ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা আয়ুশ সেক্তর প্রেক্তিস্নরশিংগা ৱারী শানখ্রে।
প্রধান মন্ত্রীনা হায়খি মদুদি আয়ুশ সেক্তরদা লৈবাক অসিবু মশা-মউ ফনা থম্নবা শাংলবা ত্রেদিসন অমা লৈরি অমদি কোবিদ-১৯ থেংননবগীদমক হৌজিক চত্থরিবা হোৎনরিবশিংদা মসিগী মগুন শরুক কয়া হেঙ্গৎলে। প্রধান মন্ত্রীনা হায়খি মদুদি মখোয়গী নেৎৱার্ক অসি লৈবাক্কী মফম পুম্নমক্তা শন্দোক্লি, মরম অদুনা মখোয়গীদমক্তা মসি য়াম্না দরকার ওই মদুদি মখোয়না দবল্যু.ঐচ.ও.গী গাইদলাইন মতুং ইন্না থবক তৌদুনা অফবা প্রেক্তিসশিংগী পাউজেল শন্দোক্নবগীদমক নেৎৱার্ক অসি শিজিনগদবনি মদুনা ভাইরসপু শন্দোকপদগী থিংনবগীদমক হোৎনরিবশিংদা এদোপ্ত তৌবা মথৌ তাই। মহাক্না মসিগী খুদোংচাদবা মতম অসিগী মনুংদা পুক্নিং লৈতাহন্নবা অমসুং হকচাং ফগৎহন্নবা #YogaAtHome প্রমোৎ তৌবদা আয়ুশ মন্ত্রালয়না হৌজিক হোৎনরিবশিং অদু থাগৎখি।
প্রধান মন্ত্রীনা আয়ুশতা লাইনা অসিগী লাইয়েং লাইয়েংবগী প্রমান লৈতবা হিদাক-লাংথকশিংবু কাউন্তর তৌবা অমসুং অশেংবা খংদোকপা মরু ওইবদা অকনবা ৱাফম থমখি। মহাক্না মখা তাখি মদুদি আয়ুশ সাইন্তিস্তশিং, আই.সি.এম.আর., সি.এস.আই.আর. অমসুং অতোপ্পা রিসর্স ওর্গনাইজেসনশিংনা খুদম চাংদমদা য়ুমফম ওইবা রিসর্সকীদমক অমত্তা ওইনা পুন্সিনগদবনি। মহাক্না হায়খি মদুদি লৈবাক অসিনা শিংনরকপা অসি লান্থোক্নবগীদমক হেল্থকেয়র ৱার্কফোর্স পুম্নমক শিজিন্ননবা থৌরাং তৌগদবনি, অদুগা করিগুম্বা মথৌ তারগদি সরকারনা আয়ুশকা শম্নরিবা প্রাইভেৎ দোক্তরশিংদগী মতেং পীনবা হায়জবা য়াই।
প্রধান মন্ত্রীনা সজেসন পীখি মদুদি আয়ুশ মেদিসিন পুথোক্লিবশিংনা মখোয়গী রিসোর্সশিং অদু হৌজিক য়াম্না দিমান্দ লৈরিবা সেনিতাইজরগুম্বা চংদ্রবা য়াদ্রবা পোৎলমশিং পুথোকপদা শিজিন্নবা য়াই। মহাক্না মখোয়দা লাইচৎ অসি থেংননবা মীয়ামদা য়ৌহনবা অমসুং লেপ্তনা এৱারনেস জেনরেত তৌনবগীদমক তেলিমেদিসিনগী প্লেৎফোর্ম শিজিন্নবা অকনবা ৱাফম থমখি। মহাক্না লাইচৎ অসি শন্দোরকপা থিংনবগীদমক মপুং ফাবা থৌনাগা লোয়ননা সোসিয়েল দিস্তেন্সিগী মরু ওইবদসু ফোংদোকখি।
আয়ুশ প্রেক্তিস্নরশিংনা কোবিদ-১৯গী মায়োক্তা চত্থরিবা লৈবাক অসিগী লান লুচিংবগীদমক প্রধান মন্ত্রীবু থাগৎখি। মখোয়না ইম্যুনিতীদা ইনোৎ পীনবগী মায়কৈদা মসিগী ত্রেদিস্নেল প্রেক্তিসশিং অসিগী ইম্পেক্তকী মতাংদা ৱারী শানখি। মখোয়না সীম্পতোমেতিক ত্রিৎমেন্তকীদমক রিসর্স কন্দক্ত তৌনবা মখোয়না হোৎনরিবশিং অদুসু ফোংদোকখি, অমদি ক্রাইসিসকী মতম অসিদা লৈবাক অসিগী সেবা তৌনিংবগী অপাম্বসু ফোংদোকখি।
প্রধান মন্ত্রীনা হায়খি মদুদি মালেম পুম্বদা ভারতকী ত্রেদিস্নেল মেদিসিনশিং অমসুং মেদিকেল প্রেক্তিসশিংগী মতাংদা এৱার্নেস শেমগৎপা অসিসু মরু ওই। মহাক্না আয়ুশ প্রেক্তিস্নরশিংবু মীয়ামগী সেবা তৌবগীদমক থাগৎখি অমদি মসিগা লোয়ননা কোবিদ-১৯গী মায়োক্তা ভারতনা থেংনরিবা লানদা মখোয়না লৌগদৌরিবা মরুওইবা থৌদাং অদু অমুক হন্না ফোংদোকখি।
আয়ুশকী য়ুনিয়ন মিনিস্তর, কেবিনেৎ সেক্রেতরী অমসুং আয়ুশ মন্ত্রালয়গী সেক্রেতরীসু ৱারী শানবা অদুদা শরুক য়াখি।
