ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদিনা গুরাতকী লেৱরিয়াদা “লোহ পুরুশ” সর্দার ভালবভাই পতেলগী মপোক কুমওন নীংশিংবা ওইনা এক্তা দিৱসকী থৌরমদা শরুক য়াখি। মহাক্না স্তেচু ওফ য়ুনিতীদা লৈ কৎখি, এক্তাগী ৱাশক লৌখি অমসুং থৌরম অদুদা পাংথোকখিবা এক্তা দিৱস পরেদ অদু য়েংখি।

India pays homage to Sardar Patel. Watch from Kevadia. https://t.co/nU3CKUHygg

— Narendra Modi (@narendramodi) October 31, 2020

থৌরম অদুদা ৱা ঙাংলদুনা, প্রধান মন্ত্রীনা হায়খি মদুদি কৱরিয়াগী ইন্তিগ্রেতেদ দিবেলপমেন্তকীদমক্তা শঙ্গাখিবা প্রোজেক্তশিং অদুনা লমদম অসিগী তুরিজম হেনগৎহনবদা মতেং পাংগনি। মহাক্না হায় তুরিস্তশিংনা হৌজিক্তি সর্দার সাহেবকী দর্শন ফংনবা স্তেচু ওফ য়ুনিতী চৎপদা সী-প্লেন সার্বিসকী খুত্থাংদসু চৎপগী ওপ্সন লৈরগনি।

মহারিশি বালমিকিনা পুরকখিবা কলচরগী ওইবা অপুনবগী শক্তম

প্রধান মন্ত্রীনা হায়খি মদুদি চহি চা খরগী মমাংদা, অদিকৱি মহারিশি বালমিকিনা ভারত অসিবু ঐখোয়না হৌজিক ঐখোয়না থেংনরিবা ভারত অসিদগী হেন্না ভাইব্রেন্ত ওইবা, ইনর্জেতিক ওইবা অমসুং কলচরগী ওইনা পুল্লপ পুল্লবা অমা ওইনবা হোৎনখি। এক্তা দিৱস অসিগা বালমিকি জয়ন্তিগা নোংমতদা পুল্লপ তাবা অসিদা শ্রী মোদিনা হরাওবা ফোংদোকখি। লৈবাক অসিনা লাইচৎ অসিগা মায়োক্নবদা মখোয়গী অপুনবগী পাঙ্গল, মখোয়গী অপুনবগী থৌনা-লিংজেল অদু ময়ামদগী থোইদোক-হেনদোকপনি হায়না উৎলকপগী মতৌদা মহাক্না হরাওবা ফোংদোকখি।

অপুনবগী ওইবা অনৌবা দাইমেন্সন

প্রধান মন্ত্রীনা হায়খি হৌজিক্তি কাশমিরনা মখোয়গী চাউখৎ-থৌরাংগী লমদা লাক্লিবা অথিংবা-অপনবশিং অদুবু হুন্দোক্লম্লগা চাউখৎ-থৌরাংগী অনৌবা লম্বিদা মখোং থাংজিনখ্রে। ঙসি লৈবাক অসিনা অপুনবগী ওইবা অনৌবা দাইমেন্স শেম্লগনি হায়না  মহাক্না মখা তারকখি। মহাক্না নোর্থ ইস্ততা শান্তি পুরক্নবা লৌখৎখিবা খোংথাংশিং অমসুং মখোয়গী চাউখৎ-থৌরাংগীদমক্তা লৌখৎলকখিবা অনৌবা খোংথাংশিং অদুগী মতাংদা হায়রকখি।

ইকাইখুম্নরবা সুপ্রীম কোর্তনা তাখিবা রাই অদুগী মতুং ইন্না অয়োধ্যাদা রাম মন্দির শাখিবা অদু সর্দার পতেলনা নিংলম্বা ভারতকী কলচরগী ফজবা অদুবু অমুক পুরক্নবগী হোৎনবা অমনি হায়না মহাক্না হায়খি।

