ভারতকী প্রধানমন্ত্রী
প্রধান মন্ত্রী – স্মিত খুরুমজরি।
কেপ্তেন স্মিত –জয় হিন্দ, সার। খুরুমজরি, সার।
প্রধান মন্ত্রী –হৌজিক অদোম কমদৌরি? অদোমগী হকচাংগী ফিবম কমদৌরিবগে?
কেপ্তেন স্মিত –সার, য়াম্না ফগৎলে; খুদিংমক ফরে।
প্রধান মন্ত্রী –য়েংউ, লৈবাক শীনবা থুংনা অদোমগীদমক লাই খুরুম্লি; মফম খুদিংমক্ত মহামৃত্যুঞ্জয় শোল্লে।
কেপ্তেন স্মিত – হোই, সার।
প্রধান মন্ত্রী –অদোমগী থৌনা, অদোমগী খাংবা কনবা অমসুং অদোমগী পাইরক্কী লৌশিং-অদোম্না সেকেন্দ অমগী মচেৎ অমদা ৱারেপ কয়া লৌখি…
কেপ্তেন স্মিত – অচুম্বনি, সার।
প্রধান মন্ত্রী –…. অমসুং মীওই কয়াগী থৱায় কল্লে। ঙসিদি, ঐখোয় ভারতমচাশিং মীহাৎপশিং নত্তে, থৱায় কনবা মীওইশিংনি হায়না লৈবাক শীনবা থুংনা চাউথোক্না হায়বা ঙম্লে।
কেপ্তেন স্মিত – অচুম্বনি, সার।
প্রধান মন্ত্রী –অদোম শাথিনা শোক্লবসু অমসুং থৱায় হিংনবা লান্থেংনরবসু, অদোম্না অদোমগী পুন্সিগী করি অমতা খনখিদে; অদোম্না পেসেঞ্জরশিংগী থৱায়শিং কন্নবা হোৎনখি। পুম্নমক অসিগী মথক্ত, অদোম্না ইরৈচা বিল্লিয়ন ১.৪ গী ইকায়খুম্নবা পুরক্লে।
কেপ্তেন স্মিত – অদোম থাগৎচরি, সার।
প্রধান মন্ত্রী – মরম অদুনা ঐনা থম্মোয় শেংনা চাউথোকচবা ফাওরি।
কেপ্তেন স্মিত – সার, ঐ ঙাকপীয়ু।
প্রধান মন্ত্রী –
ঙরাং, ঐনা ভুপেন্দ্র ভাই, গিতা বেন অমসুং সোনাল বেনগা ৱারি শানখ্রে; ঐনা জবা অমসুং বোবিগা ৱারি শানখিদে। অদুবু ঐনা গিতা বেন্দা হায়খি, “অদোমগী মিং গিতা, অদুবু অদোম্না তশেংনবা ভগবদ গিতাগী মহাও খঙহল্লে-কৃষ্ণগী পাউতাকশিং- অমসুং অদোম্না স্মিতকী পুন্সিদা গুনশিং অদু চেনহল্লে”।
কেপ্তেন স্মিত – অচুম্বনি, সার।
প্রধান মন্ত্রী –স্মিত, হৌজিক ঐনা অদোমদগী তানিংই।
কেপ্তেন স্মিত – সার, অদোম ঐনা খ্বাইদগী পামজবা মীওই অমনি। ঐগী পুক্নিং থৌগৎনবা অদোম্না ৱারি শারকপা অসিনা ঐনা চাউথোকচবা ফাওহল্লে। মতম অদুদা, ঐনা হিংনবা লান্থেংনখি, অদুবু করিগুম্বা ঐনা থবক পাংথোক্লমদ্রবদি হায়না ঐনা খঙবা তাঞ্জা অমা লৈখি- মফম কয়াদা শোকখি-করিগুম্বা ঐনা হৌগৎলমদ্রবদি… সার, ঐ চহি ১৭ এফ.