ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি গুজরাতকী সুরত জিলাদা থোকখিবা খুদোংথিবা থৌদোক অদু অৱাবা ফোংদোকখ্রে। মহাক্না মখোয়গী ইমুংগী মীওইশিং লৈখিদ্রবশিংগী মফমদা নুংঙাইতবা ফোংদোকখি অমসুং অশোকপশিং অথুবা মতমদা ফগৎলক্নবা থৌনিখি। প্রধান মন্ত্রীনা হায়খি মদুদি রেস্ক্যু ওপরেসনশিং হৌজিক চত্থরি অমসুং থৌদোক থোকফমদা ওথোরিতীশিংনা পাংবা য়াবা মতেং পুম্নমক পাংলি।

প্রধান মন্ত্রীনা লৈখিদ্রবা মীওই খুদিংমক্কী নক্নবা ইমুং-মনুংগী মীওইশিংগীদমক প্রাইম মিনিস্তরস নেস্নেল রিলিফ ফন্দ (পি.এম.এন.আর.এফ.) দগী লুপা লাখ ২গী এক্স-গ্রেসিয়া পীনবা লাউথোকখ্রে। শ্রী মোদীনা হায়খি মদুদি থৌদোক অদুদা অশোক-অপন নংখিবা মীওইশিংদা লুপা ৫০,০০০ পীগনি।

প্রধান মন্ত্রীনা এক্সতা পোস্ত তৌখি:

“গুজরাতকী সুরত জিলাদা থোকখিবা খুদোংথিবা থৌদোক অদু তাবদা য়াম্না নুংঙাইতবা ফাওই। মখোয়গী ইমুং-মনুংগী মীওইশিং লৈখিদ্রবশিংগী মফমদা ঐহাক্না অৱাবা ফোংদোকচরি। অশোকপশিং অথুবা মতমদা ফগৎলকপা ওইরসনু। রেস্ক্যু ওপরেসনশিং চত্থরি অমসুং ওথোরিতীশিংনা থৌদোক থোকফমদা পাংবা য়াবা তেংবাং পুম্নমক পাংলি।

লৈখিদ্রবা মীওই খুদিংমক্কী নক্নবা ইমুং-মনুংগী মীওইশিংদা পি.এম.এন.আর.এফ.তগী লুপা লাখ ২গী এক্স-গ্রেসিয়া পীগনি। অশোকপশিংদা লুপা লিশিং ৫০,০০০গী তেংবাং পীরগনি: পি এম”

Deeply pained to hear about a mishap in Surat district, Gujarat. My condolences to those who have lost their loved ones. May the injured recover at the earliest. Rescue operations are underway and authorities are providing all possible assistance at the accident site.

An…

— PMO India (@PMOIndia) June 2, 2026

***