আত্মানির্ভর ভারত

প্রধান মন্ত্রীনা হায়খি মদুদি লৈবাকমচা করোর ১৩০না পুন্না মপাঙ্গল লৈবা অঞসুং মতিক লৈবা লৈবাক অমা শেম্লি, মসিদা অচান-মীরাই খাইদনা চপ মান্নগদবনি অমসুং খুদোংচাবসু লৈ। সেল্ফ-সুফিসিয়েন্ত ওইবা লৈবাক খক্তনা মখোয়গী সেক্যুরিতীগা লোইনা-লোইননা মখোয়গী  চাউখৎ-থৌরাংগী মতাংদা থাজবা পোক্কনি হায়না মহাক্না হায়খি। মরম অসিনা লৈবাক অসিনা দিফেন্সসু য়াওনা হিরম কয়া অমদা সেল্ফ-সফিসিয়েন্ত ওইনবগী মাইকৈ তম্না খোং থাংজিল্লক্লি হায়না মহাক্না মখা তারকখি।

বোর্দর এরিয়াশিংগী চাউখৎ-থৌরাং অমসুং ভারতকী সোবরেনতী অমসুং ইন্তেগ্রিতী ঙাক্তুনা থম্বা

প্রধান মন্ত্রীনা হায়খি বোর্দরশিংদা থম্লিবা ভারতকী মীৎয়েং অমসুং  ফিরেপ অদুসু হোংখ্রে। য়ুমথংনরিবা লৈবাকশিংবু য়ানিংদবা ফোংদোক্লদুনা, ঙসি ভারতকী লমদা মীয়েং থম্লিবশিং অদুনা চুনবা পাউখুম ফংগনি হায়না মহাক্না হায়খি। মহাক্না খঙহল্লকখি মদুদি ভারতনা বোর্দরশিংদা লম্বি কিলোমিতর চা কয়া অমা, থোং কয়া অমা অমসুং তন্নেল ময়াম অমা শাগৎলি। ঙসিগী ভারত অসি মশাগী সোবরেনতী অমসুং ইন্তেগ্রিতী ঙাক্ননবা মতিক চানা শেম শারে হায়না মহাক্না লাউথোরকখি।

তেরোরিজমগী মায়োক্তা অমত্তা ওইনা লেপমিন্নবা

হোৎনরিবশিং অসিগী মরক অসিদা, ভারত অমসুং মালেম পুম্বনা শিংনবা কয়া অমা ঙসি মায়োক্নরি হায়না প্রধান মন্ত্রীনা হায়খি। মীওই খরনা তেরোরিজমগী সপোর্ত্তা চোংথোরক্লিবা মওং অসি মালেমগী ওইনা ঙসিদি য়াম্না ৱানিংঙাই ওইবা ৱাফমনি। মালেমগী লৈবাক পুম্নমক, সরকার পুম্নক ধর্মা পুম্নমক্না তেরোরিজমগী মায়োক্তা পুল্লপ পুনশিন্নদুনা লেপমিন্নবগী মথৌ তাবা অদুগী মতাংদা মহাক্না তকশিনখি। মহাক্না হায়খি মদুদি শান্তি ওইনা ইংনা চিক্না লৈবা, নুংশিং চান্ননা মচিন-মনাওগুম্না অমসুং অমনা অমবু ইকাইখুম্নবগী ৱাখল্লোন অসি মীওই খুনাইগী অশেংবা মশক্নি। তরোরিজম-ভায়োলেন্সতগী কনামত্তনা য়াইফবা ফংনিংঙাই লৈতে হায়না মহাক্না খঙহল্লকখি। ঐখোয়গী দাইভর্সিতী অসিনা ঐখোয়গী একজিস্তেন্সনি অমসুং ঐখোয় অসি য়াম্না থোইদোক-হেন্দোকই হায়না ঞহাক্না হায়খি। মহাক্না নিংশিংহল্লকখি মদুদি ভারতকী অপুনবগী শক্তম অসিনা অতোপ্পশিংবু  মিৎনা-শিংনা খু শেন্দুনা লৈহনবা ঙম্লিবা অদুগুম্বা শক্তি অদুনি। মখোয়না মসিগী দাইভর্সিতী অসিবু ঐখোয়গী অমত্তা ঙাইরবা অশোনবা ওইনা ওইহন্নিংঙি। মহাক্না অইগুম্বা ফোর্সশিং অসিবু মশক খঙদো্নবা অমসুং মশিংদগী চেকশিন্না লৈনবগী তঙাইফদবা অদুগী মতাংদা পল্লদুনা হায়খি।