জেৎকী এয়ক্রাফ পাইরক্লে; হৌখিবা চহি ১১ ঐ কেপ্তেন ওইদুনা লাক্লে। ঐগী মিৎ উইশিল্লবা ফাওবদা এয়রক্রাফ মনুংদা করি তৌরি হায়বা ঐ খঙখ। ঐনা তাদুনা লৈরিঙৈদা, এয়রক্রাফ পাইথরকপা অদু ঐ খঙখি। ঐনা খঙই মদুদি করিগুম্বা ঐ-স্মিতনা অরোইবা ওইনা অমুক্ত হাংদোকপা ঙম্লবদি… মসিদা থোঙ লৈরে। ঐ শোক্লবসু, ঐনা থোঙ হাংদোক্নবা হোৎনখি। মীওই খুদিংমক মতেং পাংনবা লাক্কনি অমসুং মখোয়না চপ মান্ননা মরুওইবা থৌদাং অমা লৌগনি। ঐগী থৱায় কঞ্জনবা হোৎনরিঙৈদা, ঐনা কনাগুম্বা অমতা শিহল্লোইদবনি হায়বা ঐ খঙখি। তুংদা, ঐনা মেদিলগী মতেং ফংখি-মফম অসিদা অমসুং সাউদি অরাবিয়াদা। ঐ চৈনা ফাওরবসু ঐনা অফবা ঙাক্ত খনখি, ঐনা থবক অমা খক পাংথোকখি: ঐনা হনুমান চালিসা থিখি। ঐনা মসি হঞ্জিন হঞ্জিন থিখি অমসুং ঈশ্বরনা ঐ কনবনি হায়না ঐ খঙখি। হৌজিক, অদোমদগী কোল ফংবদগী ঐনা চাউথোকবা ফাওরে। ঐ হৌজিক ইশামক চাউথোকচবা ফাওরি। অদোমগী মাঙদা কপ্পগীদমক ঐ লানখ্র, সার।
প্রধান মন্ত্রী – স্মিত, করিগুম্বা অদোম্না ঐগী মমাঙদা পুক্নিং নুংশিদ্রবদি, কদাইদা নুংশিরুগনি?
কেপ্তেন স্মিত – সার, অদোমগা ৱারি শানগনি হায়বা ঐ কৈদৌঙৈদা ৱাখলদা ফাওবা খনখিদে; মসি ওইথোক্কনি হায়বা ঐ কৈদৌঙৈদা খনখিদে।
প্রধান মন্ত্রী – অদোম্না অচৌবা থবক অমা পাংথোক্লে, ঐগী মরুপ, লৈবাক অসিগী মীওই খুদিংমক- অমসুং মালেম শীনবা থুংবগী মীয়াম্না-অদোম উনিংলি অমসুং অদোমগা ৱারি শানবা পাম্লি। অদোম্না হায়খিবা হনুমান চালিসাগী মতাংদা, অদোমদা অসিগুম্বা গুনশিং চেনহলবগীদমক ঐনা গিতা বেন্দা ইকায়খুম্নবা উৎচরি অমসুং ভুপেন্দ্র ভাইসু ইকায়খুম্নবা উৎচরি। ঐ অদোমদা হায়গে-স্মিত, ঐনা ঙরাং সোনাল বেনগা ৱারি শানবদা, ঐ ঙকখি; মহাক য়াম্না মোং-হাদনা ৱা ঙাংখি।
কেপ্তেন স্মিত – হোই, সার।
প্রধান মন্ত্রী – মহাক থৌনা লৈনা ৱা ঙাংখি। তশেংনা, অসিগুম্বা ফিবম অমদা ইচল সোনালনা অসুক্কী মতিক থৌনা ফনা ঙাংগনি হায়বা ঐ থাজদে। মরম অদুনা, অদোম ইমুং-মনুং ওইনা ঐনা খল্লি, অদোম্না তশেংনা লৈবাক অসি চাউথোকহল্লে।
কেপ্তেন স্মিত – সার, ঐ অয়ুক খুদিং লাই খুরুম্মী। চহি অনি শুরবা ঐগী ইচানুপা ঐগী তম্পাক্ত ফমখি অমসুং ঐগা লোয়ননা হনুমান চালিসা থিখি, হৌজিক মখোয় ভারত্তগী লাপ্না লৈবদগী ঐগা লোয়ননা থিনবা ঐনা মঙোন্দা তম্বীখি, ঐখোয়গী চৎনবীদগী ঐখোয়না থাপ্না লৈরোইদবনি।
প্রধান মন্ত্রী – অচুম্বনি।
কেপ্তেন স্মিত – হৌজিক ঐখোয় ভারত্তগী লাপ্না লৈরি হায়বা ফাওবা খন্দ্রে। লৈবাক অসিগী মীয়াম্না ঐখোয় য়াম্না নুংশিরি অমসুং চেকশিন্না শেন্নরি।
