ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি কালপাক্কমদা লৈবাক অসিদা দিবেলপ তৌজবা প্রোতোতাইপ ফাস্ত ব্রীদর রিএক্তর (পি.এফ.বি.আর.) অসিনা মায় পাক্না ক্রিতিকেলিতী ফংলকপগীদমক ভারতকী বিজ্ঞানিকশিং অমসুং ইঞ্জিনীয়রশিংদা নুংঙাইবা ফোংদোকখ্রে।

প্রধান মন্ত্রীনা হায়খি মদুদি ভারতনা সিভিল ন্যুক্লিয়রগী খোঙচৎতা মশক থোকপা খোঙথাং অমা থাংজিল্লে। মসিনা মাগী ন্যুক্লিয়র প্রোগ্রামগী অনিশুবা তাঙ্কক্কী মরুওইবা খোঙথাং অমনি। মহাক্না অকনবা ৱাফম থমখি মদুদি অৱাংবা থাক্কী রিএক্তর অসিনা লৈবাক অসিগী মপাঙ্গল কনবা সাইন্তিফিক কেপাসিতীশিং অমসুং মপাঙ্গল কনবা ইঞ্জিনীয়রিং এক্সপর্তিস উৎলি।

শ্রী মোদীনা হায়খি মদুদি মসিগী মায় পাকপা অসিনা ন্যুক্লিয়র প্রোগ্রামগী অহুমশুবা তাঙ্কক্কী মখাদা ভারতকী থোরিয়ম রিজর্বশিংবু মপুং ফানা শীজিন্ননবা লম্বী য়াৎলি।

মসি লৈবাক অসিগীদমক চাউথোকচনীংঙাই ওইবা তাঞ্জা অমনি হায়না পল্লদুনা, প্রধান মন্ত্রীনা মাইলস্তোন অসি ফংনবা হোৎনখিবা পুম্নমক্কী হোৎনবা কনবা অমসুং থৌনাবু থাগৎপা ফোংদোকখি।

প্রধান মন্ত্রীনা এক্সতা ইখি;

“ঙসি, ভারতনা সিভিল ন্যুক্লিয়রগী খোঙচৎতা মরুওইবা খোঙথাং অমা লৌখৎলি, মসিনা মাগী ন্যুক্লিয়র প্রোগ্রামগী অনিশুবা তাঙ্কক্তা চংশিল্লি।

কালপাক্কমদা লৈবা লৈবাক অসিদা দিজাইন তৌরবা অমসুং শাগৎখিবা প্রোতোতাইপ ফাস্ত ব্রীদর রিএক্তরনা ক্রিতিকেলিতী ফংবা ঙমখ্রে।

মসিগী এদভান্স রিএক্তর অসিনা, মসিদা চংগদবদগী হেনবা ফ্যুএল পুথোকপা ঙম্মি, মসিনা ঐখোয়গী সাইন্তিফিক কেপাসিতী অমসুং ঐখোয়গী ইঞ্জিনীয়রিং এন্তর্প্রাইজকী পাঙ্গল অদু উৎলি। প্রোগ্রাম অসিগী অহুমশুবা তাঙ্কক্তা ঐখোয়গী অচৌবা থোরিয়ম রিজর্বশিং শীজিন্ননবগী মায়কৈদা মসি মরু ওইবা খোঙথাং অমনি।

ভারতকীদমক্তা চাউথোকচনীংঙাই ওইবা তাঞ্জা অমনি। ঐখোয়গী বিজ্ঞানিকশিং অমসুং ইঞ্জিনীয়রশিংদা নুংঙাইবা ফোংদোকচরি।”

Today, India takes a defining step in its civil nuclear journey, advancing the second stage of its nuclear programme.

The indigenously designed and built Prototype Fast Breeder Reactor at Kalpakkam has attained criticality.

This advanced reactor, capable of producing more fuel…

— Narendra Modi (@narendramodi) April 6, 2026

***