ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি সুশ্মা স্বরাজ ভবনদা নুমিৎ নিনিগী ওইনা পাংথোকপা নুপী অমসুং অঙাংগী চাউখৎ-থৌরাংগী মতাংদা নেস্নেল দিপার্তমেন্তেল সম্মিৎকী লোইশিনবগী মীফমদা ময়াই তাংবল লৌখ্রে।

প্রধান মন্ত্রীনা শাগৎখিবা দিপার্তমেন্তেল সম্মিৎশিংগী পরিং অসিগী শরুক অমা ওইরিবা সম্মিৎ অসিদা রাজ্যশিং অমসুং য়ুনিয়ন তেরিতোরীশিংগী মন্ত্রীশিং অমসুং মকোক থোংবা ওফিসিএলশিংনা পুন্না মচি ওইবা চীঞ্জাক অমসুং অঙনবা অঙাং ওইরিঙৈগী কেয়র, অঙাংশিং ঙাক-শেনবা, নুপীশিংগী সেফতী অমসুং এম্পাৱরমেন্ত, অমসুং হেন্না চাউনা পুনশিন্নদুনা সর্ভিসশিং পীনবা মপাঙ্গল কনখৎহনবা হায়বা হিরমশিংদা মীৎয়েং থমদুনা খন্ন-নৈনখি।

প্রধান মন্ত্রীনা অকনবা মওংদা খন্ন-নৈনবগীদমক থাগৎপা ফোংদোকখি অমসুং কেন্দ্র অমসুং রাজ্যশিংগী মরক্তা পুন্না ৱারেপ লৌবগী মরুওইবা অদু পনখি। মহাক্না রাজ্যশিংনা হায়রিবা মোদেল অসি মখা তানা লৌখৎতুনা দিস্ত্রিক্তকী থাক্তা অমসুং নগর পালিকা অমসুং মহানগর পালিকাগী থাক্তা চপ মান্নবা চিন্তন শিভিরশিং পাংথোকপা য়াই হায়না ফোংদোকখি। মহাক্না অঙ্গনৱাদী ৱার্করশিংগীদমক্তা অখন্নবা চিন্তন শিভিরশিং শেম্নবা ৱাফম থমখি, মসিনা মখোয়দা লমদম অসিদা থেংনরকপা এক্সপরিয়েন্সশিং, ইন্নোবেসনশিং অমসুং প্রেক্তিকেল সোলুসনশিং এক্সচেঞ্জ তৌবা ঙমহল্লগনি।

জন ভাগিদারীগী মতাংদা পল্লদুনা প্রধান মন্ত্রীনা অকনবা ৱাফম থমখি মদুদি অঙ্গনৱাদী সেন্তর অসি তোঙানবা ইন্সতিত্যুসন অমা ওইনা মথৌ তৌরোইদবনি অদুবু মসিনা কম্ম্যুনিতীগী শরুক য়াবগী সেন্তর অমা ওইগদবনি। মহাক্না হায়খি মদুদি অঙ্গনৱাদী সেন্তরশিংগী অকোইবদা লৈরিবা ইমুংশিং অসিসু অঙাংশিংগীদমক মচি ওইবা চীঞ্জাক, শান্নপোৎ অমসুং লোকেলগী ওইবা মরী লৈনবা পোৎলমশিং য়েন্থোক্তুনা অখন্নবা থৌরমশিংদা শরুক য়ানবা পুক্নিং থৌগৎপা য়াই।