প্রধান মন্ত্রী – অদোম খঙলম্লোই, মীয়াম্না সভরকুন্দলা অমসংউ ৱাধৱান্দা অমসুং ভারত শীনবা থুংনা অৱাবা ফিবম অমা লৈখি। ঙরাং, লাইশঙশিং শীনবা থুংনা পুজা, লাই খুরুম্বা অমসুং আর্তি পাংথোক্নখি অমসুং অদোমগী পুন্সি শাংনবা অমসুং হকচাং ফগৎলক্নবা মীওই খুদিংমক্না লাই খুরুমখি। মরম অদুনা, অদোম অথুবা মতমদা ফগৎলক্লগনি। অদোম তরাম্না ওক্নবা ভারতনা খৌরাংনা ঙাইরি। হকচাংগী নুংঙাইতবদি লৈরমগনি, ঐ মদু খঙই। অদোম থৌনা ফবা মীওই অমনি, মরম অদুনা অদোমগী অশোকপগী চৈনা ফাওরবসু অদোম্না মসি লাইনা পাংথোকখি।
কেপ্তেন স্মিত – নত্তে, সার, ঐনা মসিগী অশোকপা অসি অশোকপা ওইনা খন্দে, মরমদি ঐগী অনাবা ফগৎলকপনা মসিগী হেন্না খুদিংথিগনি। মসি খোঙচৎ অমনি হায়না ঐনা খল্লি, মসি মতম চঙগনি, মসি ফগৎলক্কনি অমসুং ঐ মপুংফানা হকচাং ফগৎলক্কনি হায়না ঐ থাজৈ।
প্রধান মন্ত্রী – অদোমগী চেকশিন-থৌরাং লৌখৎপগীদমক ঐনা সাউদি সরকার অমসুং য়ু.এ.ই সরকারদা ঐগী তৌবীমল খঙবা উৎচরি। ঐনা অদোম থাগৎচরি। স্মিত, অদোম্না ঐ দরকার ওইরকপা মতমদা, ঐগা ফোন্দা ফাওনবা য়াগনি।
কেপ্তেন স্মিত – অদোম থাগৎচরি, সার।
প্রধান মন্ত্রী – ঙরাং মীয়াম্না সোসিএল মেদিয়াদা ফোঙদোকপা অদু ঐ উরে অমসুং মসি করিগুম্বা থোক্লমদ্রবদি, ভারত্ত থোকলম্লবা, ভারতকী পাইলোতশিংদা থোকলম্লবদি করি ওইগনি। কমদৌনা ভারতকী পাইলোতশিং উখিগনি? অদোম্না মখোয় পুম্নমক কল্লে। হায়বদি অদোম্না অচৌবা থবক অমা পাংথোক্লে।
কেপ্তেন স্মিত – হোই, সার।
প্রধান মন্ত্রী – তুংদা ঐখোয় উনবদা অকুপ্পা মরোলশিং ঐ তাগনি, মদু ঐনা মোবাইলদা ৱারি শানবা পামদ্রে।
কেপ্তেন স্মিত – হোই, সার।
প্রধান মন্ত্রী – অদোম হকচাং ফগৎলো অমসুং হৌজিক লৈবাক শীনবা থুংনা অদোমগীদমক লৈরি।
কেপ্তেন স্মিত – অদোম থাগৎচরি, সার।
প্রধান মন্ত্রী – ঐ অদোমদা অয়েৎপা পীনিংদ্রে। ঐনা য়াইফ পাউজেল পীজরি। ঙসি গান্ধী জেন্তিনি। অহিংশা করিনো হায়বা অদোম্না খুদম ওইনা উৎলে।
কেপ্তেন স্মিত – অদোম থাগৎচরি, সার।
প্রধান মন্ত্রী – জয় শ্রী কৃষ্ণ। ইচানুপা, জয় শ্রী কৃষ্ণ। ঐখোয় গুজরাতি খরসু ঙাংনসি।
কেপ্তেন স্মিত – জয় শ্রী কৃষ্ণ সার।
প্রধান মন্ত্রী –বোবি অমসুং জিবন গুজরাতি ঙাংবরা?