পুলৱামা এত্তেক

পেরামিলিতরী ফোর্সশিংগী ঙসিগী পরেদ অদু য়েংবা মতমদা মহাকপু পুলৱামাগী এত্তেক অদুগী মতাংদা নিংশিংহল্লকখি হায়না প্রধান মন্ত্রীনা হায়খি। লৈবাক অসিনা থৌদোক অদুবু কৈদৌনুংদা কাওথোক্লোই অমসুং লেবাক পুম্বনা মখোয়গী থৌনা ফরবা মচাশিং অদুনা লৈখিদবদা থমোই শোক্না নুংঙাইতবা ফাওখি হায়না মহাক্না হায়খি। লৈবাক অসিনা থৌদোক অদুদা থমখিবা অদুগুম্বা ৱাফমশিং অদু খৈদৌনুংদা কাওরোই হায়না মহাক্না হায়খি। হন্দক্তা য়ুমথংনরিবা লৈবাক্কী পার্লিয়ামেন্ততা থমখিবা ৱাফম অদুনা অশেংবা পুথোরক্লি হায়না মহাক্না হায়খি।

য়াম্না পুকচেল পিকপা অমসুং নাপল চাউবা ময়েক শেংনা উৎথোক্লিবা লৈবাক অসিদা অথিবা রাজনিতি শান্নরিবা অদুগী মতাংদা মহাক্না থমোই শোক্না নুংঙাইতবা ফাওখি।পুলৱামা এত্তেক অদুগী মতুংদা তৌখিবা রাজনিতি অদুদা হায়রিবা মীশিং অসিনা মখোয়গী রাজনিতিগী ওইবা খুদোংচাবগীদমক্তা কদাই ফাওবা তৌবা ঙম্বগে হায়বগী চাউরবা খুদম্নি। অসিগুম্বা রাজনিতিগী দলশিং অসিনা লৈবাক অসিগী সেক্যুরিতীগী য়াইফনবা অমসুং ঐখোয়গী সেক্যুরিতী ফোর্সশিংগী মোরেলগীদমক্তা থবক তৌনবা মহাক্না হায়রকখ্রে।

প্রধান মন্ত্রীনা হায়খি মদুদি খঙনা নত্রগা খঙদনা নখোয়গী কান্ননবগীদমক্তা এন্তি-নেস্নেল ফোর্সশিং অসিগী মখুত্তা খুদুম চনখিবনা নখোয়না লৈবাক অসিগী নত্রগা নখোয়গী দলগী য়াইফনবগীদমক্তা থবক তৌবা ঙম্লোই। ঐখোয় পুম্নমক্কীদমক্তা ওইনা খ্বাইদগী হেন্না মরু ওইবা অসি লৈবাক অসিগী য়াইফনবগীদমক ওইগদবনি হায়না মহাক্না হায়খি। ঐখোয়না মীয়ামগী য়াইফনবগীদমক্তা খণবা মতমদতা ঐখোয়না চাউখৎকদৌরিবনি হায়না মহাক্না মখা তারকখি।

মমাংদা প্রধান মন্ত্রীনা গুজরাত রাজ্যগী পুলিস ফোর্সশিং, সেন্ত্রেল রিজার্ব আর্মদ ফোর্স, বোর্দর সেক্যুরিতী ফোর্স, ইন্দো-তিবেতান বোর্দর পুলিস, সেন্ত্রেল ইন্দস্ত্রীয়েল সেক্যুরিতী ফোর্সেস অমসুং নেস্নেল সেক্যুরিতী গার্দশিংগী ফজরবা পরেদ অমা ঊবা ফংখি। পরেদ অসিদা সি.আর.পি.এফ.কী নুপী ওফিসরশিংনা তৌবা রাফল দ্রিলসু য়াওরি। ইন্দিয়ন এয়র ফোর্সকী জাগুৱারশিংন থৌরম অসিগী মরু ওইবা অদু উৎপা ওইনা ফ্লাই-পাস্ত অমসু উৎখি। প্রধান মন্ত্রীনা রাস্ত্রিয়া এক্তা দিৱসকী থৌরম অসিদা ভারতকী ত্রাইবল হেরিতেজ উৎপা কলচলগী ওইবা থৌরম অমসু উবা ফংখি।

*****