ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ২০২৬কী সেপ্তেম্বর ১২ দা নই দিল্লীদা পাংথোকপা ব্রিক্স সম্মিতকা ইরোইননা চাইনাগী (পীপল্স রিপব্লিক ওফ চাইনা) রাস্ত্রপতি, ঐচ.ই. মিস্তর সি চিনপিংগা উনখ্রে।

লুচিংবা অনিমক্না ভারত-চাইনাগী নাকল অনিগী মরীদা ২০২৫গী ওগস্ততা তিয়ানজিনদা মখোয়গী অরোইবা মীফম অদুদগী হৌনা লেপ্তনা খুমাং চাওশিল্লকপা অদুবু তরাম্না ওকখি। লৈবাক অনিমক্না মখোয়গী মরীদা স্ত্রেতেজিক অমসুং মতম শাংনা মীৎয়েং থমগদবনি হায়না মখোয়না অমুক হন্না ফোংদোকখি। খেন্নবশিংনা য়ানিংদবা থোকহল্লোইদবনি। নাকল অনিমক্না অমগা অমগা ইকায় খুম্নবা, অমগা অমগা নুংশিনবা অমসুং অমগা অমগা পুক্নিং চিংশিনবা হায়রিবা মগুন অহুম অসিনা লমজিংগদবনি হায়না প্রধান মন্ত্রীনা ফোংদোকখি।

ঙমখৈগী মফমশিংদা শান্তি অমসুং তংদু লৈতাবা ফীভম লৈবা অসি নাকল অনিগী ওইবা মরীশিং লেপ্তনা চাউখৎনবা মরুওইবা য়ুম্ফম অমা ওইনা লেংদনা লৈরি হায়না প্রধান মন্ত্রীনা ফোংদোকখি। মহাক্না নাকল অনিমক্না ঙমখৈগা মরী লৈনবা হীরমশিংদা লৈরিবা এগ্রীমেন্তশিং অমসুং য়ান-ৱারোলশিং ঙাক্না চৎপগী তঙাইফদবা অদু পনখি। লুচিংবা অনিমক্না মখোয়গী অপুনবা নাকল অনিগী মরীগী পোলিতিকেল পর্সপেক্তিব অমসুং লৈবাক অনিগী মীয়ামগী ইন্তরেস্ততা লিশাং-শিৎনা লৈহৌবা হায়াবা ৱাফম অসিদা য়ুম্ফম ওইদুনা ঙমখৈগী ৱাহং অসিগী অচুম্বা, চুনবা অমসুং নাকল অনিমক্না য়াবা ৱারোইশিন অমা পুরক্নবা অচেৎপা ৱাফম থমখি।

লুচিংবা অনিনা মীয়ামগী মরক্তা লৈনরিবা মরীশিংদা খুমাং চাওশিল্লক্লিবা অদু খঙখি অমসুং লৈবাক অনিগী মরক্তা কলচরেল একচেঞ্জ, বিজিনেস লিঙ্কশিং অমসুং হেন্না চাউখৎপা মওংদা চৎথোক-চৎশিন তৌবা হেনগৎহনবগী তঙাই ফদবা অদু পনখি। শেন্মিৎলোন অমসুং ললোন-ইতিক্কী মরীশিংদা, স্ত্রকচরেল ত্রেদ দিসবেলেন্স অমসুং সপ্লাই চেনগী ইসুশিং য়াওনা অমগা অমগগী খন্ন-নৈনবগী তঙাইফদবা অদু মখোয়না ফোংদোকখি।

লুচিংবা অনিনা নাকল অনিমক্না রিজনেল অমসুং গ্লোবেল ইসুশিংদা অমসুং শিংনবশিং থেংনবদা নাকল অনিনা পুন্না য়ানবা হীরমদা পাকথোক চাউথোকহনগদবনি হায়না য়ানখি।

ভারতনা ব্রিক্সকী ময়াই তাংবল লৌবদা চাইনানা শৌগৎপগীদমক অমসুং ব্রিক্স সম্মিত-২০২৬ মাইপাক্নবা শরুক য়াবগীদমক প্রধান মন্ত্রীনা থাগৎপা ফোংদোকখি।

***********