প্রধান মন্ত্রীনা য়ুনিভর্সিতীশিং অমসুং এজুকেস্নেল ইন্সতিত্যুসনশিংবু অঙ্গনৱাদী সেন্তরশিংগা হেন্না নকশিন্ননবা হায়খি। য়ুনিভর্সিতীশিংনা মনাক নকপদা লৈবা অঙ্গনৱাদী সেন্তরশিং শীজিন্নবা অমসুং সোসিএল-ইম্পেক্ত স্তদীশিং পাংথোকপা য়াগনি। মসিনা মহৈরোইশিংদা কন্ত্রিব্যুৎ তৌনবগী খুদোংচাবা পীগনি অমসুং সর্ভিস দেলিভরী ফগৎহন্নবগীদমক কান্নরবা ইনসাইৎশিং পুথোকপা ঙমগনি। মেদিকেলগী মহৈরোইশিং অমসুং এন.এস.এস. অমসুং এন.সি.সি.গী ভোলুন্তিয়রশিং অসি অঙ্গনৱাদী সেন্তরশিং অমসুং কম্ম্যুনিতী ইনিসিয়েতিবশিং অসিগা চপ মান্ননা মরী লৈনবা য়াই হায়না মহাক্না হায়খি। মহাক্না ইনখৎলক্লিবা নুপীমচাশিংগী হকশেল, মচি ওইবা চীঞ্জাক অমসুং অপুনবা দিবেলপমেন্তদা অহেনবা মীৎয়েং চংনবা হায়খি।

প্রধান মন্ত্রীনা নুপীশিংগী সেফতীগা মরী লৈনবা ৱাফমশিং খন্নখি, মহাক্না নুপীশিংগী সেফতী, ইকাই খুম্নরবা অমসুং শক্তি পীবগী মতাংদা অঙাংশিংগীদমক চহিগা চুনবা মোদ্যুলশিং শেমগৎনবা ৱাফম থমখি। তোঙান তোঙানবা দিপার্তমেন্তশিংগী খোঙথাংশিং পুনশিন্দুনা চেকশিন থৌরাং লৌখৎনবা মহাক্না অকনবা ৱাফম থমখি।

লুনানবা, হকশেল অমসুং মচি ওইবা চীঞ্জাক্কী মরক্তা লৈনরিবা মরী অদু পল্লদুনা প্রধান মন্ত্রীনা লৈবাক শীনবা থুংনা লৈরিবা নুপী অমসুং অঙাংগী চাউখৎ-থৌরাং বিভাগশিংদা স্বচ্ছতা অভিয়ানগী থৌদাং লৌনবা হায়খি। অফবা হকশেল অমসুং মচি ওইবা চীঞ্জাক অসি লুনানবদগী হৌরকপনি হায়না মহাক্না অকনবা ৱাফম থমখি। অমসুং অঙ্গনৱাদী সেন্তরশিং অমসুং অকোইবদা লৈরিবা কম্ম্যুনিতীশিং অসি লমচৎ-শাজৎ অসি হোংদোকহন্নবগীদমক মরুওইবা প্লেৎফোর্ম অমা ওইরকপা য়াই হায়না মহাক্না ফোংদোকখি।

প্রধান মন্ত্রীনা ফোংদোকখি মদুদি ভোকেল ফোর লোকেল অমসুং ৱান দিস্ত্রিক্ত ৱান প্রদক্ত (ও.দি.ও.পি.) গুম্বা নেস্নেল মুভমেন্তশিং অসি নুপীশিংগী শক্তি লৈহন্নবা প্রমোৎ তৌগদবনি। মহাক্না মখা তাখি মদুদি নুপীশিংগী কাংলুপশিং অমসুং কম্ম্যুনিতী ইন্সতিত্যুসনশিং অসি লোকেল প্রদক্তশিং, হিংনবগী লম্বীশিং অমসুং শেন্মিৎলোনগী এম্পাৱরমেন্ত মপাঙ্গল কনখৎহনবদা মরু ওইবা পার্তনরশিং ওইবা য়াই।

প্রধান মন্ত্রীনা হায়খি মদুদি নুপী অমসুং অঙাংগী চাউখৎ থৌরাংগী মন্ত্রালয় অমসুং রাজ্যশিংদা লৈরিবা মসিগী মান্নবশিংনা খুন্নাইগী খ্বাইদগী চাউবা অমসুং মরুওইবা সেগমেন্ত অমগা মরী লৈনবা থৌদাংশিং অদু পীরি। ঙসি অঙ্গনৱাদী সেন্তরশিংদা অঙাংশিং অসি চাউখৎপা ভারত অমা শেমগৎলিবা নহাশিং অমসুং নাগরিকশিং ওইরগনি।

***