ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি কতার স্তেতকী অমির হিস এক্সেলেন্সী শেখ তামিম বিন হামাদ অল থানিগা তেলিফোনদা ৱারি শানখ্রে।

প্রধান মন্ত্রীনা কতারগী ফাদর অমির, হিস এক্সেলেন্সী শেখ হামাদ বিন খলিফা অল থানিনা লৈখিদবদা থমোই শেংনা নুংঙাইতবা ফোংদোকখ্রে।

ফাদর অমিরনা মোদর্ন কতারগী চীফ আর্কিতেক অমা ওইনা মহাক্না লৌখিবা শিংথানিংঙাই ওইরবা থৌদাংশিং অদু নীংশিংলদুনা, প্রধান মন্ত্রীনা মহাক্কী ভিজনরী ওইবা লীদর্শিপ অদুবু ইকায় খুম্নবা উৎখি অমসুং চহি কয়াদগী ভারত-কতারগী মরীবু হেন্না মপাঙ্গল কনখৎহনবদা মহাক্না লৌখিবা মরুওইবা থৌদাং অদুগা লোয়ননা ভারত অমসুং কতারদা লৈরিবা ভারত মচাশিংগীদমক্তা মহাক্না থমখিবা থম্মোয়গী ওইবা মীনুংশি অদুসু প্রধান মন্ত্রীনা নীংশিংখি।

কতারগী অমিরনা প্রধান মন্ত্রীবু মহাক্কী কোলগীদমক থাগৎপা ফোংদোকখি অমসুং অরুবা মতম অসিদা অৱাবদা শরুক য়ারিবা মহাক্কী ৱাহৈশিং অদুবু থাগৎপা ফোংদোকখি।

লুচিংবা অনিনা ফাদর অমিরগী লিগেসী মখাতানা পুখৎনবা অমসুং ভারত-কতার স্ত্রেতেজিক পার্তনরশিপ অমসুং মীয়ামগী মরক্তা লৈনরিবা মরী অদু মখাতানা চেৎশিলহন্নবা মখোয়গী ৱারেপ অদু অমুক হন্না ফোংদোক্নখি।

মখোয়না নক্নবা মরী লৈননবা য়ানখি।

***