ভারতকী প্রধানমন্ত্রী
প্রধান মন্ত্রী, শ্রী নরেন্দ্র মোদীনা ২০২৬কী সেপ্তেম্বর ১২দা পাংথোকপা ১৮শুবা ব্রিক্স সম্মিতকা ইরোইননা হিজ হাইনেস শেখ খালেদ বিন মোহমদকা মীফম অমা পাংথোকখ্রে।
লুচিংবা অনিনা অচেৎপা পোলিতিকেল, কলচরেল, কম্মর্সিয়েল, ইনর্জী, অমসুং মীয়াম-মীয়ামগগী মরক্তা লৈনরিবা মরীদা য়ুম্ফম ওইবা ভারত-য়ু.এ.ই. কম্প্রিহেন্সিব স্ত্রেতেজিক পার্তনরশিপকী মরুওইবা অদুবু অমুক হন্না থমখি। মখোয়না হন্দক্তা ২০২৬কী জনুৱারীদা য়ু.এ.ই.গী প্রসিদেন্ত হিজ হাইনেস শেখ মোহমদ বিন জায়েদ অল নাহয়াননা ভারত্তা চৎখিবা অমসুং ২০২৬কী মেদা প্রধান মন্ত্রীনা য়ু.এ.ই.দা চৎখিবা মাইপাক্লবা খোঙচৎশিং অদুবু নিংশিংখি।
প্রধান মন্ত্রীনা ভারতনা ময়াই তাংবল লৌদুনা পাংথোকপা ব্রিক্সতা য়ু.এ.ই.না থৱায় য়াওনা অমসুং কনস্ত্রক্তিব ওইবা মওংদা শরুক য়াখিবগীদমক থাগৎপা ফোংদোকখি। লুচিংবশিংনা ভারতনা ময়াই তাংবল লৌদুনা পাংথোকখিবা ব্রিক্সকী মনুংদা ফংখিবা অফবা ফলশিং অদুবু তরাম্না ওকখি অমসুং লৈবাক অনিনা মান্নবা কান্নবশিং অমসুং মরুওইবা ৱাফমশিং মাংলোমদা পুখৎনবা অমসুং ব্রিক্সকী তেংবাংনবা হেন্না চেৎশিনহন্নবা ফম্পাক অসিগী খুত্থাংদা নকশিন্না লেপ্তনা থবক তৌমিন্ননবা য়ানখি।
লুচিংবশিংনা সেক্তর কয়াগী বাইলেতরেল মরীশিংদা ফংখিবা মাইপাকপশিং অদু মশক খঙখি। মখোয়না য়ু.এ.ই.গী ইন্তর্নেস্নেল হোলদিং কম্পেনীনা ভারতকী খ্বাইদগী চাউবা ইন্তিগ্রেতেদ এলুমিনিয়ম ইনভেস্তমেন্ত ওইরিবা, ওরিশাদা য়ু.এস.দি. বিলিয়ন ১১.৫গী ইন্তিগ্রেতেদ গ্রীনফিল্দ এলুমিনিয়ম প্রোজেক্ত অমা চাউখৎহন্নবা ইনভেস্ত তৌনবা লাউথোকখিবা অদুবু অফবা মওংদা লৌখি। প্রোজেক্ত অসিনা ওরিশাবু মালেমগী এলুমিনিয়ম পুথোকপগী হব অমা ওইহনগনি হায়না পানরি।
লুচিংবশিংনা য়ু.এ.ই.গী খ্বাইদগী অনৌবা সোভরেন ইনভেস্তমেন্ত ফন্দ ওইরিবা এল‘ইমাদ (L’Imad) না কান্নমিন্ননবগীদমক ভারত-য়ু.এ.ই. পার্তনরশিপ হেন্না চেতৎশিনহনবদা লৌবা য়াবা মরুওইবা থৌদাং অদু মশক খঙখি। মখোয়না দিফেন্স, স্পেস, ন্যুক্লিয়র ইনর্জী, তেক্নোলোজী অমসুং ইন্নোবেসন য়াওনা স্ত্রেতেজিক অমসুং ফাওগৎলক্লিবা হীরমশিংদা লৈবাক অনিগী মরক্তা তেংবাংনবা হেনগৎহন্নবা খুদোংচাবশিংগী মতাংদসু খন্ন-নৈনখি।
খোঙচৎ অসিনা চাং নাইনা লুচিংবগী থাক্তা থবক তৌমিন্নবগী চৎনবী অমসুং ভারত অমসুং য়ু.এ.ই.গী মরক্তা লেংদনা লৈরিবা মরীগী য়ুম্ফম ওইরিবা চারোল-শুরোল কয়াদগী লেংদনা চত্থরকপা অদুবু অমুক হন্না চেৎশিনহনখি।
**********
PM @narendramodi met HH @KBM_ALNAHYAN and discussed ways to further strengthen the India-UAE Strategic Partnership. They discussed ways to increase cooperation in sectors such as defence, AI, space, critical minerals, energy, food security, and connectivity. The PM conveyed that… pic.twitter.com/Qj60YCUAow
— PMO India (@PMOIndia) September 12, 2026
India-UAE ties have been transformed over the last few years. Now, we are raising our ambitions even higher.
— Narendra Modi (@narendramodi) September 12, 2026
Delighted to meet His Highness Sheikh Khaled bin Mohamed bin Zayed Al Nahyan.
Discussed taking our Strategic Partnership forward across defence, AI, space, critical… pic.twitter.com/omzRK4ccuP
