ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি দিজিতেল ইন্দিয়া ইনিসিএতিবকী চহি ১১ শুরকপগী থৌরম পাংথোক্লদুনা মাগী গভর্নান্স, পব্লিক সর্ভিস দেলিভরী অমসুং নাগরিকশিংগী পুন্সিদা চাউনা অহোংবা পুরকখিবগী মতাংদা মহাক্না ফোংদোকখি।

শ্রী মোদীনা হায়খি মদুদি দিজিতেল ইন্দিয়ানা গভর্নান্সপু হেন্না ত্রান্সপরেন্ত, ইফিসিএন্ত অমসুং সিতিজন-সেন্ত্রিক ওইহন্দুনা লৈবাক অসিদা মপুং ফানা চাউখৎপা পুরকপদা খোঙজেল য়াংশিনহন্দুনা অনৌবা ৱাহন্থোক পীরি। মহাক্না হায়খি মদুদি ইনিসিএতিব অসিনা পুন্সিগী হিরম খুদিংমক্তা য়ৌশিল্লি, অপনবা লৈতবা দিজিতেল পেমেন্ত অমসুং ত্রান্সপরেন্ত দাইরেক্ত বেনিফিৎ ত্রান্সফরদগী হৌরগা দিজিতেল পব্লিক ইনফ্রাস্ত্রকচর পাকথোক চাউথোকহনবদা, তেক্নোলোজীবু “ইজ ওফ লিভিং” হেনগৎহন্নবগীদমক শক্তি লৈরবা খুৎলাই অমা ওইহনখ্রে।

ভারত মচা বিলিয়ন অমা হেনবনা তেক্নোলোজী পাক-শন্না শীজিন্নবনা অচৌবা অহোংবা অমা পুরক্লে হায়না প্রধান মন্ত্রীনা ফোংদোক্লদুনা দিজিতেল ইন্দিয়ানা চাউখৎলবা অমসুং মশা-মরোমদোম লেপচবা ঙম্বা ভারত অমগী মপাঙ্গল কনবা য়ুম্ফম অমা ওইহল্লে হায়খ্রে। শ্রী মোদীনা মখা তারদুনা হায়খি মদুদি দিজিতেল ইন্দিয়ানা লৈবাক অসিগী শরুক খুদিংমক্তা, মরুওইনা খুঙ্গংশিং অমসুং তায়র-২ অমসুং তায়র-৩ শহরশিংদা ইন্নোবেসনগী খোংজেল য়াংখৎলে। মহাক্না হায়খি মদুদি ভারত শিনবা থুংনা লৈরিবা নহা ওইরিবা ওন্তপ্রিন্যুওরশিং, স্তার্ত-অপশিং অমসুং ইন্নোবেতরশিংনা মালেমগী খ্বাইদগী মরুওইবা শীংনবশিং থেংননবা সোলুসনশিং শেমগৎলি। প্রধান মন্ত্রীনা হায়খি মদুদি থৌরাং অসিনা এজুকেসন, হেল্থকেয়র, এগ্রিকলচর, কম্মর্স অমসুং পব্লিক সর্ভিস দেলিভরীগুম্বা মরুওইবা সেক্তরশিং মপাঙ্গল কনখৎহল্লে, মসিনা গভর্নান্স অসি হেন্না এক্সেসিবল, ত্রান্সপরেন্ত অমসুং ইফিসিএন্ত ওইহল্লে।

অনৌবা তেক্নোলোজীশিংদা ভারতনা লুচিংবা ওইরক্লিবা অদু পল্লদুনা শ্রী মোদীনা হায়খি মদুদি আর্তিফিসিএল ইন্তেলিজেন্স (এ.আই.), সেমিকন্দক্তর অমসুং ক্বান্তম কম্প্যুতিংগুম্বা লমশিংদা লৈবাক অসিনা খুমাং চাউশিল্লক্লিবা অসিনা চাউখৎপা অমসুং খুদোংচাবা কয়া অমা ফংহল্লগনি। তেক্নোলোজীনা মীওইবা খুন্নাইদা মতেং পাংলিবা, নাগরিক খুদিংমকপু শক্তি পীনবা অমসুং তুংকোইনা চৎকদবা চাউখৎপা পুরক্কদবা তুংলমচৎ অমা শেমগৎনবা সরকারগী ফিরেপ অদু মহাক্না অমুক হন্না ফোংদোকখি।

প্রধান মন্ত্রীনা এক্সতা পোস্ত তৌখি:

