ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি রাস্ত্রপতিগী ৱারোলগী মোসন ওফ থেঙ্কসতা পাউখুম পীখি। সিতিজনশিপ এমেন্দমেন্ত এক্তকী মতাংদা প্রধান মন্ত্রীনা হাউসতা থাজবা পীখি মদুদি মসিনা ভারত মচা অমত্তদা শোকহল্লোই। প্রধান মন্ত্রীনা মহাক্কী ৱারোলদা হিরম অসিদা মমাংগী সরকারশিংগী চপ মান্নবা ৱাখল্লনশিং অদু ফোংদোকখি। শ্রী নরেন্দ্র মোদীনা আইন অসি এমেন্দ তৌবগী মায়কৈদা লেপখিবা, করিগুম্বা দরকার ওইরগদি য়ুমলোন্নবা লৈবাকশিংদগী মাইনোরিতী রিফ্যুজীশিংবু ভারতনা ঙাক শেন্নবা হায়খিবা ভারতকী অহানবা প্রধান মন্ত্রী পন্দিত জৱাহরলাল নেহরুগী ৱাফম অদু থমখি। মহাক্না হায়খি, “ঐহাক্না শেংদোকপা পাম্মি মদুদি সি.এ.এ. চৎনহনবনা ভারতকী নাগরিক অমত্তদা শোকহল্লোই, মখোয়গী থাজবা/ধর্ম অদু ওইনিংবা অমা ওইজসনু।”