কেপ্তেন স্মিত –অনিমক ঙাংই, সার; মখোয় অনিমক গুজরাতি ঙাংই।
প্রধান মন্ত্রী –মখোয় ফজনা গুজরাতি ঙাংই…
কেপ্তেন স্মিত –মখোয় অনিমক অহানবদা গুজরাতি তম্মী অমসুং তুংদা ইংলিস তম্মী।
প্রধান মন্ত্রী – ঐ খঙলে। অদোম অঙাংশিংগা উনরবরা? ইচাশিং? মখোয়গা উনবা দোক্তরনা য়াবরা?
কেপ্তেন স্মিত – ইচানুপী অহল লাক্কনি, অদুবু মসি উবদা মহাক পাখৎকনি…
প্রধান মন্ত্রী –ঐ উরে… ঐ উরে…
কেপ্তেন স্মিত – মহাক খজিত্তং নুংঙাইতে অমসুং ঐবু য়াম্না লুনা তৌবনি; ঐগী ইচানুপা অতোনবা চহি অনি শুরে, মহাক্তি উনবা য়াদ্রি।
প্রধান মন্ত্রী – হৌজিক খর চেকশিনগদবনি। অদুবু সোনালবেনদি য়াম্না থৌনা ফৈ।
কেপ্তেন স্মিত – হোই, সার।
প্রধান মন্ত্রী – ঙরাং মহাক্না ঐঙোন্দা য়াম্না ইং-তপ্না ৱারি শানখি। অসিগুম্বা ফিবম অমদা মীওই কয়া মশামক ফজনা ৱা ঙাংবা ঙমদবা ফিবমশিং ঐ উখ্রে। ঙরাং ঐনা মুম্বাই এয়রপোর্ততা ভুপেন্দ্রভাই অমসুং গিতাবেনগা ৱারি শানখ্রে; মতম অদুদা ফাওবা নুংঙাইতবা অমতা ফাওখিদে। ঈশ্বরনা অফবা ফল পুরক্কনি হায়বগী থাজবগা লোয়ননা মখোয় চম্না ৱা ঙাংখি।
কেপ্তেন স্মিত – হোই, সার।
প্রধান মন্ত্রী – ফরে, জয় শ্রী কৃষ্ণ। অথুবা মতমদা ফগৎলো অমসুং ঐখোয় অমুক উনরসি।
কেপ্তেন স্মিত – হোই, সার।
প্রধান মন্ত্রী –ঈশ্বরনা অদোম থৌজানবীবা ওইরসনু!
কেপ্তেন স্মিত – জয় হিন্দ।
প্রধান মন্ত্রী – জয় হিন্দ।
দিসক্লেমর: প্রধান মন্ত্রীগা ৱারি শানবা শরুক খর গুজরাতিদা পাংথোকখি; ৱারি শানবা অদুগী শরুক খরা হন্দোকপা অসিদা য়াওরে।
***
An unforgettable conversation with Captain Smit, filled with pride and emotions. pic.twitter.com/CCf46PKOWR
— Narendra Modi (@narendramodi) October 2, 2026
