Search

অনৌবা পাউশিং

মচাকশিং অসি পি আই বিদগী মশা মথন্তা লৌথোকচবনি

প্রধান মন্ত্রীনা গঙ্গা আর্তীদা শরুক য়াখ্রে, মুখ্য মন্ত্রী অমসুং উপ মুখ্য মন্ত্রীশিংগা মীফম ফমখ্রে অমসুং কাশিগী চাউখৎ-থৌরাংগী মরু ওইবা প্রোজেক্তশিং য়েংশিনখ্রে

প্রধান মন্ত্রীনা গঙ্গা আর্তীদা শরুক য়াখ্রে, মুখ্য মন্ত্রী অমসুং উপ মুখ্য মন্ত্রীশিংগা মীফম ফমখ্রে অমসুং কাশিগী চাউখৎ-থৌরাংগী মরু ওইবা প্রোজেক্তশিং য়েংশিনখ্রে


প্রধান মন্ত্রী, শ্রী নরেন্দ্র মোদীনা ঙরাং ভরানসিদা বাবা ভিশ্বনাথ ধাম শঙ্গাখ্রবা মতুংদা মহাক্কী থবক-থৌরমশিং মখা চত্থখ্রে অমসুং মসিদা মহাক্না পুজা তৌদুনা শেংলবা গঙ্গা তুরেলদসু ইরুপখি। প্রধান মন্ত্রীনা নিংথৌকা নুমিৎ অসিগী নুংথিলদসু গঙ্গা আর্তীদা শরুক য়াখি।

প্রধান মন্ত্রীনা গঙ্গা আর্তীগী মতাংদা কাশিনা থম্মোইবু মতম পুম্বদা অনৌবা পাঙ্গলনা থনহল্লি হায়দুনা ত্বীত তৌখি। “কাশিগী গঙ্গা আর্তীনা থম্মোইবু মতম পুম্বদা অনৌবা পাঙ্গলনা থনহল্লি। ঙসিদি, কাশিগী চাউরবা মঙলান অমা মঙফাওনরবা তুংদা দশাসৱামেধ ঘাত্তা ঐহাক্না গঙ্গা আর্তীদা শরুক য়াজকজি অমসুং ইমা গঙ্গাদা মহাক্কী থৌজালগীদমক্তা থৌনিজখি। নমামি গঙ্গে তব পাদ পঙ্কজম”।

প্রধান মন্ত্রীনা পুম্নমক অসিগী মতুং তারকপদা মুখ্য মন্ত্রী অমসুং উপ মুখ্য মন্ত্রীশিংগা অকুপ্পা মীফম অমসু ফমখি।

প্রধান মন্ত্রীনা অসুম্না ত্বীত তৌখি, “@BJP4India মুখ্য মন্ত্রী অমসুং উপ মুখ্য মন্ত্রীশিংগা লোয়ননা কাশিদা মীফম ফম্বা লোইবতা ঙাইরি”।

প্রধান মন্ত্রীনা কাশিদা চত্থরিবা চাউখৎ-থৌরাংগী মরু ওইরবা প্রোজেক্ত কয়া য়েংশিনখি। মহাক্না ত্বীত্তা অসুম্না ফোংদোকখিঃ

 “কাশিগী চাউখৎপগী মরু ওইরবা প্রোজেক্ত কয়া ঐহাক্না য়েংশিল্লি। শেংলবা শহর অসিগীদমক্তা খ্বাইদগী ফবা ইনফ্রাস্ত্রকচর শেমগৎ-শাগৎপসি ঐখোয়গী থবক্নি”।

প্রধান মন্ত্রীনা রেলৱে স্তেসন্দসু চৎখি। মহাক্না হায়খি, “মথংগী পন্থুংফমদি…বনারস স্তেসন্নি। ঐখোয়না লু-নানবা, মতমগা চান্নবা অমসুং পেসেঞ্জরশিংগী নুংঙাইগদবা রেলৱে স্তেসন অমা লৈহনবগা লোইননা রেল কন্নেক্তিবিতী হেন্না ফগৎহন্নবা থবক পায়খৎলি”।

প্রধান মন্ত্রীনা মীয়ামদা য়ারিবমখৈ খুদোংচাদবা থোকহন্দবা হায়বদা মিৎয়েং থম্বা থৌওং অমা ওইনা চাউখৎ-থৌরাংগী প্রোজেক্তশিং অসি থেংলবা নুমিদাংদা য়েংশিনখি। মীয়াম অসিগী লোকেল এম.এল.এ.সু ওইরিবা মখোয়গী প্রধান মন্ত্রীদা নুংশিবগী মতৌ উৎলিবা থৱাই য়াওনা থোক্লক্লিবা মীয়াম মরক্তা মহাক্না তিনখি।

*****