ঙসি ঐখোয়না দিজিতেল ইন্দিয়া ইনিসিএতিব হৌদোকখিবা চহি ১১ মপুং ফারক্লি। খোঙথাং অসিনা গভর্নান্সপু নৌনা ৱাহন্থোক পীখ্রে, প্রজাশিংবু শক্তি পীখ্রে অমসুং চাউখৎ-থৌরাং পুম্নমক খোঙজেল য়াংখৎহনখ্রে। মসিনা পুন্সিগী হীরম খুদিংমক্তা য়ৌশিল্লি। অপনবা লৈতবা দিজিতেল পেমেন্তশিং অমসুং ত্রান্সপরেন্সীগা লোয়ননা দাইরেক্ত বেনিফিৎ ত্রান্সফরনা বেনিফিসরীশিংদা য়ৌবদগী হৌরগা দিজিতেল পব্লিক ইনফ্রাস্ত্রকচর পাকথোক চাউথোকহহল্লি, তেক্নোলোজীবু “ইজ ওফ লিভিং” হেনগৎহন্নবগীদমক শক্তি লৈরবা খুৎলাই অমা ওইরি।

দিজিতেল ইন্দিয়ানা ভারতকী মফম খুদিংমক্তা, মরুওইনা খুঙ্গংশিং, তায়র-২ অমসুং তায়র-৩গী শহরশিংদা ইন্নোবেসনগী ‌ইহৌ চংশিল্লি। লৈবাক অসিগী মফম খুদিংগী নহা ওইরিবা ওন্তপ্রিন্যুওরশিং, স্তার্ত-অপশিং অমসুং ইন্নোবেতরশিংনা ঐখোয়গী গ্রহ অসিনা থেংনরিবা খুদোংচাদবশিং অসি কোকহন্নবা পাম্বৈ পুথোক্লি। খোঙথাং অসিনা এজুকেসন, হেল্থকেয়র, এগ্রিকলচর, কম্মর্স অমসুং পব্লিক সর্ভিস দেলিভরীবু মপাঙ্গল কনখৎহল্লে, গভর্নান্সবু হেন্না ত্রান্সপরেন্ত, ইফিসেন্ত অমসুং এক্সেসিবল ওইহল্লে।

দিজিতেল ৱার্ল্দদা ঐখোয়না পায়খৎলিবা খোঙথাং অসিনা ভারতনা এ.আই., সেমিকন্দক্তরশিং, ক্বান্তম কম্প্যুতিং অমসুং অতৈ অনৌবা তেক্নোলোজীশিংদা খোঙজেল য়াংনা খুমাং চাউশিল্লি। মসিনা চাউখৎপা অমসুং খুদোংচাবা কয়া ফংহন্নবা অনৌবা লম্বীশিং হাংদোক্কনি। তেক্নোলোজীনা মীওইবা খুন্নাইদা মতেং পাংলিবা, প্রজা খুদিংমকপু শক্তি পীবা অমসুং সস্তেনেবল দিবেলপমেন্তপু থৌগৎলিবা তুংলমচৎ অমা শেমগৎপদা ঐখোয়না মীৎয়েং থমগনি।

Today, we mark 11 years since the Digital India initiative was launched. This initiative has redefined governance, empowered citizens and accelerated all-round development. It has touched every aspect of life. From seamless digital payments and direct benefit transfers reaching…

— Narendra Modi (@narendramodi) July 1, 2026

মীওই বিলিয়ন অমা হেনবনা তেক্নোলোজী শীজিন্নরবা মতমদা মদুগী শাফু অদু অচৌবা ওই!

#11YearsOfDigitalIndia

When over a billion people embrace technology, the impact is transformative! #11YearsOfDigitalIndia pic.twitter.com/WBnkcFXoYa

— Narendra Modi (@narendramodi) July 1, 2026

দিজিতেল ইন্দিয়ানা চাউখৎলবা অমসুং মশা-মরোমদোম লেপচবা ঙম্বা ভারত অমগী অচেৎপা য়ুম্ফম অমা ওইরি। হৌখিবা চহি ১১ অসিদা, মসিনা লায়রবশিং অমসুং শোত্থরবশিংবু মপাঙ্গল কনখৎহনবদা মরুওইবা থৌদাং অমা লৌদুনা মীয়ামগী পুন্সিদা লাইথোকহল্লি। ওপ্তিকেল ফাইবর নেৎৱার্ক পাকথোক চাউথোকহনবদগী হৌরগা দিজিতেল ত্রাঞ্জেক্সনশিং হেনগৎহনবদ ফাওবদা, মসিগী খোঙথাং অসিনা মমাংদা অমুক্তা ওইখিদ্রিবা মওংদা মাই পাক্লকপদগী মালেমনা ভারত্তা মীৎয়েং থম্নরক্লি।

#11YearsOfDigitalIndia

डिजिटल इंडिया विकसित और आत्मनिर्भर भारत की सशक्त नींव है। बीते 11 वर्षों में इसने गरीबों और वंचितों के सशक्तिकरण में महत्वपूर्ण भूमिका निभाने के साथ ही देशवासियों के जीवन को आसान बनाया है। ऑप्टिकल फाइबर नेटवर्क के विस्तार से लेकर डिजिटल ट्रांजैक्शन तक इस अभियान की अभूतपूर्व सफलता… pic.twitter.com/ThDpcUMNub

— Narendra Modi (@narendramodi) July 1, 2026

***