৎকী মমাংদা, ঙসিগী নুমিৎ অসিদা, আর্তিকল ৩৭০ অমসুং ৩৫ (এ) অসি পুৱারী অমা ওইহনখি। মসিনা জম্মু অমসুং কাশ্মীর অমসুং লদাখকী খোঙচৎতা অনৌবা চেপ্তর অমা শেমখি।

মতম অদুদগী হৌনা, জম্মু অমসুং কাশ্মীর অমসুং লদাখকী মীয়ামগী পুন্সিদা চাউনা অহোংবা লাক্লি। ইনফ্রাস্ত্রকচর পাকথোক চাউথোক্লে, এজুকেসন, হেল্থকেয়র, ওন্ত্রপ্রেন্যুরশিপ অমসুং স্পোর্তসকুম্বা লমশিংদা খুদোংচাবশিং হেনগৎলে। নুপী ওইবীশিং নৎত্রগা শোথরবা কাঙলুপশিং, চহী কয়াদগী মখোয়গী শংবিধান্না পীবা  তঙাই ফদবা হকশিং ফংদনা লাক্লবা মীওইশিং অদু ভারতকী সংবিধান শীজিন্নদুনা শক্তি লৈহনখ্রে।

চহি অসিগী কুমওন অসি হেন্না মরু ওই মরমদি লৈবাক অসিনা দোক্তর শ্যাম প্রসাদ মুকর্জীগী ১২৫শুবা মপোক কুমওন পালন তৌরি। মহাক্না হায়খি মদুদি দোক্তর মুকরজীনা মতম পুম্নমক্তা নেস্নেল য়ুনিতীগীদমক হোৎনখিবা অসিনা ঙসিসু মীরোল কয়াগী পুক্নিং থৌগৎলি। মহাক্না মঙজখিবা মঙলান অসি ২০১৯গী ওগস্ত ৫দা পুৱারী ওইরবা মওংদা মঙফাওনখি।

জম্মু অমসুং কাশ্মীর অমসুং লদাখকী চাউখৎ থৌরাংগীদমক ঐখোয়গী অচেৎপা ফিরেপ অদু ঐখোয়না অমুক হন্না ফোংদোক্লি। মীপুম খুদিংমক্না চাউনা মঙলান থম্বা, মায় পাকপা অমসুং বিক্সিত ভারত অমা শেমগৎপদা শরুক য়াবগী খুদোংচাবা ফংহন্নবা ঐখোয়না হোৎনরি।

 ***